నోకియా తాజా పరిస్థతి ఏంటి..?

అంతరాయంలేని ‘ఆడియో’ను సౌకర్యవంతంగా శ్రోతకు అందించే క్రమంలో నోకియా ‘Essence Bluetooth headset’ పరికరాన్ని మార్కెట్లో ప్రవేశపెట్టనుంది. ‘ఆక్టివ్ నాయిస్ క్యాన్సిలేషన్ వ్యవస్థ’ఈ హెడ్ సెట్లో ప్రత్యేక ఫీచర్.

32 గ్రాముల బరువుతో డిజైన్ కాబడ్డ ఈ గ్యాడ్జెట్ బ్లూటూత్ ఆధారితంగా పనిచేస్తుంది. స్పీకర్లో ఏర్పాటు చేసిన బ్లూటూత్ 10మీటర్ల సాంధ్రతను కలిగి ఉంటుంది. అమర్చని లియాన్ పాలిమర్ బ్యాటరీ వ్యవస్థ 8 గంటల బ్యాకప్, 240 గంటల స్లాండ్ బై సామర్ధ్యం కలిగి ఉంటుంది. కేవలం 45 నిమిషాల్లోనే ఈ బ్యాటరీ ఫుల్ ఛార్జ్ అవుతుంది.

‘ఆన్-ఆఫ్’,‘వాల్యూమ్ కంట్రోల్’కు సంబంధించి మల్టీ ఫంక్షన్ బటన్లను హెడ్ సెట్లో ఏర్పాటు చేశారు. ఈ స్పీకర్లలో ఏర్పాటుచేసిన సౌండ్ టెక్నాలజీతో కాల్ మాట్లాడే సమయంలో, అదేవిధంగా సంగీతాన్నిఆస్వాదించే సమయంలో శ్రోత మరింత లబ్ధి పొందుతాడు. ధర మరియు ఇతర ఫీచర్లకు సంబంధించి నోకియా త్వరలో అధికారిక ప్రకటనను వెలువరించనుంది.