రెడ్‌మి 4 vs రెడ్‌మి 4ఏ, వీటిలో బెస్ట్ ఫోన్ ఏది..?

చాలా మంది యూజర్లు రెడ్‌మి 4ను తీసుకోవాలా లేక రెడ్‌మి 4ఏను తీసుకోవాలా అన్న సందేహంలో ఉన్నట్లు తెలుస్తోంది.

By Sivanjaneyulu Bommu

Published: Thursday, May 18, 2017, 15:05 [IST]

రూ.6,000 నంచి రూ.13,000 వరకు అన్ని రకాల బడ్జెట్ సెగ్మెంట్‌లను టార్గెట్ చేస్తూ షియోమి తన రెడ్‌మి (Redmi) ఫోన్‌లను లాంచ్ చేస్తూ వస్తోంది. ఈ బ్రాండ్ నుంచి మార్చి‌లో లాంచ్ అయిన రెడ్‌మి 4ఏ (Redmi 4A) మోడల్ మార్కెట్లో ఎంత్ హిట్టయ్యిందో మనందరికి తెలుసు. రూ.5,999కే అందుబాటులో ఉన్న ఈ బడ్జెట్ ఫ్రెండ్లీ బ్లాక్ బాస్టర్ స్మార్ట్‌ఫోన్‌‌ కోసం జనం భారీగా ఎగబడుతున్నారు.

షియోమి రెడ్‌మి 4

రెడ్‌మి 3ఎస్ ఫోన్‌కు సక్సెసర్ వర్షన్‌గా భావిస్తోన్న రెడ్‌మి 4 ఫోన్‌ను షియోమి తాజాగా మార్కెట్లోకి తీసుకువచ్చింది. రెడ్‌మి 4 ప్రారంభ వేరియంట్ ధర రూ.6,999. ఈ ఫోన్‌కు సంబంధించిన మొదటి సేల్ రేపు మధ్యాహ్నం 12 గంటలకు అమెజాన్‌లో జరుగబోతోంది.

రెడ్‌మి 4ను తీసుకోవాలా లేక రెడ్‌మి 4ఏను తీసుకోవాలా..?

ఈ నేపథ్యంలో చాలా మంది యూజర్లు రెడ్‌మి 4ను తీసుకోవాలా లేక రెడ్‌మి 4ఏను తీసుకోవాలా అన్న సందేహంలో ఉన్నట్లు తెలుస్తోంది. కేవలం రూ.1000 తేడాతో లభ్యమవుతోన్న ఈ రెండు ఫోన్‌లకు సంబంధించి spec comparisonను ఇప్పుడు చూద్దాం..

డిజైన్ అండ్ డిస్‌ప్లే

బాడీ డిజైన్ విషయానికి వచ్చేసరికి రెడ్‌మి 4 ఫోన్‌ మెటల్ బాడీతో వస్తోంది. ఇదే సమయంలో రెడ్‌మి 4ఏ ప్లాస్టిక్ బాడీని కలిగి ఉంటుంది. డిస్‌ప్లే విషయానికి వచ్చేసరికి ఈ రెండు ఫోన్‌లు 5 అంగుళాల డిస్‌ప్లేలను కలిగి ఉన్నాయి. రెడ్‌మి 4 మోడల్‌కు 2.5డి కర్వుడ్ గ్లాస్ అదనపు ఆకర్షణగా నిలుస్తుంది.

ప్రాసెసర్

ప్రాసెసర్ విషయానికి వచ్చేసరికి, రెడ్‌మి 4 ఫోన్‌ ఆక్టా-కోర్ క్వాల్కమ్ స్నాప్‌డ్రాగన్ 435 చిప్‌సెట్ పై రన్ అవుతుంది. ఇదే సమయంలో రెడ్‌మి 4ఏ క్వాడ్-కోర్ స్నాప్‌డ్రాగన్ 435 చిప్‌సెట్ పై రన్ అవుతుంది.

ర్యామ్ ఇంకా స్టోరేజ్

ర్యామ్ ఇంకా స్టోరేజ్ విషయానికి రెడ్‌మి 4ఏ ఫోన్ కేవలం 2జీబి ర్యామ్ ఇంకా 16జీబి స్టోరేజ్ వేరియంట్‌లో మాత్రమే అందుబాటులో ఉంటుంది. ఇదే సమయంలో రెడ్‌మి 4 మోడల్ మూడు వేరియంట్‌లలో అందుబాటులో ఉంటుంది. 2జీబి+16జీబి, 3జీబి +32జీబి, 4జీబి+64జీబి స్టోరేజ్.

ఫింగర్ ప్రింట్ స్కానర్ సపోర్ట్

రెడ్‌మి 4 ఫోన్‌కు ఫింగర్ ప్రింట్ స్కానర్ అదనపు ప్లస్ పాయింట్. రెడ్‌మి 4ఏలో ఈ సదుపాయం లోపించింది. ఈ రెండు ఫోన్లు 4G LTE, VoLTE, Wi-Fi, Bluetooth, GPS, USB OTG వంటి స్టాండర్డ్ కనెక్టువిటీ ఫీచర్లను సపోర్ట్ చేస్తాయి.

కెమెరా..

ఈ రెండు స్మార్ట్‌ఫోన్‌లు సమానమైన 13 మెగా పిక్సల్ రేర్ ఫేసింగ్, 5 మెగా పిక్సల్ ఫ్రంట్ ఫేసింగ్ కెమెరాలను కలిగి ఉంటాయి.

రెడ్‌మి 4 ఫోన్‌కు ఆండ్రాయిడ్ నౌగట్ అప్‌డేట్

సాఫ్ట్‌వేర్ విషయంలోనూ అంతే, ఈ రెండు స్మార్ట్‌ఫోన్‌లు Android 6.0.1 Marshmallow ఆధారంగా డిజైన్ చేసిన MIUI 8 పై యూజర్ ఇంటర్‌ఫేస్ పై బూట్ అవుతాయి. రెడ్‌మి 4 ఫోన్‌కు త్వరలోనే ఆండ్రాయిడ్ నౌగట్ అప్‌డేట్ లభించే అవకాశం ఉంది.

బ్యాటరీ విషయానికి వచ్చేసరికి

ఇక బ్యాటరీ విషయానికి వచ్చేసరికి రెడ్‌మి 4 మోడల్ ఏకంగా 4100mAh బ్యాటరీ కెపాసిటీతో వస్తోంది. ఇదే సమయంలో రెడ్‌మి 4ఏ మోడల్ కేవలం 3120mAh బ్యాటరీని మాత్రమే కలిగి ఉంటుంది.

ధరలు విషయానికొస్తే..

మార్కెట్లో రెడ్‌మి 4ఏ మోడల్ ధర రూ.5,999గా ఉంది. రెడ్‌మి 4 2జీబి+16జీబి ధర రూ.6,999, 3జీబి +32జీబి వేరియంట్ ధర రూ.8,999 , 4జీబి+64జీబి స్టోరేజ్ వేరియంట్ ధర రూ.10,999.