సెట్-టాప్ బాక్స్‌ల ధరలను తగ్గించిన ఎయిర్‌టెల్ డిజిటల్ టివి

శాటిలైట్ టివి మరియు OTT కంటెంట్ రెండింటినీ చూడటానికి వినియోగదారులను అనుమతించే హైబ్రిడ్ సెట్-టాప్ బాక్స్‌తో పాటు ఎయిర్‌టెల్ డిజిటల్ టివి వినియోగదారులకు SD మరియు HD సెట్-టాప్ బాక్స్‌లను కూడా అందిస్తోంది. రోజు రోజుకు DTH పరిశ్రమలో పోటీ పెరుగుతుండటంతో కొత్త కస్టమర్లను ఆకర్షించడానికి డిటిహెచ్ ఆపరేటర్లు తమ STBల ధరలను తగ్గిస్తున్నాయి. కొత్త టారిఫ్ పాలన అమలులోకి రావడంతో DPOs ఛానల్ ప్యాక్‌లపై భారీ తగ్గింపును ఇవ్వడం అసాధ్యం చేసింది. కాబట్టి వారు ఇప్పుడు ఎక్కువ మంది చందాదారులను బోర్డులో చేర్చుకోవడం మీద దృష్టి పెడుతున్నారు.

ఎయిర్టెల్ డిజిటల్ టీవీ సెట్-టాప్ బాక్స్ ధరలు

ఎయిర్‌టెల్ డిజిటల్ టివి ప్రస్తుతం వినియోగదారులకు మూడు సెట్-టాప్ బాక్స్‌లను అందిస్తోంది. ఈ సెట్-టాప్ బాక్స్‌లలో స్టాండర్డ్ డెఫినిషన్ (SD) మరియు హై డెఫినిషన్ (HD) కాగా మూడవది ఎయిర్‌టెల్ ఎక్స్‌స్ట్రీమ్ బాక్స్. కొన్ని ప్రాంతాల్లో ఈ డిటిహెచ్ ఆపరేటర్ ఇప్పటికీ వినియోగదారులకు ఎయిర్టెల్ ఇంటర్నెట్ టివిని అందిస్తోంది. ఇంక ధరల విషయానికొస్తే ఎయిర్‌టెల్ డిజిటల్ టీవీ యొక్క SD సెట్-టాప్ బాక్స్ ప్రస్తుతం రూ.1,100 లకు, హెచ్‌డీ సెట్-టాప్ బాక్స్ 1,300 రూపాయల రిటైల్ ధర వద్ద లభిస్తుంది.

ఎక్స్‌స్ట్రీమ్ బాక్స్

చివరగా ఎయిర్టెల్ యొక్క ఎక్స్‌స్ట్రీమ్ బాక్స్ కొత్త వినియోగదారుల కోసం 3,999 రూపాయల ధర వద్ద లభిస్తుంది. అయితే పరిమిత కాల ఆఫర్‌లో భాగంగా ఎయిర్‌టెల్ థాంక్స్ సభ్యులకు ఎయిర్‌టెల్ ఎక్స్‌స్ట్రీమ్ బాక్స్‌ను కేవలం 2,249 రూపాయలకు అందిస్తోంది. ప్రస్తుతం మార్కెట్లో లభించే సరసమైన ఆండ్రాయిడ్ టివి బాక్స్‌లో ఇది ఒకటి. డిష్ టివి యొక్క ఆండ్రాయిడ్ టివి బాక్స్‌ డిష్ SMRT హబ్‌ ఇప్పుడు వినియోగదారులకు 3,999 రూపాయల ధర వద్ద అందిస్తోంది. కాబట్టి ఎయిర్‌టెల్ డిజిటల్ టీవీ ప్రస్తుతం తన ఆండ్రాయిడ్ టీవీ బాక్స్‌తో పైచేయి సాధించింది.

ఇతర సెట్-టాప్ బాక్స్‌లతో పోలికలు

టాటా స్కై సెట్-టాప్ బాక్స్‌ల ధరలు

ప్రస్తుతం దేశంలోనే అతిపెద్ద డిటిహెచ్ ఆపరేటర్ టాటా స్కై. ఇందులో ప్రస్తుతం ఎస్‌డి, హెచ్‌డి, + హెచ్‌డి మరియు అల్ట్రా హై డెఫినిషన్ 4K వంటి నాలుగు STBలు ఉన్నాయి. కొత్త వినియోగదారుల కోసం టాటా స్కై యొక్క SD సెట్-టాప్ బాక్స్ ధర రూ.1,399 కాగా, హెచ్‌డి వేరియంట్ యొక్క ధర రూ.1,499. అలాగే + హెచ్‌డి STB యొక్క ధర రూ.2,300 కాగా, 4K STB బాక్స్‌ను రూ.6,400 ధర వద్ద పొందవచ్చు.

డిష్ టివి సెట్-టాప్ బాక్స్‌ల ధరలు

డిష్ టివి కూడా ప్రస్తుతం మూడు సెట్-టాప్ బాక్స్‌లను అందిస్తున్నది. ఇందులో DishNXT SD, DishNXT హెచ్‌డి మరియు డిష్ SMRT హబ్ ఉన్నాయి. ఇందులో DishNXT హెచ్‌డి బాక్స్ యొక్క ధర రూ.1,590 కాగా, DishNXT SD బాక్స్ యొక్క ధర రూ.1,490లు. అలాగే డిష్ SMRT హబ్ ప్రస్తుతం మార్కెట్లో రూ.3,999 ధర వద్ద లభిస్తుంది.

D2h సెట్-టాప్ బాక్స్‌ల ధరలు

D2h ఆపరేటర్ విషయానికి వస్తే ఇది కూడా ప్రస్తుతం HD, SD మరియు HD RF వంటి మూడు సెట్-టాప్ బాక్స్‌లను అందిస్తోంది. ఇందులో D2h యొక్క SD బాక్స్ ధర రూ.1,599 కాగా HD బాక్స్ యొక్క ధర రూ.1,699లు. చివరగా డి 2 హెచ్ యొక్క HD RF సెట్-టాప్ బాక్స్ ధర 1,799 రూపాయలు.

సన్ డైరెక్ట్ సెట్-టాప్ బాక్స్‌ల ధరలు

దక్షిణ భారతదేశానికి చెందిన సన్ డైరెక్ట్ డిటిహెచ్ ఆపరేటర్‌ ప్రస్తుతం తన వినియోగదారులకు ఎస్‌డి + మరియు హెచ్‌డి + అనే రెండు సెట్-టాప్ బాక్స్‌లను అందిస్తున్నది. ఇందులో SD+ సెట్-టాప్ బాక్స్ యొక్క ధర 1,799 రూపాయలు. అలాగే హెచ్‌డి + బాక్స్ ప్రస్తుతం రూ.1,999ల ధర వద్ద లభిస్తుంది. మొత్తంమీద అన్ని ఆపరేటర్‌లతో పోలిస్తే ఎయిర్టెల్ డిజిటల్ టీవీ కొత్త వినియోగదారులను ఆకట్టుకోవడానికి అందరి కంటే తక్కువ ధర వద్ద అన్ని రకాల సెట్-టాప్ బాక్స్‌లను అందిస్తున్నది.