రూ.2000 డిస్కౌంట్‌.. 3D కర్వడ్‌ అమోలెడ్‌ డిస్‌ప్లే, 4 సంవత్సరాల అప్‌డేట్స్‌, 50MP కెమెరా 5G ఫోన్!

భారత్‌ మార్కెట్‌ లో వివో X200T స్మార్ట్‌ఫోన్‌ జనవరి 27 వ తేదీన విడుదల కానుంది. ఈ హ్యాండ్‌సెట్‌ గురించి ఇప్పటికే అనేక వివరాలు వెల్లడయ్యాయి. అయితే గత సంవత్సరం వివో నుంచి అనేక స్మార్ట్‌ఫోన్లు అందుబాటులోకి వచ్చాయి. Y సిరీస్‌ మోడల్స్‌తోపాటు T4, V50, V60 సిరీస్‌ లో అనేక స్మార్ట్‌ఫోన్‌లు అందుబాటులోకి వచ్చాయి. అయితే గత సంవత్సరం విడుదల అయిన వివో Y400 ప్రో 5G స్మార్ట్‌ఫోన్‌ ను ప్రస్తుతం డిస్కౌంట్ ధరకు కొనుగోలు చేయవచ్చు.

రూ.2000 డిస్కౌంట్‌ :
వివో Y400 ప్రో 5G స్మార్ట్‌ఫోన్‌ (Vivo Y400 Pro 5G Smartphone) ప్రస్తుతం వివో వెబ్‌సైట్‌, ఫ్లిప్‌కార్ట్‌ లో కొనుగోలు చేసేందుకు అందుబాటులో ఉంది. 8GB ర్యామ్ + 128GB స్టోరేజీ ధర రూ.25999, 8GB ర్యామ్‌ + 256GB స్టోరేజీ ధర రూ.27999 గా ఉంది. ప్రస్తుతం ఫ్లిప్‌కార్ట్‌ లో ఎంపిక చేసిన బ్యాంకు కార్డులపై గరిష్ఠం రూ.2 వేల డిస్కౌంట్‌ ను పొందవచ్చు.

3D కర్వడ్‌ అమోలెడ్‌ డిస్‌ప్లే :
వివో Y400 ప్రో 5G స్మార్ట్‌ఫోన్‌ 120Hz రీఫ్రెష్‌ రేట్‌ తో 6.77 అంగుళాల FHD+ 3D కర్వడ్‌ అమోలెడ్‌ డిస్‌ప్లేను కలిగి ఉంది. డిస్‌ప్లే 4500 నిట్స్‌ పీక్‌ బ్రైట్‌నెస్‌, 300Hz టచ్‌ శాంప్లింగ్‌ రేట్‌ ను కలిగి ఉంది. ఈ డిస్‌ప్లే వెట్‌ టచ్‌ సపోర్టును కలిగి ఉంది. అంటే తడి చేతులతోనూ ఈ డిస్‌ప్లేను నియంత్రించుకోవచ్చు.

4 సంవత్సరాల సెక్యూరిటీ అప్‌డేట్స్‌ :
ఈ వివో మీడియాటెక్ డైమెన్సిటీ 7300 SoC ప్రాసెసర్‌ ను కలిగి ఉంది. ఈ ప్రాసెసర్‌ 8GB LPDDR4X ర్యామ్, 256GB UFS 3.1 స్టోరేజీతో జతచేసి ఉంటుంది. ఆండ్రాయిడ్ 15 ఆధారిత FuntouchOS 15 పైన పనిచేస్తోంది. ఈ ఫోన్‌ 3 ఆండ్రాయిడ్ OS అప్‌డేట్స్, 4 సంవత్సరాల వరకు సెక్యూరిటీ అప్‌డేట్స్‌ ను పొందుతుంది.

50MP సోనీ కెమెరా :
కెమెరా విభాగం పరంగా వెనుక వైపు డ్యూయల్‌ కెమెరాలు ఉన్నాయి. 50MP సోనీ IMX882 ప్రైమరీ, 2MP సెకండరీ కెమెరాలు ఉన్నాయి. సెల్ఫీ, వీడియో కాల్స్‌ కోసం 32MP సెల్ఫీ కెమెరాను అమర్చారు. ఈ కెమెరాలతో 4K వీడియో రికార్డింగ్‌ చేయవచ్చు.

ఫాస్ట్‌ ఛార్జింగ్ :
వివో Y400 ప్రో 5G ఫోన్ ఏఐ స్క్రీన్‌ ట్రాన్స్‌లేషన్‌, AI Super link, AI Note Assist, AI Erase 2.0, AI Photo Enhance వంటి వీచర్లు ఉన్నాయి. ఈ హ్యాండ్‌సెట్ 90W వైర్‌ ఫాస్ట్‌ ఛార్జింగ్ సపోర్టుతో 5500mAh బ్యాటరీతో పనిచేస్తోంది.

ఈ ఫోన్‌ ఫెస్ట్‌ గోల్డ్‌, ఫ్రీ స్టైల్‌ వైట్‌, నెబులా పర్పుల్‌ కలర్‌ వేరియంట్స్‌లో అందుబాటులో ఉంటుంది. IP65 రేటింగ్‌తో డస్ట్‌, వాటర్‌ రెసిస్టెంట్‌గా ఉంది. 5G, 4G, Wi-Fi, బ్లూటూత్‌ 5.4, GPS, USB-C ఛార్జింగ్‌ పోర్టును కలిగి ఉంది.