రెడ్మీ నోట్ 3 ఫోన్‌లకు ఆండ్రాయిడ్ నౌగట్ అప్‌డేట్

కొద్ది రోజుల క్రితమైన రెడ్మీ నోట్ 3 Android Marshmallow అప్‌డేట్‌ను అందుకున్న విషయం తెలిసిందే.

By Sivanjaneyulu Bommu

Published: Monday, January 30, 2017, 8:53 [IST]

2016లో మార్క్లెట్లో లాంచ్ అయి భారీ స్ధాయిలో అమ్ముడుపోయిన Xiaomi Redmi Note 3 తర్వలో Android 7.1.1 Nougat అప్‌డేట్‌ను అందుకుబోతున్నట్లు సమాచారం. ఈ అప్‌డేట్‌ను ఎప్పుడు లాంచ్ చేస్తారనేది తెలియాల్సి ఉంది.

రెడ్మీ నోట్ 3 ఫోన్‌లకు ఆండ్రాయిడ్ నౌగట్ అప్‌డేట్

Read More : ఈ వారం మార్కెట్లో లాంచ్ అయిన కొత్త స్మార్ట్‌ఫోన్‌లు

ఆండ్రాయిడ్ నౌగట్ అప్‌డేట్‌ను అందుకున్న రెడ్మీ నోట్ 3 ఫోన్‌కు సంబంధించిన వివరాలను తొలత ప్రముఖ బెంచ్ మార్కింగ్ సైట్ GFXBench లీక్ చేసింది. అయితే, ప్రస్తుతానికి ఈ అప్‌‌డేట్ టెస్టింగ్ దశలో ఉన్నట్లు తెలుస్తోంది. కొద్ది రోజుల క్రితమైన రెడ్మీ నోట్ 3 Android Marshmallow అప్‌డేట్‌ను అందుకున్న విషయం తెలిసిందే.

మెటల్ బాడీ డిజైనింగ్, ఫింగర్ ప్రింట్ స్కానర్

మెటల్ బాడీ డిజైనింగ్, ఫింగర్ ప్రింట్ స్కానర్ వంటి ప్రత్యేకమైన ఫీచర్లతో మార్చి 2016లో మార్కెట్లో విడుదలైన షియోమీ రెడ్మీ నోట్ 3 ఫోన్‌కు ఇండియన్ యూజర్ల నుంచి మంచి స్పందన లభించింది.

రెండు వేరియంట్‌లలో

ఈ ఫోన్‌లను షియోమీ అందుబాటులో ఉంచింది. మొదటి వేరియంట్ 2జీబి ర్యామ్, 16జీబి ఇంటర్నల్ మెమరీతో వస్తోంది. ధర రూ.9,999. ఇక రెండవ వేరియంట్ 3జీబి ర్యామ్, 32జీబి ఇంటర్నల్ మెమరీతో వస్తోంది. ధర రూ.10,999.

రెడ్మీ నోట్ 3 స్పెసిఫికేషన్స్..

5.5 అంగుళాల ఎల్‌సీడీ డిస్‌ప్లే (రిసల్యూషన్ 1080 x 1920 పిక్సల్స్), ఆండ్రాయిడ్ వీ5.1 లాలీపాప్ ఆపరేటింగ్ సిస్టం, ఆక్లాకోర్ సీపీయూతో కూడిన మీడియాటెక్ ఎంటీ6795 హీలియో ఎక్స్10 చిప్‌సెట్, ఇంటర్నల్ స్టోరేజ్ ఆప్షన్స్ (16జీబి, 32జీబి), 16 మెగా పిక్సల్ రేర్ ఫేసింగ్ కెమెరా, 5 మెగా పిక్సల్ ఫ్రంట్ ఫేసింగ్ కెమెరా, కనెక్టువిటీ ఫీచర్లు (2జీ, 3జీ, 4జీ, వై-ఫై, బ్లుటూత్), 4000 ఎమ్ఏహెచ్ బ్యాటరీ విత్ క్విక్ ఛార్జింగ్ సపోర్ట్. ఫింగర్ ప్రింట్ స్కానర్ సపోర్ట్.

72% వృద్థి..

2014, జూలైలో ఇండియన్ మార్కెట్లో ఎంట్రీ ఇచ్చిన షియోమీ అప్పటి నుంచి ఇప్పటి వరకు స్మార్ట్ ఫోన్ అమ్మకాల విభాగంలో 72% వృద్థిని కనబర్చినట్లు ఐడీసీ నివేదిక వెల్లడించింది.