మూడో కంటికి తెలియకుండా చూసే ముచ్చటైన 5 మార్గాలు

వాట్సప్ :

ప్రపంచ వ్యాప్తంగా ఎంతో పేరొందిన వాట్సప్ మెసేజింగ్ యాప్, ప్రస్తుతం ఎండ్ అండ్ ఎండ్ ఎన్‌క్రిప్షన్ సర్వీసును అందిస్తోంది. సుమారు 150 కోట్ల మంది వాట్సప్ యూజర్స్ ఎన్ క్రిప్షన్ సర్వీసును డీఫాల్ట్ గా పొందుతున్నారు. కంపెనీలో పనిచేసే సిబ్బంది సహా మూడో కన్ను ఎవరికీ ఈ మెసేజెస్ సర్వీసులో చదివే వీలు లేదు. వాట్పప్ లో మెసేజెస్ సేఫ్ అనే నిపుణులు పేర్కొంటున్నారు.

ప్రొటాన్ మెయిల్ :

ప్రస్తుతం ప్రపంచ వ్యాప్తంగా అత్యధికంగా జీమెయిల్ ను ఈ మెయిల్ ప్రొవైడర్‌గా వాడుతున్నారు. అయితే ప్రస్తుతం జీమెయిల్ అంతగా సేఫ్ కాదని ఇటీవల పలు సందర్భాల్లో తేలింది. ముఖ్యంగా జీమెయిల్ సర్వీసులో మెయిల్స్ ఇతరులు చదివే అవకాశం ఉంది. అంతే కాదు కుప్పలు తెప్పలుగా వచ్చే అడ్వర్టయిజ్ మెంట్స్ వెనుక డేటాచౌర్యం దాగి ఉందనే ఆరోపణలు వెల్లువెత్తుతున్నాయి. ఈ నేపథ్యంలో ప్రొటాన్ మెయిల్ పేరిట సరికొత్త మెయిల్ సర్వీస్ ఎండ్ టు ఎండ్ ఎన్ క్రిప్షన్ సర్వీసు అందించేందుకు ముందుకు వచ్చింది. ప్రస్తుతానికి ఈ సర్వీసును ఫ్రీగా అందిస్తున్నారు. అయితే లాంగ్ టర్మ్ లో ఉపయోగిస్తే మాత్రం ఈ సర్వీసు ప్రీమియం మెంబర్ షిప్ తీసుకోవాల్సి ఉంటుంది.

పీజీపీ/జీపీజీ :

ప్రెట్టీ గూడ్ ప్రైవసీగా పిలువబడే ఈ ఎన్‌క్రిప్షన్ ప్రోగ్రామ్ ద్వారా డ్రైవ్స్, ఈ మెయిల్స్ మరియు ఫైల్స్ క్రిప్టోగ్రఫీ ద్వారా సురక్షితంగా రక్షించబడతాయి.

వెరా క్రిప్ట్ :

బ్రౌజింగ్ హిస్టరీ, కాన్ఫిడెన్షియల్ ఇన్ఫర్మేషన్, అలాగే రహస్య డాక్యుమెంట్స్ వంటివి కంప్యూటర్స్ లో దాచుకోవడం సహజమే. అయితే మ్యాక్, విండోస్, లైనెక్స్ మూడు ఓఎస్ లలో నూ పనిచేసే ఈ వెరాక్రిప్ట్ స్టోరేజ్ డ్రైవ్స్ లో ఎన్ క్రిప్టెడ్ పార్టిషన్స్ గా సమాచారాన్ని భద్రపరుస్తుంది.

పెన్ ఇంటర్నేషనల్ :

లండన్ కేంద్రంగా పనిచేస్తున్న ఈ ఎన్‌జీవో గత కొద్ది సంవత్సరాలుగా భావ ప్రకటనా స్వేచ్ఛను కాపాడేందుకు ప్రయత్నిస్తోంది. ఇటీవలే రష్యా ప్రభుత్వం టెలిగ్రాం యాప్ ను బ్యాన్ చేస్తే ఈ సంస్థ న్యాయపోరాటం చేసింది.