Xiaomi సంచలనం, ఇండియాలో 2.5 కోట్ల ఫోన్‌లు అమ్మేసారు

ప్రస్తుత ట్రెండ్‌ను పరిశీలించినట్లయితే ఇండియన్ స్మార్ట్‌ఫోన్ మార్కెట్లో షియోమి హవా కొనసాగుతోంది.

By Sivanjaneyulu Bommu

Published: Friday, September 1, 2017, 8:47 [IST]

ఇండియన్ స్మార్ట్‌ఫోన్ మార్కెట్లో మరో మైలురాయిని అధిగమించినట్లు షియోమి ఇండియా మేనేజింగ్ డైరెక్టర్ మను కుమార్ జెయిన్ వెల్లడించారు. తాము 2014లో, ఇండియన్ మార్కెట్లోకి అడుగుపెట్టిన నాటినుంచి ఇప్పటి వరకు 25 మిలియన్ల స్మార్ట్‌ఫోన్‌లను విక్రయించినట్లు ఆయన తెలిపారు.

ఈ విశ్లేషణ ప్రకారం చూస్తే..

ఈ విశ్లేషణ ప్రకారం చూస్తే, గత మూడు సంవత్సరాలుగా షియోమి, రోజుకు 22,000 స్మార్ట్‌ఫోన్‌లను విక్రయిస్తోంది. ప్రస్తుత ట్రెండ్‌ను పరిశీలించినట్లయితే ఇండియన్ స్మార్ట్‌ఫోన్ మార్కెట్లో షియోమి హవా కొనసాగుతోంది. ఇందుకు కారణం ఈ బ్రాండ్ నుంచి లాంచ్ అవుతోన్న బడ్జెట్ ఫ్రెండ్లీ ఆండ్రాయిడ్ స్మార్ట్‌ఫోన్‌లే.

Redmi Note 4 రికార్డుల మోత...

ఈ ఏడాదికిగాను షియోమీ నుంచి లాంచ్ అయిన అన్ని స్మార్ట్‌ఫోన్‌లు అమ్మకాల సునామీని సృష్టిస్తున్నాయి. ముఖ్యంగా Redmi Note 4 సరికొత్త బెంచ్ మార్క్‌ను సృష్టించింది. జనవరి 2017లో లాంచ్ అయిన ఈ ఫోన్ ను ఇప్పటి వరకు 50 లక్షల పై చిలుకు మంది యూజర్లు కొనుగోలు చేసారు.

అదే ట్రెండ్ ‌కొనసాగిస్తోన్న Redmi 4A, Redmi 4..

Redmi Note 4 తరువాత మార్కెట్లో లాంచ్ అయిన Redmi 4A, Redmi 4 స్మార్ట్‌ఫోన్‌లు అదే ట్రెండ్ ‌ కొనసాగిస్తున్నాయి. ఈ ఒక్క ఏడాదిలోనే 10 మిలియన్ మార్క్‌ను షియోమి క్రాస్ చేసే అవకావముందని మార్కెట్ వర్గాలు అంచనా వేస్తున్నాయి.

త్వరలో డ్యుయల్ కెమెరా స్మార్ట్‌ఫోన్‌..

మరికొద్ది రోజుల్లో షియోమి తన మొట్టమొదటి డ్యుయల్ కెమెరా స్మార్ట్‌ఫోన్‌ను ఇండియన్ మార్కెట్లో లాంచ్ చేయబోతోంది. ఈ ఫోన్ కూడా మార్కెట్లో వర్క్‌అవుట్ అయినట్లయితే షియోమి సక్సెస్ రేట్ మరింత పెరిగే అవకాశముంటుంది.

త్వరలోనే సామ్‌సంగ్ ఆధిపత్యానికి చెక్..

ఇక మార్కెట్ షేర్ విషయానికి వచ్చేసరికి సామ్‌సంగ్, షియోమిల మధ్య కేవలం 3% మాత్రమే వ్యత్యాసమున్నట్లు తెలుస్తోంది. ఈ గ్యాప్‌ను త్వరలోనే షియోమీ అధిగమించే అవకావముంది.