యాపిల్ కన్నా గూగుల్ బెస్ట్!

ఇంటర్‌బ్రాండ్ సంస్థ ఇటీవల నిర్వహించిన ఓ అధ్యయనంలో భాగంగా ప్రపంచపు విలువైన బ్రాండ్‌లుగా గూగుల్ ఇంకా యాపిల్‌లు బెస్ట్ రేటింగ్ సొంతం చేసుకున్నట్లు వెల్లడైంది. ఈ సర్వేలో భాగంగా యాపిల్ మొదటి స్థానంలో నిలిచినప్పటికి సెర్చ్ ఇంజన్ గూగుల్ 8 విభాగాల్లో యాపిల్‌ను అధిగమించింది. గత రెండు సంవత్సరాల కాలంగా ఈ రెండు కంపెనీల మధ్య పోటీ పెరుగుతూ వస్తోంది. సెర్చ్ ఇంజన్ గూగుల్ 8 విభాగాల్లో యాపిల్‌ను అధిగమించిన తీరును ఇప్పుడు చర్చించుకుందాం..

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.

బ్రౌజర్స్:

గూగుల్ అత్యుత్తమ బ్రౌజర్ క్రోమ్, యాపిల్ సఫారీ బ్రౌజర్ క్రోమ్ భారీ మార్జిన్‌తో వెనక్కునెట్టింది. గూగుల్ క్రోమ్ బ్రౌజర్ అప్లికేషన్ సౌకర్యవంతమైన అప్లికేషన్‌లను కలిగి ఉండటమే ఇందుకు కారణం. యాపిల్ మ్యాక్ యూజర్లు క్రోమ్ బ్రౌజర్‌ను ఉపయోగించుకోవటం విశేషం.

మ్యాప్స్:

గూగుల్ మ్యాప్స్ ఫీచర్‌‍కు ప్రపంచం వ్యాప్తంగా మంచి ఆదరణ ఉంది. ఇందుకు కారణం, గూగుల్ మ్యాప్స్ విస్తృతమైన కవరేజ్ ఇంకా ఖచ్చితమైన సమాచార వ్యవస్థను కలిగి ఉండటమే. యాపిల్ మ్యాప్స్ అప్లికేషన్ ఆది నుంచి సమస్యలను ఎదుర్కొంటూ వస్తోంది.

గూగుల్ డ్రైవ్:

గూగుల్ అందిస్తోన్న గూగుల్ డ్రైవ్ ఫీచర్ 15జీబి స్టోరేజ్ ఉచితంగా ఆఫర్ చేస్తోంది. మరో వైపు యాపిల్ 5జీబి స్టోరేజ్‌ను మాత్రమే ఆఫర్ చేస్తోంది.

ట్యాబ్లెట్స్:

ట్యాబ్లెట్ కంప్యూటర్ల విషయంలోనూ గూగుల్, యాపిల్‌ను అధిగమించింది. గూగుల్ నెక్సూ7 (సెకండ్ జనరేషన్), ఐప్యాడ్ మినీకి గట్టి పోటినిచ్చింది.

నెక్సూస్ 4 x ఐఫోన్స్:

ఆండ్రాయిడ్ ఆధారిత స్మార్ట్‌ఫోన్ గూగుల్ నెక్సూస్ 4 పటిష్టమైన హార్డ్‌వేర్ వ్యవస్థను కలిగి అత్యుత్తమ పనితీరును అందిస్తోంది. యూఎస్ ఇంకా యూకే మార్కెట్లో నెక్సూస్ 4 అన్‌లాకుడ్ వర్షన్ ధర రూ.15,000. ఇదే ఫీచర్లతో కూడిన యాపిల్ ఐఫోన్ ధర ఇక్కడ మార్కెట్లలో రూ.45,000.

గూగుల్ నౌ x సిరి:

గూగుల్ విడుదల చేసిన వర్చువల్ వాయిస్ అసిస్టెంట్ అప్లికేషన్ ‘గూగుల్ నౌ' మరింత స్పష్టతతో యాపిల్ వాయిస్ కమాండ్ అప్లికేషన్ ‘సిరి'ని అధిగమించింది.

మొబైల్ ఆపరేటింగ్ సిస్టం:

ప్రస్తుత స్మార్ట్‌ఫోన్ మార్కెట్‌ను పరిశీలించినట్లయితే ఆండ్రాయిడ్ ఆధారిత స్మార్ట్‌ఫోన్‌లకు మంచి డిమాండ్ ఉంది. ఐడీసీ నివేదిక ప్రకారం ప్రపంచవ్యాప్తంగా ఉన్న స్మార్ట్‌ఫోన్ యూజర్లలో80శాతం మంది ఆండ్రాయిడ్ స్మార్ట్‌ఫోన్‌లనే వినియోగిస్తున్నారు. కేవలం 13 శాతం మంది మాత్రమే యాపిల్ ఫోన్‌లను ఉపయోగిస్తున్నారు.