లెనోవో ఆ మొబైల్ బ్రాండ్‌ను ఆపేస్తోంది..?

ఆన్‌లైన్ బ్రాండ్..

Zuk Mobile ఆన్‌లైన్ బ్రాండ్ కావటంతో, ఈ బ్రాండ్ నుంచి లాంచ్ అయిన అన్ని స్మార్ట్‌ఫోన్‌లు కేవలం ఆన్‌లైన్ మార్కెట్లో మాత్రమే లభ్యమవుతూ వచ్చాయి.

Zuk Z1తో మొదలెట్టి...

లెనోవో ఈ మొబైల్ బ్రాండ్‌ను 2015లో షియోమీ వంటి బ్రాండ్‌లకు పోటీగా లాంచ్ చేసింది. ఇప్పటి వరకు ఈ బ్రాండ్ నుంచి 5 స్మార్ట్‌ఫోన్‌లు మార్కెట్లో లాంచ్ అయ్యాయి. వీటిలో మొదటి ఫోన్ Zuk Z1 కాగా చివరి ఫోన్ Zuk Edge.

అఫీషియల్ అనౌన్స్‌మెంట్ లేదు...

చైనా సోషల్ మీడియా విస్తృతంగా చక్కర్లు కొడుతోన్న ఈ సమాచారం పూర్తిగా వాస్తవమైనట్లయితే Zuk Mobile బ్రాండ్ ప్రస్థానం 23 నెలలతో ముగిసినట్లే. Zuk Mobile బ్రాండ్ నిలిపివేతకు సంబంధించి లెనోవో వద్ద ఇప్పటి వరకు ఏ విధమైన అఫీషియల్ అనౌన్స్‌మెంట్ చేయలేదు.

లెనోవో, మోటో ఇంకా జుక్ కాంభినేషన్‌తో..

తాజాగా చోటుచేసుకుంటున్న పరిణామాలను చూస్తుంటే లెనోవో, మోటో ఇంకా జుక్ కాంభినేషన్‌తో కొత్త బ్రాండ్ మార్కెట్లో వచ్చే అవకాశముందని మార్కెట్ వర్గాలు అంచనా వేస్తున్నాయి.

Zuk's ZUI skinతో..

ప్రస్తుతం, మోటో రేంజ్ స్మార్ట్‌ఫోన్‌ల పై లెనోవో ఎక్కువుగా దృష్టిసారించినట్లు తెలుస్తోంది. మోటో సిరీస్ నుంచి త్వరలో లాంచ్ కాబోతోన్న రెండు స్మార్ట్‌ఫోన్‌లు Zuk's ZUI skinతో వస్తున్నాయని లెనోవో వైస్ ప్రెసిడెంట్ అలెక్స్ చెన్ యు ధృవీకరించారు.