ప్లాంట్రానిక్స్ ఆడియో స్పీకర్లు.. ఆపిల్ పరికరాల కోసం..!!

నమ్మకంతో కూడిన నాణ్యమైన ఆడియో గ్జాడ్జెట్లను వినియోగదారులకు చేరువచేస్తున్న ‘ప్లాంట్రానిక్స్’ (Plantronics) ఆధునిక ఆడియో పరికరాన్ని మార్కెట్లో విడుదల చేసింది. ‘ఐఫోన్’ మరియు ‘మ్యాక్’ పరికరాల వాడకందారుల కోసం రూపుదిద్దుకున్న ఈ ‘ఆడియో హెడ్‌సెట్’ బ్లూటూత్ వ్యవస్థ ఆధారితంగా పనిచేస్తుంది.

‘Plantronics Voyager Pro UC’ వర్షన్లో విడుదలైన ఈ హెడ్‌సెట్లలో ‘టచ్ సెన్సార్ వ్యవస్థను పొందుపరిచారు. తద్వారా వినియోగదారుడు ఆటోమెటిక్ విధానం ద్వారా కాల్‌కు స్పందించవచ్చు. వాయిస్ యాక్టివేటెడ్ డైలింగ్ టెక్నాలజీని ఈ గ్యాడ్జెట్లో ప్రవేశపెట్టినట్లు తెలుస్తోంది.

కేవలం 17.6 గ్రాముల బరువుతో డిజైన్ కాబడ్డ ‘ప్లాంట్రానికస్ హెడ్‌సెట్’ స్పీకర్లలో ‘మినీ యూఎస్బీ ఆడాప్టర్’ వ్యవస్థను ఏర్పాటు చేశారు. అమర్చిన పటిష్ట మైక్రోఫోన్ వ్యవస్థ అంతారయం సమస్యలను నిరోధిస్తుంది. ఏర్పాటు చేసిన బ్యాటరీ వ్యవస్థ 6 గంటల బ్యాకప్ సామర్థ్యాన్ని కలిగి ఉంటుంది.

ఛార్జింగ్ స్థాయిని తెలిపే విధంగా ఇండికేటర్ లైటింగ్ వ్యవస్థతో పాటు వాల్యుమ్‌ను నియంత్రించేందుకు వీలుగా బటన్లను హెడ్‌సెట్లలో ఏర్పాటు చేశారు. ఆడ్వాన్సడ్ ఫీచర్లతో రూపుదిద్దుకున్న ప్లాంట్రానిక్స్ హెడ్‌సెట్లు రూ.8,500లకు లభ్యమవుతుంది.