వివో X200 అల్ట్రాలో ఐఫోన్ 16 లాంటి అదిరిపోయే ఫీచర్.. యూజర్ ఎక్స్‌పీరియన్స్ నెక్స్ట్ లెవెల్ అంతే!

Vivo X200 Ultra: వివో X200 అల్ట్రా ఫోన్ ఇంకా మార్కెట్లోకి రాకముందే దాని గురించి చాలా హడావుడి జరుగుతోంది. ఈ ప్రీమియం ఫోన్ లాంచ్ కాబోతోందని చాలా వెబ్‌సైట్లలో వార్తలు వస్తున్నాయి. ప్రముఖ టిప్‌స్టర్ 'డిజిటల్ చాట్ స్టేషన్' వెయిబోలో చెప్పిన దాని ప్రకారం, వివో X200 అల్ట్రా ఫోన్‌లో ఐఫోన్ 15 ప్రోలో ఉన్న 'యాక్షన్ బటన్' లాంటి ఫీచర్ ఒకటి ఉండబోతోందట. ఐఫోన్ 16 సిరీస్‌లోనూ ఈ బటన్ ఉంది.

ఈ స్పెషల్ బటన్ ద్వారా యూజర్లు పనులు చాలా ఫాస్ట్‌గా చేసుకోవచ్చు. లీకులు నిజమైతే, వివో యాక్షన్ బటన్ ఫోన్ కుడివైపు కింద భాగంలో వస్తుంది. దీంతో ఫొటోలు టక్కున తీసేయొచ్చు, ఇంకా చాలా పనులు ఈజీగా చేసుకోవచ్చని టాక్. దీంతో యూజర్ ఎక్స్‌పీరియన్స్ చాలా మెరుగుపడుతుంది.

* కెమెరా, పర్ఫార్మెన్స్..

వివో X200 అల్ట్రా కెమెరా విషయంలో కూడా తగ్గేదే లే అంటోంది. ఇందులో మూడు కెమెరాలు ఉంటాయట. రెండు 50-మెగాపిక్సెల్ సెన్సార్లు, టాప్ రేంజ్ 200-మెగాపిక్సెల్ పెరిస్కోప్ టెలిఫోటో లెన్స్ ఉంటాయని లీకులు. అంటే జూమ్ చేసి క్లారిటీ ఫొటోలు దింపడంలో ఈ ఫోన్ దిట్ట. ఇది మీడియాటెక్ డైమెన్సిటీ 9400+ చిప్‌సెట్‌తో వస్తుందట.

దీంతో గేమ్స్ ఆడినా, మల్టీ టాస్కింగ్ చేసినా ల్యాగ్ ఉండదు. ఇది టాప్ క్లాస్ ఫ్లాగ్‌షిప్ ఫోన్ కాబట్టి, వివో X200 అల్ట్రాలో స్టోరేజ్ కూడా భారీగానే ఉండబోతోంది. ఏకంగా 2TB వరకు స్టోరేజ్, 24GB వరకు LPDDR5X RAM ఇస్తారని అంటున్నారు. డిస్‌ప్లే విషయానికొస్తే, 6.8-అంగుళాల 2K LTPO OLED డిస్‌ప్లేతో వస్తుంది.

* రోజుంతా బ్యాటరీ, క్షణాల్లో ఛార్జింగ్..

స్మార్ట్‌ఫోన్ అంటే బ్యాటరీ లైఫ్ చాలా ముఖ్యం. వివో ఈ విషయంలో చాలా సీరియస్‌గా పనిచేసినట్లుంది. X200 అల్ట్రాలో 6000mAh బ్యాటరీ ప్యాక్ చేస్తున్నారట. అంటే ఒక్కసారి ఛార్జ్ చేస్తే రోజంతా హాయిగా వాడుకోవచ్చు. అంతేకాదు, 90W ఫాస్ట్ ఛార్జింగ్ సపోర్ట్ కూడా ఉంది. ఛార్జింగ్ అయిపోయే వరకు గంటల తరబడి వెయిట్ చేయాల్సిన పనిలేదు.

* నీళ్లు, దుమ్ముకి చెక్..

వివో X200 అల్ట్రా వాటర్, డస్ట్ రెసిస్టెన్స్‌లో కూడా అదుర్స్ అనిపిస్తోంది. IP65, IP68, IP69 రేటింగ్‌లతో వస్తుందట. అంటే నీళ్లు పడ్డా, దుమ్ము కొట్టినా ఈ ఫోన్‌కి ఏం కాదన్నమాట. చాలా ఫోన్లతో పోలిస్తే ఇది చాలా స్ట్రాంగ్‌గా ఉంటుందని చెప్పొచ్చు.

* ఇండియాలో బోట్ స్మార్ట్ ట్యాగ్ లాంచ్..

ఇక మరో న్యూస్ ఏంటంటే, బోట్ కంపెనీ ఇండియాలో స్మార్ట్ ట్యాగ్‌ను లాంచ్ చేసింది. ఇది యాపిల్ ఎయిర్‌ట్యాగ్, జియో ఎయిర్‌ట్యాగ్, శామ్‌సంగ్ ఎయిర్‌ట్యాగ్‌లకు పోటీ ఇవ్వనుంది. బోట్ ట్యాగ్ ద్వారా వాలెట్, కీస్ లాంటివి ఎక్కడైనా మిస్సయితే ట్రాక్ చేయొచ్చు.

ఫీచర్స్ అన్నీ దాదాపు వాటిలాగే ఉన్నా, రేటు మాత్రం తక్కువగా ఉండటంతో, బడ్జెట్‌లో ట్రాకింగ్ డివైజ్ కోసం చూసేవాళ్లకి ఇది బెస్ట్ ఆప్షన్ అని చెప్పొచ్చు. టెక్నాలజీ ఎంతలా అడ్వాన్స్‌డ్‌గా మారిందో ఈ పరికరం చూస్తే తెలుస్తుంది. దీని ధరను నెట్టింట ఇప్పుడే చెక్ చేయవచ్చు.