ఈ ఉపయోగాలు తెలిస్తే పాత ఫోన్లను మూలన పడేయరు !

| Published: Friday, May 4, 2018, 18:12 [IST]

స్మార్ట్‌ఫోన్ వినియోగం విషయంలో నేటి యువత సరికొత్త ట్రెండ్‌ను ఫాలో అవుతున్నారు. వారు వాడుతున్నది లేటెస్ట్ ఫీచర్లతో కూడిన స్మార్ట్‌ఫోనే అయినా మార్కెట్లోకి మరో కొత్త మోడల్ వచ్చిందంటే చాలు, పాత మొబైల్‌ను ఎంతో కొంతకు వదిలించేసుకుని కొత్త ఫోన్ కోసం పరుగులు పెట్టేస్తున్నారు. మరికొంతమందైతే ఈ ఫోన్లను ఏ చెత్త కుండీలోనో పడేస్తుంటారు. అయితే, మీరు వాడినంత కాలం వాడి ఆ తర్వాత వదిలేసిన ఫోన్‌తో అదనపు ప్రయోజనాలు చాలానే ఉన్నాయి. మీ ఇంట్లో ఉన్న పాత స్మార్ట్‌ఫోన్‌లను అనేక అవసరాలకు ఉపయోగించుకోవచ్చు. మరి పాత ఫోన్లు ఏ అవసరాలకు ఉపయోగించుకోవచ్చనేదానిపై ఓ స్మార్ట్ లుక్కేయండి.

సైలెంట్‌గా దూసుకొస్తున్న Redmi S2, సర్‌ప్రైజ్ అంటున్న షియోమి సైలెంట్‌గా దూసుకొస్తున్న Redmi S2, సర్‌ప్రైజ్ అంటున్న షియోమి

వైర్‌లెస్ ట్రాక్‌ప్యాడ్‌

జీమోట్ 2.0 అనే యాప్ సాయంతో మీ పాత స్మార్ట్‌ఫోన్‌‌ను కంప్యూటర్‌కు వైర్‌లెస్ ట్రాక్‌ప్యాడ్‌లా ఉపయోగించుకోవచ్చు.

జీపీఎస్ నేవిగేటర్‌

మీ పాత స్మార్ట్‌ఫోన్‌‌ను కారుకు కనెక్ట్ చేసుకుని జీపీఎస్ నేవిగేటర్‌లా ఉపయోగించుకోవచ్చు

సెక్యూరిటీ వెబ్ క్యామ్‌

స్మార్ట్‌ఫోన్‌లను వైర్‌లెస్ సెక్యూరిటీ కెమెరాలుగా మార్చే అనేక యాప్స్ మార్కెట్లో సిద్ధంగా ఉన్నాయి. కాబట్టి, మీ పాత స్మార్ట్‌ఫోన్‌ను ఓ సెక్యూరిటీ వెబ్ క్యామ్‌లా ఉపయోగించుకోవచ్చు.