Airtel 30జిబి ఉచిత డేటా ఆఫర్, ఎటువంటి కండీషన్లు లేవు

దేశీయ టెలికాం రంగంలో జియోతో సమానంగా దూసుకుపోతున్న ఎయిర్‌టెల్ తమ కస్టమర్లకు ఓ బంపర్ ఆఫర్ ప్రకటించింది. మేరా పెహలా స్మార్ట్‌ఫోన్ కింద ఈ ఆఫర్‌ను లాంచ్ చేసింది. ఇందులో భాగంగా 2జీ లేదా 3జీ ఫోన్లు వాడుతున్న ఎయిర్‌టెల్ కస్టమర్లు 4జీ స్మార్ట్‌ఫోన్‌కు స్విచ్ అయితే 30 జీబీ డేటాను ఉచితంగా పొందవచ్చు. కాగా ఈ ఆఫర్ ప్రీపెయిడ్, పోస్ట్‌పెయిడ్ కస్టమర్లకు వర్తిస్తుంది. ప్రీపెయిడ్ కస్టమర్లయితే రోజూ ఒక జీబీ చొప్పున 30 రోజులకు 30 జీబీ డేటాను, పోస్ట్‌పెయిడ్ కస్టమర్లకు ఒకేసారి 30 జీబీ డేటా ఉచితంగా ఇవ్వనున్నట్లు ఎయిర్‌టెల్ ప్రకటించింది. ఈ డేటా కూడా రోల్‌ఓవర్ అవుతుంది.

ఈ ఆఫర్‌కు మీరు అర్హులా కాదా తెలుసుకోవడానికి మీ ఎయిర్‌టెల్ నంబర్ నుంచి 51111కు కాల్ చేయండి. మరోక ఆప్సన్ ఏంటంటే మైఎయిర్‌టెల్ యాప్ ద్వారా కూడా మీరు తెలుసుకోవచ్చు. అర్హులైన కస్టమర్లకు 24 గంటల్లోపు ఫ్రీడేటాను యాక్టివేట్ చేస్తారు. గతంలో ఇదే మేరా పెహలా స్మార్ట్‌ఫోన్ ఆఫర్ కింద లెనోవో, సెల్కాన్, నోకియా, ఇంటెక్స్, సామ్‌సంగ్ మొబైల్ కంపెనీలతో ఒప్పందం కుదుర్చుకొని కస్టమర్లకు రూ.2 వేల వరకు క్యాష్‌బ్యాక్ అందించింది.

కాగా కంపెనీ ఈ మధ్య ఎయిర్‌టెల్‌ ప్రీపెయిడ్‌ వినియోగదారుల కోసం రూ.249 ప్లాన్ లాంచ్ చేసిన సంగతి తెలిసిందే. రూ. 249తో రీఛార్జ్‌ చేసుకుంటే 56జీబీ ఇంటర్నెట్‌ డేటా పొందవచ్చు. ఈ ప్యాక్‌ కాలపరిమితి 28 రోజులు. కాగా, గతంలో రూ.349 రీఛార్జ్‌తో 2.5జీబీ డేటాను అందించేది.ఇప్పుడు తీసుకొచ్చిన రూ.249రీఛార్జ్‌తో అపరిమిత వాయిస్‌ కాల్స్‌తో పాటు, రోజుకు 100 ఎస్‌ఎంఎస్‌లు వినియోగించుకోవచ్చు.

ఊహించని ధరకే 3జిబి ర్యామ్ స్మార్ట్‌ఫోన్, అదనంగా రూ. 2,200 క్యాష్‌బ్యాక్

దీంతో పాటు రూ.349 ప్యాక్‌ను కూడా ఎయిర్‌టెల్‌ పునరుద్ధరించింది. ఇప్పటి వరకూ అందిస్తున్న 2.5జీబీ డేటా స్థానంలో తాజాగా 28రోజుల పాటు రోజుకు 3జీబీ డేటాను అందించనుంది. కాగా రూ.499 రీఛార్జ్‌తో నిన్న కొత్త ప్రీపెయిడ్‌ను ప్రకటించింది. ఇందులో ఉచిత లోకల్‌, ఎస్టీడీ కాల్స్‌తో పాటు, రోజుకు 2జీబీ డేటాను 82 రోజుల పాటు అందిస్తున్న సంగతి తెలిసిందే.

మరో ప్లాన్ లో భాగంగా ఎయిర్టెల్ రూ. 499లో రోజుకు 2జీబీ హై-స్పీడ్ డేటా అందిస్తుంది. యూజర్లు అన్‌ లిమిటెడ్‌, లోకల్‌, రోమిండ్‌ కాల్స్‌ ఉచితంగా పొందవచ్చు. రోజుకు 100 ఎస్‌ఎంఎస్‌లు ఉచితం. ఈ ప్లాన్ 82 రోజులు చెల్లుతుంది.