వినోదపు అంచులను చూపిస్తుంది!!

శామ్‌సంగ్ తన గెలక్సీ సిరీస్ నుంచి మరో ఓ శక్తివంతమైన  పోర్టబుల్ మీడియా ప్లేయర్‌ను ప్రవేశపెట్టబోతుంది. అత్యాధునిక స్పెసిఫికేషన్‌లతో డిజైన్ కాబడిన  ‘శామ్‌సంగ్ గెలక్సీ ప్లేయర్ 70 ప్లస్’ మునుపటి వర్షన్  శామ్‌సంగ్ గెలక్సీ ప్లేయర్ 50 ప్లస్‌కు అప్‌డేటెడ్ వర్షన్.

ప్లేయర్ ముఖ్య ఫీచర్లు:

*   5 అంగుళాల టచ్ స్ర్కీన్ డిస్ ప్లే,

*   శక్తివంతమైన డ్యూయల్ కోర్ ప్రాసెసర్,

*   వై-ఫై,

*   బ్లూటూత్,

*   ఆండ్రాయిడ్ 2.3 జింజర్ బ్రెడ్ ఆపరేటింగ్ సిస్టం,

*   ఎఫ్ఎమ్ రేడియో,

* 2500 mAh బ్యాటరీ.

ప్లేయర్‌లో ఏర్పాటు చేసిన 5 అంగుళాల స్ర్కీన్ గేమ్స్, వీడియోలు అదేవిధంగా ఫోటోలను తిలకించేందుకు సౌకర్యవంతంగా ఉంటుంది. లోడ్ చేసిన మ్యూజిక్ ప్లేయర్ విందైన ఆడియోను ఉత్పత్తి చేస్తుంది. డ్యూయల్ కోర్ ప్రాసెసర్ ప్రభావంతో డివైజ్‌లోని  అప్లికేషన్‌లు ఇతర మీడియా ఫైళ్లు సజావుగా రన్ అవుతాయి. ఏర్పాటు చేసిన వై-ఫై వ్యవస్ధ ఇంటర్నెట్ కనెక్టువిటీ స్థాయిని మరింత బలోపేతం చేస్తుంది. బ్లూటూత్, యూఎస్బీ వ్యవస్థలు డేటాను వేగవంతంగా షేర్ చేస్తుంది. రెండు వర్షన్‌లలో  శామ్‌సంగ్ గెలక్సీ ప్లేయర్ 70 ప్లస్ లభ్యం కానుంది. 16 జీబీ ధర (రూ.18,000), 32జీబీ ధర (రూ.21,000).