OTT కంటెంట్ స్ట్రీమింగ్ కోసం అనువైన ఎయిర్‌టెల్, Vi ప్రీపెయిడ్ ప్లాన్‌లు ఇవే

OTT స్ట్రీమర్‌లతో భారతి ఎయిర్‌టెల్ ప్రీపెయిడ్ ప్లాన్‌లు

భారతి ఎయిర్‌టెల్ యొక్క సిమ్ కలిగి ఉండి మీరు ఆన్‌లైన్‌లో స్ట్రీమింగ్ కంటెంట్‌ను ఇష్టపడితే కనుక వారికి నాలుగు ప్రీపెయిడ్ ప్లాన్‌లు అందుబాటులో ఉన్నాయి. ఈ ప్లాన్‌ల ధరలు వరుసగా రూ.349, రూ.499, రూ.699 మరియు రూ.2,798. ఈ నాలుగు ప్లాన్‌లలో రూ.349 ప్లాన్ ప్రత్యేకంగా నిలుస్తుంది. ఎందుకంటే ఇది అమెజాన్ ప్రైమ్ సభ్యత్వాన్ని అందిస్తుంది. మిగిలిన మూడు ప్లాన్‌లు డిస్నీ+ హాట్‌స్టార్ మొబైల్ ఎడిషన్ యొక్క ప్రయోజనాన్ని ఒక సంవత్సరం చెల్లుబాటుతో వినియోగదారులకు అందిస్తాయి. ఈ అన్ని ప్లాన్‌లు వినియోగదారులకు అపరిమిత వాయిస్ కాలింగ్ మరియు రోజుకు 100 SMS ప్రయోజనాలను కూడా అందిస్తాయి. వీటితో పాటుగా వినియోగదారులు ఎయిర్‌టెల్ థాంక్స్ ప్రయోజనాలకు కూడా యాక్సెస్ పొందుతారు.

భారతి ఎయిర్‌టెల్ యొక్క రూ.349 ప్రీపెయిడ్ ప్లాన్ 2.5GB రోజువారీ డేటాను 28 రోజుల చెల్లుబాటుతో వస్తుంది. ఈ ప్లాన్‌తో వినియోగదారులు మొత్తం 70GB డేటాను పొందుతారు. రూ.499 ప్రీపెయిడ్ ప్లాన్‌తో వినియోగదారులు 28 రోజుల చెల్లుబాటు కాలానికి 3GB రోజువారీ డేటాను పొందుతారు. కాబట్టి ఈ ప్లాన్‌తో అందించే మొత్తం డేటా మొత్తం 84GB. అలాగే రూ.699 మరియు రూ.2798 ప్లాన్‌లు రెండు కూడా వినియోగదారులకు 2GB రోజువారీ డేటాను అందిస్తాయి. ఇందులో రూ.699 ప్లాన్ 56 రోజుల వాలిడిటీతో లభించగా రూ.2798 ప్లాన్ 365 రోజుల సర్వీస్ వాలిడిటీతో లభిస్తుంది. రూ.699 ప్లాన్‌తో వినియోగదారులు మొత్తం 112GB డేటా మరియు 730GB డేటాను పొందుతారు.

OTT స్ట్రీమర్‌లతో వోడాఫోన్ ఐడియా ప్రీపెయిడ్ ప్లాన్‌లు

వోడాఫోన్ ఐడియా (Vi) ఒక సంవత్సరపు డిస్నీ+ హాట్‌స్టార్ మొబైల్ సబ్‌స్క్రిప్షన్‌తో నాలుగు ప్రీపెయిడ్ ప్లాన్‌లను అందిస్తుంది. ఈ ప్లాన్‌ల ధరలు వరుసగా రూ.501, రూ.901, రూ. 701 మరియు రూ. 2595. ఇక్కడ పేర్కొన్న అన్ని ప్లాన్‌లు 3GB రోజువారీ డేటాను అందిస్తాయి కానీ వేర్వేరు వ్యాలిడిటీలను కలిగి ఉంటాయి. రూ.2595 ప్లాన్ 365 రోజుల చెల్లుబాటుతో వస్తుంది. అయితే రూ.501, రూ.901 మరియు రూ.701 ప్లాన్‌లు వరుసగా 28 రోజులు, 84 రోజులు మరియు 56 రోజుల సర్వీస్ వాలిడిటీలతో వస్తాయి. కానీ ఈ ప్లాన్‌లతో మీరు పొందే అన్ని ప్రయోజనాలు మిగిలిన వారికి బిన్నంగా ఉన్నాయి. వినియోగదారులు ఈ ప్లాన్‌లన్నింటితో కంపెనీ నుండి Binge All Night మరియు Weekend Data Rollover ఆఫర్‌లను కూడా పొందుతారు. వోడాఫోన్ ఐడియా నుండి మరొక ప్రీపెయిడ్ ప్లాన్ స్ట్రీమింగ్ ప్రయోజనంతో వస్తుంది.

