50MP కెమెరా, 6000mAh బ్యాటరీ, FHD+ డిస్‌ప్లే Vivo 5G స్మార్ట్‌ఫోన్‌పై రూ.1500 డిస్కౌంట్!

వివో సంస్థ భారత్ మార్కెట్‌లో గత సంవత్సరం డిసెంబర్‌ లో వివో X300 సిరీస్‌ విడుదల అయింది. అనంతరం ఈ సంవత్సరం జనవరి నెలలో వివో X200T హ్యాండ్‌సెట్‌ విడుదల అయింది. ఈ వారంలోనే వివో V70 సిరీస్‌ విడుదల కానుంది. ఈ సిరీస్‌లో భాగంగా వివో V70, వివో V70 ఇలైట్‌ మోడల్స్‌ లాంచ్ కానున్నాయి. Zeiss భాగస్వామ్యంతో కెమెరాలను కలిగి ఉంటుంది. దీంతోపాటు స్పెసిఫికేషన్‌లు, ఫీచర్ల వివరాలు కూడా వెల్లడయ్యాయి.

వివో సంస్థ గత సంవత్సరం వివో Y400 సిరీస్‌ను లాంచ్‌ చేసింది. ఈ సిరీస్‌లో భాగంగా అందుబాటులోకి వచ్చిన వివో Y400 5G స్మార్ట్‌ఫోన్‌ను (Vivo Y400 5G Smartphone) ప్రస్తుతం డిస్కౌంట్ ధరకు కొనుగోలు చేయవచ్చు. ఈ హ్యాండ్‌సెట్ 50MP కెమెరా, 6000mAh బ్యాటరీ, మెరుగైన ఆడియో కోసం స్టీరియో స్పీకర్‌లను కలిగి ఉంది.

రూ.1500 డిస్కౌంట్‌ :
వివో Y400 5G స్మార్ట్‌ఫోన్ ప్రస్తుతం ధర 8GB ర్యామ్‌ + 128GB స్టోరేజీ ధర రూ.22999, 8GB ర్యామ్ + 256GB స్టోరేజీ ధర రూ.24999 గా ఉంది. అమెజాన్‌లో ఎంపిక చేసిన బ్యాంకు కార్డులపై గరిష్ఠంగా రూ.1500 డిస్కౌంట్‌ను పొందవచ్చు.

డిస్‌ప్లే వివరాలు :
వివో Y400 5G స్మార్ట్‌ఫోన్ 120Hz రీఫ్రెష్‌ రేట్‌తో 6.67 అంగుళాల (1080 x 2400 పిక్సల్స్‌) FHD+ అమోలెడ్ డిస్‌ప్లేను కలిగి ఉంది. ఈ డిస్‌ప్లే 1800 నిట్స్‌ గరిష్ఠ బ్రైట్‌నెస్‌ను కలిగి ఉంది. ఈ ఫోన్ ఓలివ్‌ గ్రీన్‌, గ్లామ్‌ వైట్‌ కలర్‌ వేరియంట్స్‌లో అందుబాటులో ఉంది.

4 సంవత్సరాల వరకు అప్‌డేట్స్ :
ఈ ఫోన్ స్నాప్‌డ్రాగన్ 4 జెన్‌ 2 SoC ప్రాసెసర్‌ ను కలిగి ఉంది. 8GB LPDDR4x ర్యామ్, 256GB UFS 3.1 స్టోరేజీని సపోర్టు చేస్తుంది. ఆండ్రాయిడ్‌ 15 ఆధారిత Funtouch OS 15 పైన పనిచేస్తోంది. ఈ ఫోన్ 3 ఆండ్రాయిడ్‌ అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ను పొందుతుంది.

50MP కెమెరా :
కెమెరా విభాగం పరంగా ఈ ఫోన్ వెనుక వైపు రెండు కెమెరాలున్నాయి. ఇందులో 50MP సోనీ IMX852 ప్రైమరీ కెమెరా, 2MP సెకండరీ కెమెరా ఉంది. సెల్ఫీ, వీడియో కాల్స్‌ కోసం 32MP కెమెరాను కలిగి ఉంది. ఫోటోగ్రఫీ పరంగా అనేక ప్రత్యేక ఫీచర్లున్నాయి.

6000mAh బ్యాటరీ :
ఈ హ్యాండ్‌సెట్ సర్కిల్‌ టు సెర్చ్‌, ఏఐ సూపర్‌ లింక్‌, స్క్రీన్‌ ట్రాన్స్‌లేషన్‌, ఏఐ సూట్‌, ఏఐ ట్రాన్స్‌స్క్రిప్ట్, ఏఐ నోట్‌ అసిస్ట్‌ వంటి ఫీచర్లు ఉన్నాయి. ఈ వివో ఫోన్ 90W వైర్ ఫాస్ట్‌ ఛార్జింగ్ సపోర్టుతో 6000mAh బ్యాటరీతో పనిచేస్తోంది. కేవలం 20 నిమిషాల్లో 1-50 శాతం ఛార్జింగ్‌ను పూర్తి చేయవచ్చని వివో చెబుతోంది.

కనెక్టివిటీ పరంగా 5G, 4G LTE, GPS, వైఫై, OTG, USB-C ఛార్జింగ్ పోర్టును కలిగి ఉంది. సెక్యూరిటీ కోసం ఇన్‌డిస్‌ప్లే ఫింగర్‌ ప్రింట్ సెన్సర్ ఉంది. IP68, IP69 రేటింగ్‌ తో డస్ట్, వాటర్‌ రెసిస్టెంట్‌గా ఉంది. మెరుగైన ఆడియో కోసం డ్యూయల్‌ స్టీరియో స్పీకర్‌లను కలిగి ఉంది.