ప్రపంచంలోనే అత్యంత చిన్న ఫోన్, ధర రూ. 2,500 మాత్రమే !

జాంకో టైనీ టీవ‌న్‌

లండ‌న్‌కి చెందిన క్లూబిట్ న్యూ మీడియా కంపెనీ ప్ర‌పంచంలో అతిచిన్న మొబైల్‌ఫోన్‌ను త‌యారుచేసింది. దీనికి 'జాంకో టైనీ టీవ‌న్‌' అని పేరు పెట్టారు. క్రెడిట్ కార్డు కంటే చాలా చిన్న‌గా ఉన్న ఈ ఫోన్‌ను ప్ర‌స్తుతం ప్ర‌యోగాత్మ‌కంగా విడుద‌ల చేశారు.
Image source : hindustantimes

బరువు ఒక కాయిన్ కన్నా తక్కువే

ఈ ఫోన్ ఎంత చిన్నగా ఉంటుందంటే.. కేవలం ఒక బొటన వేలు పొడవులో మాత్రమే ఉంటుంది. ఇక బరువు ఒక కాయిన్ కన్నా తక్కువే ఉంటుంది. ఈ ఫోన్ కొలతలు 46.7 x 21 x 12 mm గా ఉండగా, బరువు 13 గ్రాములు మాత్రమే.
Image source : Bgr

జాంకో టైనీ టీ1 ఫీచర్లు

సింగిల్ నానో సిమ్
300 కాంటాక్ట్స్ స్టోరేజి, 50 ఎస్‌ఎంఎస్‌లు స్టోర్
50 ఇన్‌కమింగ్/ఔట్ గోయింగ్ కాల్స్ స్టోర్
32 ఎంబీ ర్యామ్‌, 32 ఎంబీ స్టోరేజ్‌
మీడియాటెక్ ఎంటీకే6261డి మదర్‌బోర్డు
0.49 ఇంచ్ ఓలెడ్ డిస్‌ప్లే, 32 x 64 పిక్సల్స్ స్క్రీన్ రిజల్యూషన్‌
200 ఎంఏహెచ్ బ్యాటరీ
2జీ సపోర్ట్
బ్లూటూత్, మైక్రో యూఎస్‌బీ, లౌడ్ స్పీకర్ ఫీచర్లు
నో ఇంటర్నెట్ యాక్సెస్

ధర రూ. 2,500

ఈ ఫోన్ వచ్చే ఏడాది మేలో మార్కెట్‌లో లభ్యం కానుంది. కాగా దీని ధరను కంపెనీ రూ. 2,500గా నిర్ణయించింది. ఇంటర్నెట్ తో పని లేకుండా కేవలం కాల్స్ మాట్లాడేవారు ఈ ఫోన్ పై ఆసక్తి చూపవచ్చు.

నానోఫోన్ సీ

కాగా ఇప్పటికే ఢిల్లీకి చెందిన ఈ-కామ‌ర్స్ సంస్థ యెర్హా డామ్ కామ్ వారు గ‌త నెల 'నానోఫోన్ సీ' పేరుతో అతిచిన్న మొబైల్ ఫోన్ ను దేశీయంగా విడుద‌ల చేసిన సంగ‌తి తెలిసిందే.

దీని ధ‌ర రూ. 2999

దీన్ని ప్ర‌పంచంలోనే అతిచిన్న జీఎస్ఎమ్ మొబైల్‌గా కంపెనీ పేర్కొంది. దీని ధ‌ర రూ. 2999. ఇప్పుడు దీనికన్నా తక్కువ సైజులో జాంకో టైనీ టీ1 ఫోన్ మార్కెట్లో సందడి చేయనుంది.