10 క్రేజీ మొబైల్ ఫోన్ కేస్‌లు

Published: Saturday, April 4, 2015, 10:37 [IST]

వినూత్న ఆలోచనలతో ముందుకొచ్చిన ఓ సృష్టికర్త 22 టూల్స్‌తో కూడిన ఐఫోన్ కేస్‌ను డిజైన్చేసారు. ‘టాస్క్ వన్' పేరుతో రూపకల్పన చేయబడిన ఈ ఐఫోన్ కేస్ అంతర్గతంగా చిన్నపాటి చాకు, స్ర్కూడ్రైవర్, బాటిల్ ఓపెనర్, వైర్ కట్టర్ వగైరా 22 ఉపకరణాలను కలిగి ఉంటుంది. విపత్కర పరిస్థితుల్లో టాస్క్ వన్ ఐఫోన్ కేస్ ఎంతగానో దోహదపడుతుందని నిపుణులు అంటున్నారు. ఈ ఫోన్ కేస్‌లో నిక్షిప్తం చేసిన ప్రతీ టూల్‌ను స్టెయిన్ లెస్ స్టీల్‌తో తయారు చేసారు. సిల్వర్, బ్లాక్, రెడ్ ఇంకా ఆరెంజ్ కలర్ వేరియంట్‌లలో లభ్యమవుతున్న ఈ టాస్క్ వన్ కేస్.. ఐఫోన్ 4, 4ఎస్, 5, 5ఎస్ మోడల్స్‌ను సపోర్ట్ చేసే విధంగా రూపకల్పన చేసారు.

సాంకేతికత ఎంత సొగసెరిగినదో ఈ ఫోటో ఫీచర్ మీకు స్పష్టం చేస్తుంది. ఈ శీర్షికలో మీరు చూడబోయే ప్రత్యేక ‘ఫోన్ కేస్'లు మీ ఫోన్ లకు మరింత శోభను తెచ్చిపెడతాయనటంలో ఏ మాత్రం సందేహం లేదు. సాంకేతికకు ఆధునీకతను జోడించి నిపుణులు వీటిని రూపొందించారు.