సోని మ్యూజిక్ ప్లేయర్, వినండి.. వినండి ఉల్లాసంగా, ఉత్సాహంగా !!

By Super

Updated: Thursday, October 13, 2011, 13:20 [IST]

ప్రపంచ వ్యాప్తంగా మ్యూజిక్ కు క్రేజ్ పెరుగుతున్న నేపధ్యంలో, సంగీత ప్రియులు సంఖ్య రోజు రోజుకు పెరుగుతోంది.వీరి అభిరుచులను దష్టిలో ఉంచుకుని ఇప్పటికే వాక్ మెన్, సీడీ, డీవీడీ, ఐపోడ్, ఐఫోన్ వంటి మ్యూజిక్ ప్లేయర్లు అందుబాటులోకి వచ్చాయి. మ్యూజిక్ ప్లేయర్ల తయారీలో విశ్వసనీయ బ్రాండ్ గా ముద్రపడిన ‘సోని’అదును చూసి ఓ కొత్త ప్రయోగానికి శ్రీకారం చుట్టింది.

అత్యాధునిక సౌండ్ ఫీచర్లతో సోని ‘NWZ-A844’మ్యూజిక్ ప్లేయర్ ను మార్కెట్లో విడుదల చేసింది. తక్కువ పరిమాణంలో రూపుదిద్దుకున్న, ఈ ‘మ్యాజిక్ ప్లేయర్ కమ్ వాక్ మెన్’ పరికరం అటు ఆడియోతో పాటు వీడియోకు ఉపకరిస్తుంది. దూర ప్రయాణ సందర్భాల్లో మీలో ఉత్తేజాన్ని రెట్టింపు చేసే ఈ గ్యాడ్జెట్ ‘29 గంటల’ పటిష్ట బ్యాకప్ సామర్ధ్యాన్ని కలిగి ఉంటుది.

క్లుప్తంగా ‘సోని NWZ-A844’ ఫీచర్లు:

- ఆడియో ఆప్షన్లతో పాటు వీడియో ఆప్షన్లను ప్లేయర్లో ఏర్పాటు చేశారు.

- ప్లేయర్ లో ఏర్పాటు చేసిన 7.1 CM డిస్ ప్లే, 400 x 240 పిక్సల్ రిసల్యూషన్ కలిగి ఉంటుంది.

- ఎఫ్ ఎమ్ ట్యూనర్ వ్యవస్థను ప్లేయర్ లో ముందుగానే లోడ్ చేశారు.

- ఏర్పాటు చేసిన నాణ్యమైన సౌండ్ వ్యవస్థ ‘క్లియర్ బాస్, క్లియర్ స్టీరియో’అనుభూతిని శ్రోతకు పంచుతుంది.

- 1800 పాటలను గ్యాడ్జెట్ లో స్టోర్ చేసుకోవచ్చు.

- 120 గంటల రికార్డింగ్ సామర్ధ్యాన్ని ప్లేయర్లో కల్పించారు.

- ప్లేయర్లలో ఏర్పాటు చేసిన స్లైడ్ ఫంక్షనింగ్ వ్యవస్థ శ్రోతలను మరింత ఆకట్టుకుంటుంది.

- పాటలు, ఫోటోలతో పాటు వీడియోలను ప్లేయర్లో స్టోర్ చేసుకోవచ్చు.

-MP3, MPEG 4,AAC-LC ఆడియో బిట్ తదితర JPEG ఫైళ్లను సపోర్టు చేస్తుంది.

- ఇండియన్ మార్కెట్లో సోని ‘NWZ-A844’మ్యూజిక్ ప్లేయర్ ధర రూ. 6,900.