ఫ్లిప్‌కార్ట్‌లో రూ.5999కే ఐపోన్ 6 ? ఫోన్ ఎక్స్చేంజ్‌ చేసే దమ్ము ఉంటే..

నిజంగా ఐఫోన్‌ 5,999 రూపాయలేనా?

ఏంటీ.. నిజంగా ఐఫోన్‌ 5,999 రూపాయలేనా? అని ఆశ్చర్యపోతున్నారా? అవును. నిజంగా ఈ ఫోన్‌ రూ.5,999కే అందుబాటులోకి వచ్చింది. కానీ ఇక్కడ ఒక లాజిక్‌ ఉంది.

అసలు ధర 25,999 రూపాయలు

ప్రస్తుతం ఫ్లిప్‌కార్ట్‌లో ఈ స్మార్ట్‌ఫోన్‌ 32జీబీ ఎడిషన్‌ అసలు ధర 25,999 రూపాయలు. అదనంగా ఈ ఫోన్‌పై 3,501 రూపాయల వరకు స్పెషల్‌ డిస్కౌంట్‌ను ఫ్లిప్‌కార్ట్‌ ఆఫర్‌ చేస్తోంది.

ఎక్స్చేంజ్‌లో కొనుగోలుచేస్తే

అయితే ఈ ఫోన్‌ను ఎక్స్చేంజ్‌లో కొనుగోలుచేస్తే, 20వేల రూపాయల వరకు తగ్గింపు లభించి, రూ.5999కే ఈ స్మార్ట్‌ఫోన్‌ను లభించనుందట.

ఐఫోన్‌ 7 ప్లస్‌ లాంటి ఏదైనా హై-ఎండ్‌ ఫోన్‌ను

అది కూడా ఐఫోన్‌ 7 ప్లస్‌ లాంటి ఏదైనా హై-ఎండ్‌ ఫోన్‌ను ఎక్స్చేంజ్‌ చేసి దీన్ని కొనుగోలుచేస్తేనే, ఈ స్మార్ట్‌ఫోన్‌ రూ.5,999కు లభ్యంకానుంది.

ప్రశ్నార్థకం

కానీ ఐఫోన్‌ 7 ప్లస్‌ లాంటి స్మార్ట్‌ఫోన్‌ను ఎక్స్చేంజ్‌ చేసి ఐఫోన్‌ 6ను ఎవరు కొనుగోలుచేస్తారు? ఇదే ఇక్కడ ప్రశ్నార్థకంగా మారింది.

చాలా హాస్యాస్పదంగా

ఈ ఎక్స్చేంజ్‌ ఆఫర్‌ చాలా హాస్యాస్పదంగా, తప్పుదోవ పట్టించే విధంగా ఉందని పలువురంటున్నారు. ఐఫోన్‌ 6ఎస్‌ విషయంలో తీసుకున్న కూడా ఇదే విధమైన ఆఫర్‌ను ఫ్లిప్‌కార్ట్‌ అందుబాటులోకి తీసుకొచ్చింది.

ఐఫోన్‌ 6ఎస్‌ 32జీబీ వేరియంట్‌

ఈ ఐఫోన్‌ 6ఎస్‌ 32జీబీ వేరియంట్‌ అసలు రూ.37,999కు లిస్టు అయింది. కానీ ఫ్లిప్‌కార్ట్‌ దీన్ని రూ.17,999కు విక్రయిస్తోంది. ప్రీమియం, ఖరీదైన ఫోన్‌ను ఎక్స్చేంజ్‌ చేసి, దీన్ని కొనుక్కుంటే, ఈ ఆఫర్‌ వర్తిస్తుందని తెలుస్తోంది.