సరికొత్తగా ఎయిర్‌టెల్, ఇకపై ప్లాన్లు అందరికీ..

గతంలో కొందరికి మాత్రమే ఇచ్చే బెనిఫిట్లను..

తాజాగా ఎయిర్‌టెల్‌ వినియోగదారులను ఆకర్షించేందుకు సరికొత్త పంధాను ఎన్నుకుంది. గతంలో కొందరికి మాత్రమే ఇచ్చే బెనిఫిట్లను ఇప్పుడు అందరికీ అందివ్వనుంది.

ఏదైనా కొత్త ప్లాన్‌ ప్రవేశ పెడితే..

గతంలో ఏదైనా కొత్త ప్లాన్‌ ప్రవేశ పెడితే అది సదరు వినియోగదారుడికి వర్తిస్తుందో లేదో తెలుసుకోవడానికి మైఎయిర్‌టెల్‌ యాప్‌లో చూసుకోవాల్సి వచ్చేది. అందులో ఆఫర్ల జాబితాలో లేకపోతే అది వినియోగదారుడికి వర్తించదు. అయితే తాజగా ఎయిర్‌టెల్‌ ఆ విధానానికి స్వస్తి పలికింది.

ప్రీపెయిడ్‌ ప్రామిస్‌ పథకం కింద..

ఎయిర్‌టెల్‌ ప్రీపెయిడ్‌ ప్రామిస్‌ పథకం కింద, ఎక్కువ మంది ఎయిర్‌టెల్‌ కష్టమర్లు వాడుతున్న కొన్ని ప్లాన్‌లను, ఓపెన్‌ మార్కెట్‌ ప్లాన్‌లుగా అందరికీ అందుబాటులోకి తీసుకొచ్చింది.

ఈ ఐదు ప్లాన్లు ఇకపై..

రూ. 179, రూ. 349, రూ. 448, రూ. 549, రూ. 799 ప్లాన్లని ఇలా అందరికీ వర్తించే విధంగా నిర్ణయం తీసుకుంది. ఈ ఐదు ప్లాన్లు ఇకపై ఆ నిర్థిష్టమైన టెలికం సర్కిల్‌లో ఉన్న ఎయిర్‌టెల్‌ వినియోగదారులు అందరికీ వర్తిస్తాయి.