7200mAh బ్యాటరీతో వివో V80 లాంచ్.. ఇప్పుడు కొత్త ఫోన్ కొనాలా లేక అక్టోబర్ సేల్ కోసం ఆగాలా?

భారత మార్కెట్లో వివో V80 స్మార్ట్‌ఫోన్ 2026 అక్టోబర్ 6న విడుదల కానుందని వివో అధికారికంగా ధ్రువీకరించింది. ఈ ఫోన్‌లో 7,200mAh భారీ బ్యాటరీ, 4K సినీమాటిక్ వీడియో, 4K 60 fps రికార్డింగ్ వంటి ఫీచర్లు ఉన్నట్లు కంపెనీ టీజ్ చేసింది. అంతేకాకుండా, ఇది ఆరిజిన్ ఓఎస్ 7 (OriginOS 7) ఆపరేటింగ్ సిస్టమ్‌తో రానుందని.. సన్‌రైజ్ యాంథమ్, హారిజాన్ బ్లూ, స్టెల్లార్ బ్లాక్ రంగుల్లో లభిస్తుందని స్పష్టం చేసింది. సరిగ్గా అమెజాన్, ఫ్లిప్‌కార్ట్ పండుగ సేల్స్‌కు ముందే ఈ ఫోన్ లాంచ్ అవుతుండటంతో, కెమెరా ఫోన్ ప్రియులు ఇప్పుడున్న ఫోన్లు కొనాలా లేదా దీని కోసం ఆగాలా అనే ఆలోచనలో పడ్డారు.

ఫోటోగ్రఫీ ఆసక్తి ఉన్నవారు ఇందులో అందించిన 50-మెగాపిక్సెల్ జైస్ (ZEISS) నైట్ టెలిఫోటో కెమెరా, ఏఐ దీపావళి పోర్ట్రెయిట్ 2.0 ఫీచర్లను ఖచ్చితంగా గమనించాలి. 144Hz రిఫ్రెష్ రేట్‌తో కూడిన 1.5K OLED డిస్‌ప్లే వల్ల ఎండలో కూడా స్క్రీన్ స్పష్టంగా కనిపించడమే కాకుండా, ప్రీవ్యూలు చాలా స్మూత్‌గా ఉంటాయి. దీనికి తోడు ఏకంగా ఆరేళ్ల పాటు సెక్యూరిటీ అప్‌డేట్స్ ఇస్తామని వివో హామీ ఇస్తోంది. మీరు పోర్ట్రెయిట్స్, నైట్ షాట్స్ లేదా సుదీర్ఘ ఈవెంట్లను షూట్ చేసేవారైతే.. ఈ ఫోన్ మీకు బెస్ట్ అవుట్‌పుట్ ఇవ్వడమే కాకుండా, రోజంతా చార్జింగ్ అయిపోతుందనే బెంగ లేకుండా చూస్తుంది.

వివో V80 ఇండియా లాంచ్ డేట్: ఇప్పుడు కొనాలా? ఆగాలా?

మీకు బెస్ట్ టెలిఫోటో పోర్ట్రెయిట్స్, 4K 60 వీడియో రికార్డింగ్, భారీ బ్యాటరీ కావాలనుకుంటే అక్టోబర్ 6 వరకు ఆగడమే మంచిది. ఆఫర్ల కోసం చూసేవారు అక్టోబర్ 8 నుండి ప్రారంభమయ్యే 'అమెజాన్ గ్రేట్ ఇండియన్ ఫెస్టివల్'లో ఎస్‌బీఐ కార్డ్‌పై 10 శాతం ఇన్‌స్టంట్ డిస్కౌంట్ పొందవచ్చు. ఇక అక్టోబర్ 9న మొదలయ్యే 'ఫ్లిప్‌కార్ట్ బిగ్ బిలియన్ డేస్' సేల్‌లో యాక్సిస్, ఐసీఐసీఐ కార్డ్‌లపై 10 శాతం ఆఫర్లు ఉన్నాయి. వీటితో పాటు పాత ఫోన్ ఎక్స్ఛేంజ్ బోనస్, నో-కాస్ట్ ఈఎంఐ వంటి ఆఫర్లను ఉపయోగిస్తే ఫోన్ ధర గణనీయంగా తగ్గుతుంది.

మీ బడ్జెట్‌ను బట్టి ఇండియాలో లభించే ఉత్తమ కెమెరా ఫోన్లు ఇవే..

₹20వేలు–₹30వేల రేంజ్‌లో బెస్ట్ ఫోన్లు: మోటోరోలా ఎడ్జ్ 70 ఫ్యూజన్, శామ్‌సంగ్ గెలాక్సీ F70 ప్రో మరియు రెడ్‌మి నోట్ 15 ప్రో. పోర్ట్రెయిట్స్ కోసం వివో V60e కూడా మంచి ఆప్షన్. ₹30వేలు–₹40వేల బడ్జెట్‌లో: మెయిన్, అల్ట్రావైడ్ కెమెరాల పరంగా మోటోరోలా ఎడ్జ్ 70 ప్రో పర్ఫెక్ట్ ఛాయిస్. సెల్ఫీల కోసం చూసేవారు వివో V50 వైపు చూడవచ్చు. ₹40వేలు–₹55వేల బ్రాకెట్‌లో: ₹50వేలలోపు మోటోరోలా ఎడ్జ్ 70 ప్రో+ ఆల్ రౌండర్‌గా నిలుస్తుంది. ఇక ₹52వేలు–₹60వేల బడ్జెట్‌లో జైస్ (ZEISS) ట్యూన్డ్ పోర్ట్రెయిట్ల కోసం వివో V70 ఉత్తమ ఎంపిక.

ఫెస్టివ్ సేల్ లెక్కలు: బ్యాంక్, ఎక్స్ఛేంజ్, ఈఎంఐ ఆఫర్లు

కొనుగోలుదారులకు చిన్న సలహా: మీకు పోర్ట్రెయిట్స్, క్వాలిటీ వీడియోలు, భారీ బ్యాటరీ మరియు లేటెస్ట్ సాఫ్ట్‌వేర్ ముఖ్యమనుకుంటే కొద్దిరోజులు ఆగడమే మంచిది. ఒకవేళ మీ బడ్జెట్‌కు సరిపోయే ఫోన్ అందుబాటులో ఉండి, GIF/BBD సేల్‌లో ఆఫర్లు బాగా వస్తుంటే వెంటనే కొనేయవచ్చు. వివో V80కి ఏకంగా ఆరేళ్ల పాటు సెక్యూరిటీ అప్‌డేట్స్ ఇస్తుండటంతో పాటు, దేశవ్యాప్తంగా 650కి పైగా ఆథరైజ్డ్ సర్వీస్ సెంటర్లు అందుబాటులో ఉన్నాయి. ఈసారి ఎక్స్ఛేంజ్ మార్కెట్ చాలా ఊపందుకుంది కాబట్టి, సేల్ ప్రారంభం కాకముందే మీ పాత ఫోన్ ఎక్స్ఛేంజ్ విలువ, బ్యాంక్ ఆఫర్ల పరిమితులను ఒకసారి చెక్ చేసుకోండి.