పెద్దలకు మాత్రమే..?

మార్కెట్లో రోజుకో కొత్త స్మార్ట్ ఫోన్ పుట్టకొస్తుంది.. దీనికి కారణం ఊహించని డిమాండ్.. ప్రస్తుత కుర్రకారు మోజంతా స్మార్ట్ ఫోన్‌ల పైనే..  సాధారణ హ్యాండ్ సెట్‌లను ఉపయోగించే వారిలో యువతతో పోలిస్తే పెద్దవారే ఎక్కువుగా ఉన్నట్లు ఓ సర్వే ద్వారా వెల్లడైంది.

ఈ నేపధ్యంలో వొడాఫోన్ సంస్థ పెద్ద వారికి మరింత అనువుగా ఉండేదుకు గాను సాధారణ మొబైల్ ఫోన్‌ను రూపొందించింది. ధర కేవలం రూ.1800. కాలింగ్ అదేవిధంగా సందేశాలు పంపుకునేందుకు ఈ మొబైల్ పూర్తి స్ధాయిలో దోహదపడుతుంది.

‘వొడిఫోన్ 155’ మోడల్లో  డిజైన్ కాబడిన ఈ ఫోన్ ఫీచర్లు:

*   బ్యాటరీ స్టాండ్ బై 29రోజులు,

*   టాక్ టైమ్ 600నిమిషాలు,

*   ఇంటర్నల్ మెమెరీ 0.3 ఎంబీ,

* 2జీ నెట్‌వర్క్ సపోర్ట్,

*   ఎస్‌వోఎస్ ఇంటిగ్రేటెడ్ సెక్యూరిటీ వ్యవస్థ,

*   నాయిస్ క్యాన్సిలేషన్ టెక్నాలజీ,

*   హై వాల్యుమ్ రింగ్‌టోన్స్,

ఏంటీ SOS ఫీచర్..?

డివైజ్‌లో ఏర్పాటు చేసిన SOS అప్లికేషన్ వినియోగదారుడి భద్రతను కట్టుదిట్టం చేస్తుంది. అత్యవసర సమయంలో ఈ ఫీచర్ ఉపయోగపడుతుంది. ఉపయోగించుకునే విధానం: ఎమర్జన్సీ సమయంలో  వినియోగదారుడు ఫోన్ వెనుక భాగంలో ఏర్పాటు చేసిన చిన్న బటన్ ప్రెస్ చేసి కొద్ది సేపు ఉంచాలి, తద్వారా అలర్ట్ సౌండ్  ఉత్పన్నమవుతుంది. అంతే కాదు సదురు వ్యక్తికి ఆప్తులైన నలుగురికి  సందేశం రూపంలో హెచ్చరికలు పంపుతుంది.