ఈ సంస్థ నుంచి తొలి స్మార్ట్‌ఫోన్‌ విడుదల.. ఫుల్ HD+ డిస్‌ప్లే, 50MP కెమెరా, 32MP సెల్ఫీ కెమెరా సహా..!

ఇండ్కల్‌ టెక్నాలజీస్‌ (indkal Technologies) భారత్‌ మార్కెట్‌ లో తొలి స్మార్ట్‌ ఫోన్‌ ను విడుదల చేసింది. వోబుల్‌ వన్‌ పేరుతో ( Wobble One Smartphone ) స్మార్ట్‌ ఫోన్‌ ను తీసుకొచ్చింది. ఈ ఫోన్‌ ఆర్టిఫిషియల్ ఇంటెలిజెన్స్‌ ఆధారిత కెమెరాలను కలిగి ఉంది. డాల్పీ అట్మా్స్‌, డాల్బీ విజన్‌ వంటి ఫీచర్లు కూడా ఉన్నాయి. ఇండ్కల్‌ వోబుల్‌ వన్‌ స్మార్ట్‌ ఫోన్‌ స్పెసిఫికేషన్‌ లు, ఫీచర్లు, ధర వివరాలు.

వోబుల్‌ వన్‌ స్మార్ట్‌ఫోన్‌ స్పెసిఫికేషన్‌లు, ఫీచర్లు :
ఈ హ్యాండ్‌సెట్‌ అల్యూమినియం ఫ్రేమ్‌ తో విడుదల అయింది. మరియు వెనుక వైపు గ్లాస్‌ ప్యానల్‌ ను కలిగి ఉంది. మరియు 120Hz రీఫ్రెష్‌ రేట్‌ తో 6.67 అంగుళాల ఫుల్‌ HD+ అమోలెడ్ డిస్‌ప్లేతో విడుదల అయింది. ఈ డిస్‌ప్లే డాల్బీ విజన్‌ సపోర్టును కూడా కలిగి ఉంటుంది.

ఆండ్రాయిడ్ 15 OS :
ఈ హ్యాండ్‌సెట్‌ 4nm మీడియాటెక్‌ డైమెన్సిటీ 7400 చిప్‌సెట్‌ ను కలిగి ఉంది. ఈ చిప్‌సెట్ 12GB ర్యామ్‌, 256GB స్టోరేజీని సపోర్టు చేస్తుంది. ఆండ్రాయిడ్‌ 15 ఆధారిత OS పైన పనిచేస్తుంది. ఈ ఫోన్‌ హైపర్‌ ఇంజిన్ గేమింగ్ టెక్నాలజీని కూడా కలిగి ఉంది.

50MP సోనీ కెమెరా :
కెమెరా విభాగం పరంగా వెనుక వైపు ట్రిపుల్ కెమెరాలను కలిగి ఉంది. ఇందులో ఆప్టికల్‌ ఇమేజ్‌ స్టెబిలైజేషన్‌ ( OIS ) సపోర్టుతో 50MP సోనీ LYT 600 కెమెరా ఉంది. దీంతోపాటు 8MP అల్ట్రావైడ్‌, బొకేష్‌ లెన్స్‌ మరియు 2MP మ్యాక్రో కెమెరాను కలిగి ఉంది. ఈ ఫోన్‌ ముందు వైపు 32MP కెమెరాను కలిగి ఉంది. మెరుగైన కెమెరా సామర్థ్యం కోసం వోబుల్ మోడ్‌ ఫీచర్‌ ఉంటుందని తెలిపింది.

అయితే ఈ ఫోన్ ఎంత బ్యాటరీ సామర్థ్యాన్ని కలిగి ఉందని వివరాలను సంస్థ వెల్లడించలేదు. అయితే ఒక్కసారి పూర్తిగా ఛార్జింగ్‌ చేసి 47 గంటల బ్యాటరీ లైఫ్‌ లేదా 24 గంటల వీడియో ప్లేబ్యాక్ టైమ్‌ ను పొందుతుందని సంస్థ చెబుతోంది. ఈ హ్యాండ్‌సెట్ 7.8mm థిక్‌నెస్‌ ను కలిగి ఉంది.

వోబుల్‌ వన్‌ స్మార్ట్‌ఫోన్‌ ధర, సేల్ వివరాలు :
ఈ స్మార్ట్‌ఫోన్ 8GB ర్యామ్ + 128GB స్టోరేజీ వేరియంట్ ధర రూ.22,000 గా ఉంటుంది. ఈ ఫోన్‌ 8GB ర్యామ్‌ + 256GB స్టోరేజీ, 12GB ర్యామ్ + 256GB స్టోరేజీ వేరియంట్స్‌ లోనూ అందుబాటులో ఉంటుంది. ఈ వేరియంట్స్ ధర వివరాలు వెల్లడి కావాల్సి ఉంది.

వోబుల్‌ వన్‌ స్మార్ట్‌ ఫోన్‌ సేల్‌ డిసెంబర్‌ 12 వ తేదీ నుంచి ప్రారంభం కానుంది. అమెజాన్ ద్వారా కొనుగోలు చేయవచ్చు. ఈ హ్యాండ్‌సెట్ ఒడిస్సీ బ్లూ, మిథిక్‌ వైట్‌, ఎక్లిప్స్‌ బ్లాక్‌ కలర్‌ వేరియంట్స్‌ లో లభిస్తుంది. ఈ ఫోన్‌ ధర వివరాలు త్వరలో వెల్లడయ్యే అవకాశం ఉంది.