డైలాగులతో దంచి కొట్టేసారు..

‘ఎవడు కొడితే దిమ్మ తిరిగి మైండ్ బ్లాక్ అయిపోద్దో.. ఆదే పండుగాడు' ఈ మోస్ట్ పాపులర్ డైలాగ్‌ను తెలుగు సినీ ప్రేమికులు ఎప్పటికి మరిచిపోలేరు. పోకిరి సినిమాతో ప్రభంజనం సృష్టించిన ఈ డైలాగ్‌ను డబ్‌స్మాష్ యాప్ సహాయంతో తనదైన స్టైల్‌లో చెప్పిన, మహేష్ బాబు కుమారుడు గౌతం జూనియర్ పోకీరి అనిపించుకున్నాడు. ఇదే డబ్‌స్మాష్ యాప్‌తో రాంచరణ్, రాణా కలిసి ఓ సరదా సన్నివేశాన్ని ఆవిష్కరించారు. మగధీర చిత్రంలోని ఒక్కొక్కడినే కాదు షేర్‌ఖాన్, వంద మందిని ఒకేసారు పంపు అనే ఫేమస్ డైలాగ్‌ను డబ్ చేసిన తీరు నెటిజనులను ఉర్రూతలూగిస్తోంది. ఒక్క సెలబ్రెటీలే కాదు చాలా మంది నెటిజనులు ఈ డబ్‌స్మాష్ యాప్ తమకు నచ్చిన స్టైల్‌లో ఉపయోగించుకుంటున్నారు.

(చదవండి: ఈ స్మార్ట్‌ఫోన్ కిటుకులు మీకు తెలుసా..?)

డబ్‌‍‌స్మాష్.. ఇదో వీడియో మెసేజింగ్ అప్లికేషన్. ఈ యాప్ ప్రస్తుతానికి ఐఓఎస్, ఆండ్రాయిడ్ ఆధారిత స్మార్ట్‌ఫోన్‌లను సపోర్ట్ చేస్తుంది. ఈ యాప్ ద్వారా యూజర్లు తమకు నచ్చిన ఆడియో రికార్డింగ్ ను ఎంపిక చేసుకుని, ఆ ఆడియా క్లిప్‌‍‌కు అనుగుణంగా డబ్ చేస్తూ మీ వీడియోను రికార్డ్ చేయవచ్చు. ఈ యాప్‌ను అధికారికంగా నవంబర్ 19, 2014న జోనాస్ డ్రుప్పిల్, రోలాండ్ గ్రీన్కీ, డానిల్ టాస్‌చిక్‌లు ప్రారంభించారు. ఈ డబ్‌స్మాష్ యాప్‌కు నెటిజనుల నుంచి మంచి క్రేజ్ లభిస్తోంది. ప్రముఖ టాలీవుడ్ సినిమాలకు సంబంధించిన ఆడియో క్లిప్‌లను డబ్ చేస్తూ యూట్యూబ్‌లో హల్‌చల్ చేస్తోన్న పలు డబ్‌స్మాష్ వీడియోలను క్రింద స్లైడ్‌షోలో చూడొచ్చు...