50MP కెమెరా, 120Hz డిస్‌ప్లేతో షావోమి 15.. త్వరలో ఓపెన్ సేల్..!

Xiaomi 15 India Open Sale: మొబైల్ లవర్స్ ఎప్పుడెప్పుడా అని ఎదురుచూస్తున్న కొత్త ఫ్లాగ్‌షిప్ ఫోన్ షావోమి 15 (Xiaomi 15) ఇండియాలో అమ్మకానికి రానుంది. ఏప్రిల్ 4 నుంచి ఓపెన్ సేల్ ప్రారంభం కానుంది. ఈ ఫోన్‌లో స్నాప్‌డ్రాగన్ 8 జెన్ 3 ప్రాసెసర్, కళ్లు చెదిరే 120Hz అమోలెడ్ (AMOLED) డిస్‌ప్లే, ఫొటోల కోసం 50MP లైకా (Leica) కెమెరా వంటి మంచి ఫీచర్లు ఉన్నాయి.

ఇంతటి గొప్ప ఫీచర్లు ఉన్నా, ధర మాత్రం అందరికీ అందుబాటులో ఉండటం విశేషం. ఎక్కువ ఖర్చు పెట్టకుండా ఒక హై-ఎండ్ స్మార్ట్‌ఫోన్ కొనాలనుకునే వారికి ఇది సరైన ఎంపిక. లాంచ్ డిస్కౌంట్లు, ప్రత్యేక బ్యాంక్ ఆఫర్లతో ఈ డీల్ ఇంకా ఆకర్షణీయంగా మారింది. ఆ వివరాలు ఇప్పుడు తెలుసుకుందాం.

* Xiaomi 15 ధర, ఆఫర్లు, డిస్కౌంట్లు
షావోమి 15 (12GB ర్యామ్ + 512GB స్టోరేజ్ వేరియంట్) ధర రూ.64,999గా నిర్ణయించారు. అయితే, ICICI బ్యాంక్ కార్డుతో కొనుగోలు చేసేవారికి రూ.5,000 తక్షణ డిస్కౌంట్ లభిస్తుంది. అంటే, ఈ ఫోన్‌ను మీరు కేవలం రూ.59,999 కే సొంతం చేసుకోవచ్చు.

ఈ ఫోన్‌ను షావోమి అధికారిక వెబ్‌సైట్ అమెజాన్‌లో ముందుగా బుక్ చేసుకోవచ్చు (Pre-order). ఏప్రిల్ 4 నుంచి అందరికీ అమ్మకాలు (ఓపెన్ సేల్) మొదలవుతాయి. ఇంకా శక్తివంతమైన ఫోన్ కావాలనుకునే వారి కోసం షావోమి 15 అల్ట్రా (Ultra) కూడా ఉంది.

దీని ధర రూ.1,09,999. దీనిపై కూడా ICICI బ్యాంక్ కార్డు ద్వారా రూ.10,000 డిస్కౌంట్ ఉంది, కాబట్టి దీన్ని రూ.99,999కే కొనవచ్చు. అంతేకాదు, అల్ట్రా వేరియంట్‌తో పాటు ఫోటోగ్రఫీ కిట్ లెజెండ్ ఎడిషన్‌ను ఉచితంగా అందిస్తున్నారు. ఫోటోగ్రఫీ అంటే ఇష్టపడేవారికి ఇది నిజంగా మంచి డీల్.

* Xiaomi 15 స్పెసిఫికేషన్లు (ఫీచర్లు)
షావోమి 15 ధరకి తగ్గట్టుగా అదిరిపోయే స్పెసిఫికేషన్లను అందిస్తోంది. ఇందులో లేటెస్ట్ స్నాప్‌డ్రాగన్ 8 జెన్ 3 ప్రాసెసర్, వేగవంతమైన 12GB LPDDR5X ర్యామ్, 512GB UFS 4.1 స్టోరేజ్ ఉన్నాయి. దీనివల్ల ఫోన్ చాలా స్మూత్‌గా పనిచేస్తుంది. 6.36 అంగుళాల అమోలెడ్ LTPO డిస్‌ప్లే (2670 x 1200 పిక్సెల్స్ రిజల్యూషన్) అద్భుతంగా ఉంది.

ఈ స్క్రీన్ డాల్బీ విజన్, HDR10+ సపోర్ట్‌తో పాటు, 3200 నిట్స్ పీక్ బ్రైట్‌నెస్‌ను కలిగి ఉంది, కాబట్టి ఎండలో కూడా స్పష్టంగా కనిపిస్తుంది. 1Hz నుంచి 120Hz వరకు డైనమిక్ రిఫ్రెష్ రేట్, 300Hz టచ్ శాంప్లింగ్ రేట్ వల్ల వీడియోలు, గేమ్స్ చాలా స్మూత్‌గా, రెస్పాన్సివ్‌గా ఉంటాయి.

* కెమెరాలు
లైకా (Leica) భాగస్వామ్యంతో రూపొందించిన 50MP ప్రైమరీ సెన్సార్ తో అద్భుతమైన ఫోటోలు తీయవచ్చు. ఈ ఫోన్ ఆండ్రాయిడ్ 15 ఆధారిత హైపర్OS 2 (HyperOS 2)పై నడుస్తుంది. ఇందులో AI సెర్చ్, AI రైటింగ్ వంటి AI ఫీచర్లు కూడా ఉన్నాయి. 5410mAh బ్యాటరీ, 90W హైపర్‌ఛార్జ్ (HyperCharge) ఫాస్ట్ ఛార్జింగ్ సపోర్ట్‌తో వస్తుంది.

* Xiaomi 15 అల్ట్రా స్పెసిఫికేషన్లు (ఫీచర్లు)
అల్టిమేట్ పర్ఫార్మెన్స్ కోరుకునే వారి కోసం షావోమి 15 అల్ట్రా సిద్ధంగా ఉంది. ఇందులో 6.73 అంగుళాల మైక్రో-కర్వ్డ్ అమోలెడ్ డిస్‌ప్లే (2K రిజల్యూషన్, 120Hz రిఫ్రెష్ రేట్) ఉంది. దీని వెనుక నాలుగు కెమెరాల సెటప్ ఉంది. 50MP ప్రైమరీ లెన్స్ (Sony LYT-900 సెన్సార్) మంచిగా ఫోటోలు తీస్తుంది.

మిగతావి 50MP అల్ట్రావైడ్ లెన్స్, ఏకంగా 200MP అల్ట్రా-టెలిఫోటో లెన్స్, 50MP టెలిఫోటో సెన్సార్. ముందు వైపు 32MP కెమెరా ఇచ్చారు. ఇది స్నాప్‌డ్రాగన్ 8 ఎలైట్ ప్రాసెసర్‌తో పనిచేస్తుంది. 16GB వరకు RAM + 512GB UFS 4.1 స్టోరేజ్ ఆప్షన్లు ఉన్నాయి. 5410mAh బ్యాటరీ 90W వైర్డ్ ఛార్జింగ్‌తో పాటు 80W వైర్‌లెస్ ఛార్జింగ్‌ను కూడా సపోర్ట్ చేస్తుంది.