రూ.10వేలలోపు బ‌డ్జెట్‌ ధ‌ర‌లో Vivo నుంచి మ‌రో స్మార్ట్‌ఫోన్ విడుద‌ల‌!

|

చైనాకు చెందిన ప్ర‌ముఖ మొబైల్స్ ఉత్ప‌త్తుల త‌యారీ సంస్థ Vivo, భార‌త్‌లో క్ర‌మంగా త‌మ ఉత్ప‌త్తుల్ని విస్త‌రిస్తోంది. వినియోగ‌దారుల బ‌డ్జెట్‌కు అనుగుణంగా నిత్యం కొత్త ర‌కాల మోడ‌ల్స్‌ను భార‌త్‌లో విడుద‌ల చేస్తోంది. తాజాగా, భారతదేశంలో Y-సిరీస్ లో భాగంగా, కొత్త Vivo Y16ని విడుదల చేసింది. ఇదువ‌ర‌కే ఈ వై-సిరీస్ నుంచి భార‌త్‌లో Vivo Y22, Vivo Y35, Vivo Y75 5G, Vivo Y21G ఇప్ప‌టికే విడుద‌ల‌య్యాయి. తాజాగా ఈ Vivo Y16 స్మార్ట్‌ఫోన్ వై-సిరీస్‌కు జ‌త‌క‌ట్టింది.

 
రూ.10వేలలోపు బ‌డ్జెట్‌ ధ‌ర‌లో Vivo నుంచి మ‌రో స్మార్ట్‌ఫోన్ విడుద‌ల‌!

ఇది Realme Narzo 30A, Infinix Hot 10S, Tecno Spark 7T మరియు Poco M4 Pro వంటి వాటితో పోటీపడుతుందని విశ్లేష‌కులు భావిస్తున్నారు. ఈ కొత్త మోడ‌ల్ మొబైల్ 5,000mAh బ్యాటరీ, 13MP డ్యూయల్-రియర్ కెమెరా సెటప్‌తో వస్తుంది. అంతేకాకుండా, ఇది MediaTek Helio P35 ప్రాసెసర్‌తో పనిచేస్తుందని కంపెనీ పేర్కొంది.

Vivo Y16 ధర మరియు ఆఫర్లు
Vivo Y16 మొబైల్ ర్యామ్ స్టోరేజీ ఆధారంగా రెండు వేరియంట్ల‌లో అందుబాటులో ఉంటుంది. బేస్ 3GBర్యామ్ +32GB స్టోరేజీ మోడ‌ల్ ధ‌ర‌ను రూ.9,999 గా నిర్ణ‌యించారు. మరియు 4GB ర్యామ్ + 64GB స్టోరేజీ మోడ‌ల్ ధ‌ర‌ను రూ.12,499 గా నిర్ణ‌యించారు. Vivo Y16 మొబైల్స్ Vivo ఇండియా ఇ-స్టోర్‌లో మరియు అన్ని పార్టనర్ రిటైల్ స్టోర్‌లలో కొనుగోలు చేయడానికి అందుబాటులో ఉంటుందని కంపెనీ పేర్కొంది.

అలాగే, కస్టమర్‌లు అన్ని భాగస్వామి రిటైల్ స్టోర్‌లలో Kotak, IDFC, OneCard, BOB, Federal, AU బ్యాంక్ కార్డ్‌లను ఉపయోగించి రూ.1,000 వరకు క్యాష్‌బ్యాక్ పొందవచ్చు. అయితే స్మార్ట్‌ఫోన్‌ను ఆన్‌లైన్‌లో కొనుగోలు చేసే వినియోగదారులు HDFC డెబిట్/క్రెడిట్ కార్డ్‌ల ద్వారా రూ.750 క్యాష్‌బ్యాక్ పొందవచ్చు.

రూ.10వేలలోపు బ‌డ్జెట్‌ ధ‌ర‌లో Vivo నుంచి మ‌రో స్మార్ట్‌ఫోన్ విడుద‌ల‌!

Vivo Y16 ఫీచ‌ర్లు, స్పెసిఫికేష‌న్లు:
Vivo Y16 మొబైల్ స్పెసిఫికేష‌న్ల విష‌యానికొస్తే.. దీనికి 6.51 అంగుళాల HD+ (1600×720 రిసొల్యూష‌న్‌) హాలో ఫుల్ వ్యూ డిస్‌ప్లేను అందిస్తున్నారు. ఈ డివైజ్ 2.5D కర్వ్ డిజైన్‌తో ఫ్లాట్ ఫ్రేమ్‌ను కలిగి ఉంది. భద్రత కోసం, ఇది సమర్థవంతమైన అన్‌లాకింగ్ కోసం ఫేస్ వేక్ ఫీచర్‌తో పాటు సైడ్ ఫింగర్‌ప్రింట్ స్కానర్‌ను కలిగి ఉంటుంది. ఈ మొబైల్ MediaTek P35 ఆక్టా-కోర్ ప్రాసెసర్‌తో పనిచేస్తుంది. త‌ద్వారా రోజువారీ పనుల నిర్వ‌హ‌ణ విష‌యంలో సులభమైన‌ మరియు సున్నితమైన అనుభవాన్ని అందిస్తుంది. దీనికి 1TB వరకు మెమరీ విస్తరణకు మద్దతు ఇచ్చే ట్రిపుల్ కార్డ్ స్లాట్ అందిస్తున్నారు. అంతేకాకుండా, ఎక్స్‌టెండెడ్ ర్యామ్ 2.0 (4GB RAM + 1GB ఎక్స్‌టెండెడ్ ర్యామ్)తో వస్తుంది.

కెమెరాల విష‌యానికొస్తే, ఈ మొబైల్‌కు బ్యాక్‌సైడ్ 13MP ప్రధాన కెమెరా మరియు 2MP మాక్రో కెమెరాతో కూడిన AI పవర్డ్ డ్యూయల్ రియర్ కెమెరా సెటప్‌ను కలిగి ఉంది. ఇక సెల్ఫీలు, మ‌రియు వీడియో కాలింగ్ కోసం 5MP ఫ్రంట్ కెమెరా అందిస్తున్నారు. షార్ప్ మరియు స్పష్టమైన చిత్రాలను తీయడానికి ఇది ఉప‌యోగ‌ప‌డుతుంది. వెనుక కెమెరా సూపర్ HDR \ మరియు ప్రకాశవంతమైన మరియు అధిక-రిజల్యూషన్ చిత్రాలను క్లిక్ చేయడానికి స్క్రీన్ లైట్‌ను కలిగి ఉంది. ఇక ఛార్జ్ విష‌యానికొస్తే.. స్మార్ట్‌ఫోన్ భారీ సామ‌ర్థ్యం క‌లిగిన 5,000mAh బ్యాటరీని ప్యాక్ చేస్తుంది.

 

Vivo Y16 మొబైల్ Android 12 ఓఎస్ ఆధారంగా రూపొందించబడిన తాజా Funtouch OS 12 పై నడుస్తుంది. ఇది మల్టీ టర్బో మరియు అల్ట్రా గేమ్ మోడ్‌ను కూడా తీసుకువస్తుంది, ఇది గేమింగ్ సమయంలో స్మార్ట్‌ఫోన్ యూజ‌ర్‌కు మంచి అనుభూతిని ఇస్తుంది.

Best Mobiles in India

English summary
Vivo Y16 smartphone launched in india, check the details of specifications

ఉత్తమ ఫోన్లు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X