Airtel నుంచి రూ.9 కే రీఛార్జి ప్లాన్ ! ఈ ప్లాన్ ప్రయోజనాలు ఏంటో తెలుసుకోండి

భారతదేశపు రెండవ అతిపెద్ద టెలికాం ఆపరేటర్ అయిన భారతీ ఎయిర్‌టెల్ ఇప్పుడు కేవలం, రూ.9 కి కొత్త ప్రీపెయిడ్ ప్లాన్‌ని తీసుకొచ్చింది.ఈ ప్లాన్ ప్రత్యేకత ఏమిటంటే ఇది రూ.9కే వస్తుంది మరియు అపరిమిత డేటాను అందిస్తుంది. ప్లాన్ డేటా వోచర్ ప్లాన్ మరియు మీకు ఇతర సేవ ల చెల్లుబాటును అందించదు. అయితే, అపరిమిత డేటా గురించిన పూర్తి వివరాలు ఇక్కడ తెలుసుకుందాం. మేము ఈ ప్లాన్ యొక్క పూర్తి వివరాలను ఇక్కడ మీకోసం ఇస్తున్నాము.

ఎయిర్‌టెల్ యొక్క ఈ రూ.9 ప్లాన్ ఏమేమి ప్రయోజనాలు అందిస్తుంది.
భారతీ ఎయిర్‌టెల్ యొక్క రూ.9 ప్లాన్ అపరిమిత డేటాతో వస్తుంది, అవును, కానీ కేవలం ఒక గంట మాత్రమే. ఇది అందరికీ సరిపోకపోవచ్చు, కొంతమంది ఈ ఆఫర్‌ను అభినందిస్తారు. అయితే, FUP (న్యాయమైన వినియోగ విధానం) పరిమితి 10GB ఉందని గమనించండి. అందువలన, మీరు 10GB హై-స్పీడ్ డేటాను పొందుతారు, ఆ తర్వాత, వేగం 64 Kbpsకి తగ్గుతుంది.

అందువల్ల, మీరు పెద్ద పరిమాణంలో ఏదైనా డౌన్‌లోడ్ చేయాల్సి వస్తే మరియు తక్కువ వ్యవధిలో డేటా బూస్ట్ అవసరమైతే, ఈ ప్లాన్ గొప్ప ఎంపికగా ఉంటుంది. ప్రస్తుతం ఏదైనా సర్వీస్ ప్రొవైడర్ నుంచి 10GB వరకు డేటా కావాలంటే అందుకు దాదాపు రూ.100 వెచ్చించాల్సి ఉంటుంది. అయితే, ఎయిర్టెల్ యొక్క ఈ ప్లాన్ ద్వారా మీకు రూ.9కే 10GB డేటా ఇస్తుంది.కాకపోతే తేడా ఏమిటంటే, ఇది ఒక గంట మాత్రమే అందుబాటులో ఉంటుంది.

ఇదే ప్లాన్ తో మీరు రెండు వోచర్‌లను కొనుగోలు చేస్తే, మీరు రూ. 18 ఖర్చు తో 20GB డేటాను పొందుతారు. అంటే ఇక్కడ, ప్రతి GB డేటా మీ కోసం రూ. 1 కంటే తక్కువ ధరకే లభిస్తుంది. కాబట్టి కస్టమర్‌లకు ఇది గొప్ప అవకాశం అవుతుంది. ఎయిర్‌టెల్ వెబ్‌సైట్‌తో పాటు మొబైల్ యాప్‌లో రీఛార్జ్ చేసుకోవడానికి ఈ ప్లాన్ ఇప్పుడు వినియోగదారులకు అందుబాటులో ఉంది.

భారతీ ఎయిర్‌టెల్ తన పోర్ట్‌ఫోలియోకు ఇటీవల కొత్త ప్రీపెయిడ్ ప్లాన్‌లని నిశ్శబ్దంగా జోడించింది. ఇటీవల జోడించిన కొన్ని ప్లాన్‌లలో రూ.279 ప్లాన్ మరియు రూ.395 ప్లాన్లు ముఖ్యమైనవి గా ఉన్నాయి.

భారతి ఎయిర్టెల్ నుంచి కొత్త రూ. 395 యొక్క ప్రీపెయిడ్ ప్లాన్‌ను ప్రకటించింది. ఈ ఎయిర్టెల్ రీఛార్జి ప్లాన్ ఆసక్తికరంగా ఉంది ఎందుకంటే అదే టారిఫ్‌ ధర తో రిలయన్స్ జియో కూడా ఒక ప్లాన్ ను అందిస్తోంది. అయితే, ఎయిర్‌టెల్ తన రూ. 395 ప్లాన్‌ను జియో ప్లాన్ కంటే ఎక్కువ ప్రీమియంగా ఉంచింది. ఎయిర్టెల్ నుండి కొత్త రూ. 395 ప్లాన్ 56 రోజుల సర్వీస్ వ్యాలిడిటీ ని కలిగి ఉంది.

భారతీ ఎయిర్‌టెల్ యొక్క రూ. 395 ప్రీపెయిడ్ ప్లాన్ అపరిమిత వాయిస్ కాలింగ్, 600 SMS మరియు 6GB డేటాతో వస్తుంది. ఈ ప్లాన్ ద్వారా అందించే సర్వీస్ వాలిడిటీ 56 రోజులు. ఈ ప్లాన్ యొక్క అదనపు ప్రయోజనాలు అపోలో 24|7 సర్కిల్, ఉచిత హెలోట్యూన్స్ మరియు వింక్ మ్యూజిక్ ప్రయోజనాలు ఉన్నాయి.