వోడాఫోన్ ఐడియా యొక్క రూ. 601 ప్లాన్ 4G డేటా వోచర్ మరియు అపరిమిత ప్రయోజనాల ప్రీపెయిడ్ ప్లాన్ కాదు. సంబంధం లేకుండా ఇది డిస్నీ+ హాట్‌స్టార్ మొబైల్ ప్లాన్‌కి పూర్తి సంవత్సరం సభ్యత్వాన్ని అందిస్తోంది. కాబట్టి దీనిని ఇక్కడ ప్రస్తావించడం విలువైనదే. ఇది వినియోగదారులకు 75GB ఏకమొత్తం డేటాను అందిస్తుంది. వారు ప్రతిసారీ వారి రోజువారీ డేటా పరిమితులు అయిపోతే వారు డేటా బూస్టర్‌గా ఉపయోగించవచ్చు. పైన పేర్కొన్న నాలుగు అపరిమిత వాయిస్ మరియు డేటా ప్లాన్‌లు కూడా వినియోగదారుల కోసం Vi సినిమాలు & టీవీకి యాక్సెస్‌తో వస్తాయి.

ZEE5 ప్రీమియంను ఉచితంగా అందిస్తున్న వోడాఫోన్ ఐడియా ప్రీపెయిడ్ ప్లాన్‌లు

ప్రస్తుతం అందుబాటులో ఉన్న డేటా ప్రకారం వార్షిక ZEE5 ప్రీమియం సభ్యత్వంను రూ.355 ధర గల Vi డేటా ప్లాన్ మరియు Vi కాంబో ప్రీపెయిడ్ ప్లాన్స్ రూ .405, రూ .595, రూ .795 మరియు రూ .2,595 తో లభిస్తుంది. ఈ ప్లాన్‌ల యొక్క ప్రయోజనాల విషయానికొస్తే రూ.355 డేటా ప్లాన్‌ 28 రోజుల చెల్లుబాటుతో 50GB డేటాతో పాటు రూ.999 విలువైన Zee5 ప్రీమియం సభ్యత్వంను అందిస్తుంది. అలాగే రూ.405 ప్లాన్‌ విషయానికి వస్తే ఇది 28 రోజుల చెల్లుబాటు కాలంలో 90GB డేటా బెనిఫిట్ లభిస్తుంది. ఇవి భారతదేశంలోని ఏ నెట్‌వర్క్‌కైనా అపరిమిత వాయిస్ కాలింగ్ మరియు రోజుకు 100SMS ప్రయోజనాలను అందిస్తుంది.

ZEE5 ప్రీమియం vs డిస్నీ + హాట్స్టార్ VIP

ఇతర టెల్కోలు స్మార్ట్ఫోన్ లను కలిగి ఉన్న వారి కోసం డిస్నీ + హాట్స్టార్ VIP సభ్యత్వాన్ని అందించడంపై దూకుడుగా దృష్టి సారిస్తున్న సమయంలో VI తన ప్రీపెయిడ్ ప్లాన్‌లతో ZEE5 ప్రీమియం సభ్యత్వంను ఉచితంగా అందించడం మంచి చర్యగా భావించవచ్చు. Vi దాని ప్రీపెయిడ్ ప్లాన్‌లతో ZEE5 ప్రయోజనాన్ని అందించడాన్ని ముందు ఆపివేసినట్లు మేము గమనించాము. ఏదేమైనా ఇది ఇప్పుడు కొత్త ప్లాన్‌లతో మళ్ళి తిరిగి వచ్చింది. ఇది చాలా మంది వినియోగదారులను ఆకర్షిస్తున్నది.