డ్యూయల్‌ టోన్‌ ఫినిష్‌, 50MP కెమెరాతో షియోమీ లిమిటెడ్‌ ఎడిషన్‌ ఫోన్.. విడుదల తేదీ వెల్లడి..!

షియోమీ నుంచి త్వరలో లిమిటెడ్ ఎడిషన్‌ స్మార్ట్‌ ఫోన్‌ లాంచ్ కానుంది. తాజాగా ఈ హ్యాండ్‌ సెట్‌ గురించి సంస్థ టీజర్‌ ను విడుదల చేసింది. ఈ కొత్త స్మార్ట్‌ ఫోన్‌ షియోమీ 14 సివీ లిమిటెడ్ ఎడిషన్‌ (Xiaomi 14 Civi Limited Edition Smartphone) ప్రస్తుతం అందుబాటులో ఉన్న షియోమీ 14 సివీ స్టాండర్డ్‌ వేరియంట్‌ తరహా ఫీచర్లను కలిగి ఉంటుందని తెలుస్తోంది. ఈ స్టాండర్డ్‌ వెర్షన్ భారత్‌లో జూన్‌లో విడుదల అయింది. ఈ లిమిటెడ్‌ ఎడిషన్‌ స్మార్ట్‌ ఫోన్‌ డ్యూయల్‌ టోన్‌ ఫినిష్‌ ను కలిగి ఉంటుంది.

ఈ షియోమీ 14 సివీ లిమిటెడ్‌ ఎడిషన్‌ స్మార్ట్‌ ఫోన్‌ ఇప్పటికే చైనాలో అందుబాటులో ఉన్న షియోమీ సివీ 4 ప్రో హ్యాండ్‌సెట్‌ కు రీబ్రాండెడ్ వెర్షన్‌గా రానుందని తెలుస్తోంది. ఈ లిమిటెడ్‌ ఎడిషన్‌ స్మార్ట్‌ఫోన్‌ జులై 29న భారత్‌లో విడుదల కానుంది. దీంతోపాటు ఈ హ్యాండ్‌సెట్ Panda డిజైన్‌ ను కలిగి ఉంటుంది.

ఈ షియోమీ లిమిటెడ్‌ ఎడిషన్‌ స్మార్ట్‌ ఫోన్‌ డ్యూయల్ టోన్‌ ఫినిష్‌ ను కలిగి ఉంటుంది. హ్యాండ్‌ సెట్‌ బ్యాక్‌ ప్యానల్‌ డిజైన్ గ్లాస్‌ మరియు వేగాన్‌ లెదర్‌తో అందుబాటులో ఉంటుంది. ఈ కొత్త స్మార్ట్‌ఫోన్ బ్లూ, పింక్‌, వైట్‌ రంగుల్లో లభిస్తుంది. ఈ హ్యాండ్‌సెట్ డిజైన్‌ ఆకట్టుకొనే విధంగా ఉంది.

షియోమీ 14 సివీ లిమిటెడ్‌ ఎడిషన్ అంచనా స్పెసిఫికేషన్‌లు :
షియోమీ 14 సివీ లిమిటెడ్‌ ఎడిషన్‌ ప్రస్తుతం అందుబాటులో ఉన్న స్టాండర్డ్‌ వేరియంట్ తరహా స్పెసిఫికేషన్‌ లు, ఫీచర్‌లను కలిగి ఉంటుంది. దీంతోపాటు ఈ హ్యాండ్‌ సెట్ వెనుక వైపు 50MP Leica కెమెరాలను కలిగి ఉంటుందని తెలుస్తోంది. దీంతోపాటు ముందువైపు రెండు 32MP సెల్ఫీ కెమెరాలను కలిగి ఉంటుందని తెలుస్తోంది.

దీంతోపాటు ఈ లిమిటెడ్‌ ఎడిషన్‌ స్మార్ట్‌ఫోన్‌ 120Hz రీఫ్రెష్‌ రేట్‌, 1.5k రిజల్యూషన్‌తో క్వాడ్‌ కర్వడ్‌ అమోలెడ్‌ డిస్‌ప్లేను కలిగి ఉంటుందని తెలుస్తోంది. ఈ డిస్‌ప్లే HDR10+ సహా డాల్బీ విజన్ సపోర్టును కలిగి ఉంటుందని తెలుస్తోంది. ఈ ఫోన్‌ 67W వైర్‌ టర్బో ఛార్జింగ్ సపోర్టుతో 4700mAh బ్యాటరీని కలిగి ఉంటుంది.

ఈ షియోమీ 14 సివీ లిమిటెడ్‌ ఎడిషన్‌ స్మార్ట్‌ఫోన్‌ స్నాప్‌ డ్రాగన్‌ 8s జెన్‌ 3 చిప్‌సెట్‌ ను కలిగి ఉండే అవకాశం ఉంది. ఈ చిప్‌సెట్‌ 12GB LPDDR5X ర్యామ్‌ మరియు 512GB UFS 4.0 అంతర్గత స్టోరేజీతో జతచేయబడి ఉంటుందని తెలుస్తోంది. ఈ హ్యాండ్‌ సెట్‌ స్టోరేజీ వేరియంట్ల వివరాలు వెల్లడి కావాల్సి ఉంది.

షియోమీ 14 సివీ స్టాండర్డ్‌ ఎడిషన్‌ స్మార్ట్‌ ఫోన్‌ 8GB ర్యామ్‌ + 256GB స్టోరేజీ వేరియంట్ ధర రూ.42,999 గా ఉంది. అదే 12GB ర్యామ్‌ + 512GB అంతర్గత స్టోరేజీ వేరియంట్ ధర రూ.47,999 గా ఉంది. అయితే లిమిటెడ్‌ ఎడిషన్ వేరియంట్ ధరలను సంస్థ ఎటువంటి ప్రకటన చేయలేదు.