షావోమి 17T ధర, ఫీచర్లు లీక్.. లైకా కెమెరా, భారీ బ్యాటరీతో మార్కెట్‌ను షేక్ చేసేందుకు సిద్ధం!

షావోమి 17T లాంచ్‌కు ముందే సోషల్ మీడియాలో సెన్సేషన్ క్రియేట్ చేస్తోంది. ముఖ్యంగా దీని ధర లీక్ అవ్వడంతో టెక్ ప్రియుల్లో ఆసక్తి పెరిగింది. 12GB ర్యామ్ వేరియంట్ ధర సుమారు ₹65,999 ఉండొచ్చని అంచనా. ప్రీమియం ఫీచర్లను, ముఖ్యంగా లైకా (Leica) కెమెరా టెక్నాలజీని సామాన్యులకు కూడా అందుబాటులోకి తెచ్చేలా షావోమి ప్లాన్ చేస్తోంది. జూన్ 4న జరగబోయే అఫీషియల్ లాంచ్ కోసం ఇండియన్ ఫ్యాన్స్ ఈగర్‌గా వెయిట్ చేస్తున్నారు.

లీకైన వివరాల ప్రకారం.. ఇందులో పవర్‌ఫుల్ మీడియాటెక్ డైమెన్సిటీ 8500 అల్ట్రా చిప్‌సెట్‌ను వాడారు. గేమింగ్ ప్రియుల కోసం 6.59-అంగుళాల 1.5K AMOLED డిస్‌ప్లేను ఇస్తున్నారు. ఇప్పటికే ఈ ఫోన్ BIS (బ్యూరో ఆఫ్ ఇండియన్ స్టాండర్డ్స్) వెబ్‌సైట్‌లో కనిపించడంతో ఇండియాలో లాంచ్ ఖాయమైపోయింది. తక్కువ ధరకే ఫ్లాగ్‌షిప్ ఫీచర్లను అందిస్తూ మార్కెట్‌ను షేక్ చేయాలని షావోమి భావిస్తోంది.

Xiaomi 17T లీకైన స్పెసిఫికేషన్లు, హైలైట్స్

ఈ ఫోన్‌లో అందరినీ ఆకర్షిస్తున్న ఫీచర్ 'లైకా 5x జూమ్'. ఈ ప్రైస్ రేంజ్‌లో ఇలాంటి కెమెరా రావడం చాలా అరుదు. దూరంగా ఉన్న వస్తువులను కూడా చాలా క్లారిటీగా ఫోటో తీయొచ్చు. సోషల్ మీడియా క్రియేటర్లకు, ఫోటోగ్రఫీ అంటే ఇష్టమున్న వారికి ఇది బెస్ట్ ఆప్షన్ కానుంది. లైకాతో ఉన్న పార్ట్‌నర్‌షిప్‌ను వాడుకుంటూ ఫోటోగ్రఫీ లవర్స్‌ను ఆకట్టుకోవాలని షావోమి చూస్తోంది.

బ్యాటరీ విషయంలో కూడా షావోమి తగ్గేదేలే అంటోంది. ఇందులో ఏకంగా 6500mAh భారీ బ్యాటరీ ఉండబోతోంది. దీనికి 67W ఫాస్ట్ ఛార్జింగ్ సపోర్ట్ కూడా ఉంది. ఒక్కసారి ఛార్జ్ చేస్తే చాలా కాలం పాటు వస్తుంది. ఒకవేళ ఈ ఫీచర్లతోనే ఫోన్ వస్తే వన్‌ప్లస్, వివో వంటి కంపెనీలకు గట్టి పోటీ తప్పదు. ట్రావెలర్స్, హెవీ యూజర్లకు ఈ ఫోన్ ఒక మంచి ఛాయిస్ అవుతుంది.

జూన్ 4 దగ్గరపడుతుండటంతో టెక్ వర్గాల్లో ఉత్కంఠ పెరుగుతోంది. ఒకవేళ ₹65,999 ధరకే ఈ ఫోన్ వస్తే, కొత్త ఫోన్ కొనాలనుకునే వారికి ఇది ఫస్ట్ ఆప్షన్ అవుతుంది. ప్రీమియం మార్కెట్‌లో తన పట్టు నిలుపుకోవడానికి షావోమి వేస్తున్న పెద్ద అడుగు ఇది. అయితే, పూర్తి వివరాల కోసం అఫీషియల్ లాంచ్ వరకు వేచి చూడాల్సిందే.