95 శాతం మంది ఇండియన్ ఇంజనీర్లు వేస్ట్, సాఫ్ట్‌వేర్ ఉద్యోగాలకు పనికిరారు ! సర్వే సంచలనం

టైర్ 1 కళాశాలతో పోలిస్తే టైర్ 3 కశాశాలల్లో ప్రోగ్రామ్ నైపుణ్యాల కొరత 5 రెట్లు ఎక్కువగా ఉంది.

Updated: Thursday, May 24, 2018, 12:23 [IST]

ఇండియన్ ఐటీ అలానే డేటా సైన్స్ ఇకోసిస్టం విభాగాల్లో నైపుణ్యాల కొరత తీవ్రంగా వేధిస్తోందని ఓ సర్వే తేటతెల్లం చేసింది. ఆస్పైరింగ్ మైండ్స్ నిర్వహించిన సర్వే ప్రకారం 95% ఇండియన్ ఇంజినీర్లు సాఫ్ట్‌వేర్ డెవలప్‌మెంట్ ఉద్యోగాలకు అన్‌ఫిట్ అని తేలింది.వీరంతా అసలు సాప్ట్ వేర్ ఉద్యోగాలకు కావాల్సిన స్కిల్స్ ని అంది పుచ్చుకోవడం లేదని తేలింది. కాలేజి నుంచి బయటకు వచ్చిన వీరంతా సరైన ఉద్యోగం పొందలేకపోవడానికి ఇదే ప్రధాన కారణమని సర్వే రిపోర్ట్ తెలిపింది. కాలేజి నుంచి బయటకు వచ్చే సమయానికి అన్ని స్కిల్స్ అందిపుచ్చుకోవాలని చెబుతోంది. సర్వే వివరాలపై ఓ లుక్కేయండి.

Read More : రూ.333తో రోజుకు 3జీబి డేటా, 90 రోజులు మీ ఇష్టం

4.77శాతం ఇంజినీర్లు మాత్రమే..

కేవలం 4.77శాతం ఇంజినీర్లు మాత్రమే ప్రోగ్రామింగ్‌కు అవసరమైన సరైన లాజిక్‌ను రాయగలుగుతున్నారని ఆస్పైరింగ్ మైండ్స్ చెబుతోంది.

36,000 ఇంజినీరింగ్ విద్యార్థుల పై..

500 కళాశాలల్లోని ఐటీ బ్రాంచ్‌లకు సంబంధించి 36,000 ఇంజినీరింగ్ విద్యార్థుల పై ఈ సర్వేను నిర్వహించారు. వీరంతా Automata అనే మెచీన్ లెర్నింగ్ సాఫ్ట్‌వేర్ డెవలెప్‌మెంట్ స్కిల్స్‌ను నేర్చుకున్న వారే.

1.4% మంది మాత్రమే సరైన కోడ్‌ను రాయగలుగుతున్నారు..

సర్వేలో మూడింట రెండింట మంది ప్రోగ్రామింగ్ కు అవసరమైన సరైన కోడ్‌ను కూడా రాయలేకపోయారట. కేవలం 1.4% మంది మాత్రమే సరైన కోడ్‌ను ఎగ్జిక్యూట్ చేయగలిగారట. ప్రోగ్రామింగ్ విషయంలో ప్రపంచం మూడేళ్ల ముందుకు వెళ్ళిపోయిందని, దీనిని అందిపుచ్చుకోవాల్సిన అవసరం భారత్‌‌కు ఉందని ఆస్పరింగ్ మైండ్స్ సీటీఓ సహ వ్యవస్థాపకుడు వరుణ్ గర్వాల్ అభిప్రాయపడ్డారు.

సర్వే తేల్చి చెప్పింది..

టైర్ 1 కళాశాలతో పోలిస్తే టైర్ 3 కశాశాలల్లో ప్రోగ్రామ్ నైపుణ్యాల కొరత 5 రెట్లు ఎక్కువగా ఉందని అగర్వాల్ చెప్పారు. టాప్ 100 కాలేజీల్లో 69 శాతం మంది విద్యార్థులు కంపైల్ చేసే ప్రోగ్రాంను రాయగలుగుతున్నారని, మిగతా కళాశాలల్లో ఈ సంఖ్య 31 శాతం మాత్రమే ఉందని ఆస్పైరింగ్ మైండ్స్ సర్వే తేల్చి చెప్పింది.

పరిశ్రమ ఆశిస్తోన్న నైపుణ్యాలు త్వరగా మారిపోతున్నాయి..

ఐటీ విభాగంలో ప్రస్తుత పరిస్థితులను విశ్లేషించినట్లయితే పరిశ్రమ ఆశిస్తోన్న నైపుణ్యాలు చాలా త్వరగా మారిపోతున్నాయి. ఈ నేపథ్యంలో, ప్రస్తుత పరిశ్రమ అవసరాలకు అనుగుణంగా విద్యార్థులు తమ నైపుణ్యాలను పెంచుకోవల్సి ఉంది. ఐటీ పరిశ్రమ ఆశిస్తోన్న 10 మోస్ట్ వాంటెడ్ సాఫ్ట్‌వేర్ స్కిల్స్‌ను మీ దృష్టికి తీసుకువస్తున్నాం..