భారీ బ్యాటరీతో విడుదలైన Xiaomi Mi Max 3

6.9 అంగుళాల ఫుల్‌ హెచ్‌డీ ప్లస్‌ డిస్‌ప్లే..

Mi Max 3కు 6.9 అంగుళాల ఫుల్‌ హెచ్‌డీ ప్లస్‌ డిస్‌ప్లే, 5500 బ్యాటరీ, డ్యూయల్‌ రియర్‌ కెమెరాలు ప్రత్యేక ఆకర్షణగా ఉన్నాయి. డిస్‌ప్లే నాచ్‌ ఈ హ్యాండ్‌సెట్‌కు లేదు. డార్క్‌ బ్లూ, డ్రీమ్‌ గోల్డ్‌, మెటోరైట్ బ్లాక్ రంగుల్లో ఈ ఫాబ్లెట్‌ను రూపొందించింది.

ధర, అందుబాటు

ఎంఐ మ్యాక్స్‌ 3 చైనాలో 1,699 సీఎన్‌వై(సుమారు రూ.17,300)గా కంపెనీ నిర్ణయించింది. ఇది బేస్‌ వేరియంట్‌ ధర. బేస్‌ వేరియంట్‌కు 4 జీబీ ర్యామ్‌, 64 జీబీ స్టోరేజ్‌ ఉంది. 6 జీబీ ర్యామ్‌, 128 జీబీ ఇన్‌బిల్ట్‌ స్టోరేజ్‌ కలిగిన మరో వేరియంట్‌ ధర 1,999 సీఎన్‌వై(సుమారు రూ.20,400)గా కంపెనీ నిర్ణయించింది. జూలై 20 నుంచి చైనాలో విక్రయానికి రానుంది.

ఎంఐ మ్యాక్స్‌ 3 స్పెషిఫికేషన్లు

6.9 అంగుళాల ఫుల్‌ హెచ్డీ ప్లస్‌ డిస్‌ప్లే, క్వాల్‌కామ్‌ ఆక్టా-కోర్‌ స్నాప్‌డ్రాగన్‌ 636 ఎస్‌ఓసీ, 4 జీబీ/ 6 జీబీ ర్యామ్‌, , 64 జీబీ /128జీబీ ఇన్‌బిల్ట్‌ స్టోరేజ్‌, వెర్టికల్‌ డ్యూయల్‌ రియర్‌ కెమెరా సెటప్‌,వెనుకవైపు 12 మెగాపిక్సెల్‌ ప్రైమరీ సెన్సార్‌, 5 మెగాపిక్సెల్‌ సెకండరీ సెన్సార్‌,8 మెగాపిక్సెల్‌ ఫ్రంట్‌ కెమెరా,మైక్రో ఎస్డీ కార్డు ద్వారా 256 జీబీ వరకు ఎక్స్‌పాండబుల్‌ మెమరీ,డ్యూయల్‌ 4జీ వాయిస్‌ఓవర్‌ ఎల్‌టీఈ సపోర్టు
ఫింగర్‌ ప్రింట్‌ సెన్సార్‌, 5500 ఎంఏహెచ్‌ బ్యాటరీ

ఎంఐ మ్యాక్స్ 2

ఎంఐ మ్యాక్స్ 2 ను 64/128 జీబీ స్టోరేజ్ వేరియెంట్లలో విడుదలైంది. ఈ ఫోన్ వరుసగా రూ.16,999, రూ.19,999 ధరలకు వినియోగదారులకు ల‌భిస్తున్న‌ది. కాగా ఈ ఫోన్‌ను పూర్తిగా మెట‌ల్ బాడీతో త‌యారు చేశారు.

షియోమీ ఎంఐ మ్యాక్స్ 2 ఫీచర్లు

6.44 ఇంచ్ ఫుల్ హెచ్‌డీ డిస్‌ప్లే, 1080 x 1920 పిక్సల్స్ స్క్రీన్ రిజల్యూషన్, ఆక్టాకోర్ స్నాప్‌డ్రాగన్ 625 ప్రాసెసర్, 4 జీబీ ర్యామ్, 64/128 జీబీ ఇంటర్నల్ స్టోరేజ్, 128 జీబీ ఎక్స్‌పాండబుల్ స్టోరేజ్, డ్యుయల్ సిమ్, ఆండ్రాయిడ్ 7.0 నూగట్, 4జీ వీవోఎల్‌టీఈ, 12 మెగాపిక్సల్ బ్యాక్ కెమెరా, 5 మెగాపిక్సల్ సెల్ఫీ కెమెరా, డ్యుయల్ బ్యాండ్ వైఫై, బ్లూటూత్ 4.2, ఫింగ‌ర్‌ప్రింట్ సెన్సార్, యూఎస్‌బీ టైప్ సి, 5300 ఎంఏహెచ్ బ్యాటరీ, క్విక్ చార్జ్ 3.0.

తగ్గిన ఎంఐ మ్యాక్స్ 2

కాగా Xiaomi Mi Max 3 లాంచ్ నేపథ్యంలో ఎంఐ మ్యాక్స్ 2 32 జీబీ వేరియంట్ ధర రూ.13,999కి దిగి రాగా, 64 జీబీ వేరియంట్ రూ.15,999కు అందుబాటులోకి వచ్చింది.

ఫ్లిప్‌కార్ట్

ఈ-కామర్స్ సంస్థ ఫ్లిప్‌కార్ట్ ఈ ఫోన్లపై ఎక్స్‌చేంజ్ ఆఫర్‌ను ప్రకటించింది. పాత హ్యాండ్‌సెట్‌‌తో ఎంఐ మ్యాక్స్ 2ను కొనుగోలు చేస్తే ఎక్స్‌చేంజ్ డిస్కౌంట్‌లో భాగంగా రూ.15 వేల వరకు ఆఫర్ చేయనున్నట్టు పేర్కొంది. క్రెడిట్ కార్డులతో జరిపే కొనుగోళ్లకు అదనంగా 5 శాతం రాయితీ ఇవ్వనున్నట్టు తెలిపింది.