LAVA ఫోన్ యూజర్లకు Aircel బంపరాఫర్

ఫీచర్ ఫోన్ మార్కెట్లో పోటీ రోజురోజుకు తీవ్రతరమవుతోన్న నేపధ్యంలో ప్రముఖ టెలికం ఆపరేటర్ ఎయిర్‌సెల్, లావా ఫీచర్ ఫోన్ యూజర్ల కోసం సరికొత్త బండిల్ ఆఫర్‌‌ను అందుబాటులోకి తీసుకువచ్చింది.

ఈ ఆఫర్‌లో భాగంగా యూజర్లు రూ.850 వెచ్చించి డ్యుయల్ సిమ్ సౌకర్యంతో కూడిన లావా పీచర్ ఫోన్‌ను కొనుగోలు చేసినట్లయితే, వారికి 24 నెలల పాటు రూ.153 అన్‌లిమిటెడ్ ఆఫర్ అందుబాటులో ఉంటుంది.

లావా ఫోన్ కొనుగోలు చేసిన తరువాత ప్రతినెలా రూ.153 పెట్టి రీఛార్జ్ చేసుకోవటం ద్వారా అన్‌లిమిటెడ్ వాయిస్ కాల్స్‌తో పాటు 2జీ డేటా, ఎస్ఎంఎస్ ఇంకా మ్యూజిక్‌‌ను అపరిమితంగా ఆస్వాదించే

వీలుంటుంది. 24 నెలల తరువాత ఫోన్ వద్దనుకుంటునట్లయితే రీఫండ్ క్రింద రూ.850 అమౌంట్‌ను RTGS ద్వారా యూజర్ బ్యాంక్ అకౌంట్‌లో జమ చేస్తారు. ఈ ఫోన్‌లకు సంబంధించిన ప్రీ-బుకింగ్స్

ఎయిర్‌సెల్ వెబ్‌సైట్‌లో అందుబాటులో ఉంటాయి. మరో రెండు వారాల్లో ఈ ఫోన్‌లు మార్కెట్లో అందుబాటులో ఉంటాయి.