రెండు 32MP సెల్ఫీ కెమెరాలతో, Xiaomi 14 CIVI లాంచ్ అయింది! ధర, సేల్ వివరాలు 

షియోమీ సంస్థ Xiaomi 14 Civi స్మార్ట్‌ఫోన్ ను ఎట్టకేలకు Leica పవర్ కెమెరా సెటప్ మరియు ఈ సెగ్మెంట్ లో మొదటి క్వాడ్ కర్వ్డ్ బాడీ డిజైన్ తో పాటు మెటల్ ఫ్రేమ్‌తో భారతదేశంలో లాంచ్ చేయబడింది. ఈ పరికరం భారతీయ మార్కెట్లో Xiaomi 14 మరియు Xiaomi 14 అల్ట్రా సరసన చేరింది. మరియు పనితీరు, మెరుగైన ఫోటోగ్రఫీ సామర్థ్యాల తో ధర రూ. 50,000 కంటే తక్కువ విభాగంలో అత్యుత్తమ ప్రదర్శనను అందిస్తుంది. Xiaomi 14 Civi ధర, స్పెసిఫికేషన్‌లు మరియు మరిన్నింటి గురించి మీరు తెలుసుకోవలసిన వివరాలు ఇక్కడ ఉన్నాయి.

Xiaomi 14 Civi స్పెసిఫికేషన్‌ల వివరాలు
షియోమీ 14 సివి స్మార్ట్‌ఫోన్ 3,000 nits గరిష్ట ప్రకాశం మరియు HDR10+, వివిడ్ మరియు డాల్బీ విజన్ సపోర్ట్‌తో భారీ 6.55-అంగుళాల అమోల్డ్ 1.5K ప్యానెల్‌ను పొందుతుంది. ఇది 120 Hz రిఫ్రెష్ రేట్ ప్యానెల్ మరియు 240 Hz టచ్ శాంప్లింగ్ రేట్‌తో క్వాడ్ కర్వ్డ్ డిస్‌ప్లేతో వస్తుంది. ఈ స్మార్ట్‌ఫోన్ కార్నింగ్ గొరిల్లా గ్లాస్ విక్టస్ 2తో రక్షించబడింది.

ఈ స్మార్ట్‌ఫోన్ క్వాల్కమ్ యొక్క కొత్త స్నాప్‌డ్రాగన్ 8s జెన్ 3 చిప్ సెట్ ద్వారా అందించబడుతుంది మరియు 12GB వరకు LPDDR5X RAM మరియు 512GB వరకు UFS 4.0 స్టోరేజ్‌తో అనుసంధానించబడింది. ఈ స్మార్ట్‌ఫోన్ ఆండ్రాయిడ్ 14-ఆధారిత హైపర్‌ఓఎస్‌తో వస్తుంది మరియు 67W ఫాస్ట్ ఛార్జింగ్‌తో 4,700 mAh బ్యాటరీకి మద్దతు ఇస్తుంది.

షియోమీ 14 సివి కెమెరాలో OISతో 50MP సమ్మిలక్స్ లెన్స్ మరియు 50MP లైకా పోర్ట్రెయిట్ షూటర్ ఉన్నాయి. ఇది 12MP అల్ట్రా-వైడ్ సెన్సార్‌ను కూడా కలిగి ఉంటుంది. సెల్ఫీల కోసం, ఈ షియోమీ 14 సివి స్మార్ట్‌ఫోన్ 32MP ప్రైమరీ సెన్సార్ మరియు 32MP అల్ట్రావైడ్ షూటర్‌తో వస్తుంది.

షియోమీ 14 సివి 67W వైర్ ఛార్జింగ్‌కు మద్దతుతో 4,700mAh బ్యాటరీని కలిగి ఉంది. బ్యాటరీ 30 నిమిషాల్లో 80 శాతం వరకు ఛార్జ్ అవుతుందని చెప్పారు. ఈ హ్యాండ్‌సెట్ 157.2x72.77x7.4mm కొలతలు మరియు 177 గ్రాముల బరువు ఉంటుంది.

ధర మరియు లభ్యత వివరాలు
Xiaomi 14 Civi స్మార్ట్‌ఫోన్ ధర 8GB + 256GB వేరియంట్ కోసం రూ.42,999. 12GB + 512GB వెర్షన్ ధర రూ. 47,999 గా ఉంది. ఇది క్రూయిస్ బ్లూ, మ్యాచా గ్రీన్ మరియు షాడో బ్లాక్ కలర్ ఆప్షన్‌లలో వస్తుంది మరియు ఫ్లిప్‌కార్ట్, Mi.com, Mi హోమ్ స్టోర్‌లు మరియు Xiaomi యొక్క రిటైల్ భాగస్వాముల ద్వారా జూన్ 20 మధ్యాహ్నం 12:00pm IST నుండి కొనుగోలు చేయడానికి అందుబాటులో ఉంటుంది.

ఈ ఫోన్ కోసం ప్రీ-బుకింగ్ ఈరోజు మధ్యాహ్నం 2:00 గంటలకు ప్రారంభమవుతుంది మరియు ఫోన్‌ను ప్రీ-రిజర్వ్ చేసుకున్న కస్టమర్‌లు Redmi 3 Active స్మార్ట్ వాచ్ ని ఉచితంగా పొందవచ్చు. అలాగే, ఐసీఐసీఐ బ్యాంకు ఖాతాదారులు వారి కార్డుల ద్వారా చెల్లింపులు చేస్తున్నప్పుడు రూ.3,000 తగ్గింపు పొందవచ్చు. ఇంకా, షియోమీ 14 సివి మూడు నెలల యూట్యూబ్ ప్రీమియం సబ్‌స్క్రిప్షన్ మరియు ఆరు నెలల పాటు 100GB గూగుల్ వన్ తో వస్తుంది.