5500mAh బ్యాటరీ, 50MP కెమెరా, IP64 రేటింగ్‌తో Vivo స్మార్ట్‌ఫోన్‌.. ధర, ఫీచర్‌ల పూర్తి వివరాలు..!

ప్రముఖ స్మార్ట్‌ఫోన్ల తయారీ సంస్థ వివో ఇటీవల Y19s స్మార్ట్‌ఫోన్‌ను (Vivo Y19s Smartphone) ఆవిష్కరించింది. అయితే తాజాగా ఈ హ్యాండ్‌సెట్‌ ధర సహా ఇతర వివరాలను వెల్లడించింది. ఈ ఫోన్ రెండు స్టోరేజీ వేరియంట్‌ లలో అందుబాటులో ఉంటుంది. మరియు ఆకర్షణీయ డిజైన్‌ ను కలిగి ఉంది. భారీ బ్యాటరీతో అందుబాటులో ఉంది. దీంతోపాటు ముఖ్యంగా ఎక్కువ రోజులపాటు మన్నిక వచ్చేలా MIL-STD 810H మిలిటరీ గ్రేడ్ సర్టిఫికేషన్‌ ను కలిగి ఉంది. ఈ హ్యాండ్‌సెట్‌ ధర, ఫీచర్లు, స్పెసిఫికేషన్‌ ల పూర్తి వివరాలు.

వివో Y19S స్మార్ట్‌ఫోన్‌ స్పెసిఫికేషన్‌ లు, ఫీచర్‌ల వివరాలు :

ఈ వివో కొత్త స్మార్ట్‌ ఫోన్‌ 6.68 అంగుళాల HD+ LCD డిస్‌ప్లేను కలిగి ఉంటుంది. ఈ డిస్‌ప్లే 90Hz రీఫ్రెష్‌ రేట్‌, 720*1608 పిక్సల్స్‌ రిజల్యూషన్‌, 264 ppi పిక్సల్‌ డెన్సిటీని కలిగి ఉంది. మరియు మిలిటరీ గ్రేడ్‌ సర్టిఫికేషన్‌ తో అందుబాటులో ఉంది.

ఆండ్రాయిడ్‌ 14 OS : వివో Y19s స్మార్ట్‌ ఫోన్‌ ఆండ్రాయిడ్ 14 ఆధారిత Funtouch OS 14 పైన పనిచేస్తుంది. మరియు 12nm ఆక్టాకోర్‌ Unisoc T612 ప్రాసెసర్‌ తో పనిచేస్తుంది. ఈ ప్రాసెసర్‌ 6GB LPDDR4x ర్యామ్ మరియు 128GB eMMC 5.1 అంతర్గత స్టోరేజీతో జతచేసి ఉంది.

ఈ హ్యాండ్‌సెట్ మూడు వేరియంట్‌ లలో అందుబాటులో ఉంటుందని వివో తెలిపింది. 4GB ర్యామ్‌ + 64GB స్టోరేజీ మరియు 4GB ర్యామ్ + 128GB స్టోరేజీ, 6GB ర్యా్మ్‌ + 128GB స్టోరేజీ వేరియంట్‌లో లభిస్తుంది. ఈ హ్యాండ్‌సెట్‌ ప్రస్తుతం థాయ్‌లాండ్‌లోనే అందుబాటులో ఉంది. అక్కడ ప్రారంభ ధర THB 3999 (భారత కరెన్సీ ప్రకారం RS9800) గా ఉంది.

ధర వివరాలు : అదే 4GB ర్యామ్ + 128GB స్టోరేజీ ధర THB 4399 (భారత కరెన్సీ ప్రకారం రూ.11,000), 6GB ర్యామ్ + 128GB స్టోరేజీ వేరియంట్‌ ధర THB 4999 (భారత కరెన్సీ ప్రకారం 12,200) గా ఉంది. అయితే ఈ హ్యాండ్‌సెట్ భారత్‌ లో విడుదలపై ఎటువంటి స్పష్టత లేదు.

కెమెరా విభాగం పరంగా వెనుక వైపు డ్యూయల్‌ కెమెరాలను కలిగి ఉంది. f/1.8 అపేచర్‌తో 50MP ప్రధాన కెమెరా, f/3.0 అపేచర్‌తో 0.08MP కెమెరాను అమర్చి ఉంది. సెల్ఫీ, వీడియో కాల్స్‌ కోసం ముందు వైపు ఈ హ్యాండ్‌సెట్‌ 5MP కెమెరాను కలిగి ఉంది. 15W వైర్‌ ఛార్జింగ్‌ సపోర్టుతో 5500mAh బ్యాటరీతో పనిచేస్తుంది.

IP64 రేటింగ్, ఫింగర్ ప్రింట్‌ సెన్సార్‌ : వివో హ్యాండ్‌సెట్ IP64 రేటింగ్‌తో డస్ట్‌ మరియు స్ప్లాష్ రెసిస్టెంట్‌గా ఉంది. భద్రత కోసం సైడ్‌ మౌంటెడ్‌ ఫింగర్‌ ప్రింట్‌ సెన్సార్‌ ఉంది. కనెక్టివిటీ 4G LTE, బ్లూటూత్ 5.2, వైఫై, USB-C ఛార్జింగ్‌ సపోర్టును కలిగి ఉంది. గ్లేసియర్ సిల్వర్‌, గ్లోసీ బ్లాక్‌, పెర్ల్‌ సిల్వర్‌ రంగుల్లో లభిస్తుంది.