ఎయిర్‌టెల్ యూజర్లకు షాకింగ్ న్యూస్.. రూ.299, రూ.319 ప్లాన్లు మాయం, ఇకపై భారం తప్పదా?

భారతీ ఎయిర్‌టెల్ గుట్టుచప్పుడు కాకుండా పలు టెలికాం సర్కిళ్లలో తమ ప్రీపెయిడ్ ప్లాన్లలో మార్పులు చేసింది. యూజర్లు ఎక్కువగా ఇష్టపడే ₹299, ₹319 ప్యాక్‌లు అకస్మాత్తుగా కనిపించకుండా పోయినట్లు చాలామంది సబ్‌స్క్రైబర్లు చెబుతున్నారు. ప్రస్తుతం 'ఎయిర్‌టెల్ థాంక్స్' యాప్‌లో ₹349 ప్లాన్‌ను అత్యంత తక్కువ బేసిక్ ఆఫర్‌గా చూపిస్తోంది. ఈ హఠాత్ మార్పుతో రోజూ డేటా వాడుతూ, నెలవారీ రీఛార్జ్ బడ్జెట్‌లు వేసుకునే వారిపై అదనపు భారం పడనుంది.

అయితే ఈ ప్లాన్లను పూర్తిగా తొలగించకుండా కొందరు వినియోగదారులకు మాత్రమే కనిపించకుండా చేసినట్లు తెలుస్తోంది. 'రీసెంట్లీ యూజ్డ్' లేదా 'క్యూడ్ రీఛార్జ్' ట్యాబ్‌ల కింద కొంతమందికి ఈ పాత ప్లాన్లు ఇంకా కనిపిస్తున్నాయి. కానీ, ఎక్కువమంది యూజర్లకు మెయిన్ ట్యాబ్‌లలో ఎక్కువ ధర ఉన్న రీఛార్జ్ ఆప్షన్లే దర్శనమిస్తున్నాయి. కనీస డేటా కావాలన్నా సరే.. కస్టమర్లు ఎక్కువ ధర ఉన్న ప్రీమియం ప్లాన్లు తీసుకునేలా ఎయిర్‌టెల్ ఈ వ్యూహం పన్నినట్లు కనిపిస్తోంది.

మీ నంబర్‌కు ఏ ఎయిర్‌టెల్ ప్లాన్స్ అందుబాటులో ఉన్నాయో ఎలా చెక్ చేయాలి?

కస్టమర్లు ముందుగా తమ ఆఫీషియల్ 'ఎయిర్‌టెల్ థాంక్స్' యాప్‌లో రీఛార్జ్ ఆప్షన్లను ఒకసారి చెక్ చేసుకోవడం మంచిది. యాప్ ఓపెన్ చేసి, రీఛార్జ్ సెక్షన్‌లోకి వెళ్లి 'డైలీ డేటా ప్యాక్' లిస్ట్ చూడండి. అందులో రికమండ్ చేస్తున్న ప్లాన్లతో పాటు మీ 'రీసెంట్లీ యూజ్డ్' ట్యాబ్‌ను కూడా సరిచూసుకోండి. రీఛార్జ్ పేమెంట్ చేసే ముందు ప్లాన్ వివరాలను స్క్రీన్‌షాట్ తీసి పెట్టుకుంటే ఎలాంటి గందరగోళం లేకుండా సురక్షితంగా ఉంటుంది.

ఎయిర్‌టెల్ ప్రీపెయిడ్ రీఛార్జ్ బడ్జెట్‌పై పడే ప్రభావం ఎంత?

ఈ మార్పుల వల్ల రోజూ డేటా, 5G నెట్‌వర్క్ వాడేవారి వ్యయం పెరగనుంది. బేసిక్ ప్లాన్లపై ఆధారపడే వినియోగదారులకు నెలవారీ ఖర్చులు భారం కానున్నాయి. ఒకవేళ పాత తక్కువ ధర ప్లాన్లు పూర్తిగా మాయమైతే కస్టమర్లు తప్పనిసరిగా ₹349 లేదా ₹409 వంటి ప్లాన్‌లు ఎంచుకోవాల్సి వస్తుంది. ప్రస్తుతం ఈ సిస్టమ్ అప్‌డేట్ ప్రక్రియ జరుగుతున్నందున, అధికారికం కాని థర్డ్ పార్టీ రీఛార్జ్ పోర్టళ్లను వాడకపోవడమే మంచిది.

84 రోజుల వ్యాలిడిటీ ప్లాన్లు ఎంచుకునే వినియోగదారులు కూడా ఈ మార్పులపై కన్నేసి ఉంచాలి. పలు ప్రాంతీయ సర్కిళ్లలో ప్రజాదరణ పొందిన కొన్ని బల్క్ డేటా ఆఫర్లలోనూ ఇలాంటి మార్పులే జరుగుతున్నాయి. త్వరలోనే రీఛార్జ్ చేసుకోబోయే వారు.. మరిన్ని మార్పులు రాకముందే ప్రస్తుతం అందుబాటులో ఉన్న ప్లాన్లతో లాకిన్ చేసుకోవడం బెటర్.

ఒక్కో వినియోగదారుడి నుంచి వచ్చే సగటు రాబడి (ARPU) ని పెంచుకునేందుకు టెలికాం కంపెనీలు అమలు చేస్తున్న విస్తృత వ్యూహంలో భాగమే ఈ సైలెంట్ చేంజ్. అందుకే సబ్‌స్క్రైబర్లు తమ నెలవారీ రీఛార్జ్ చేసేముందు డేటా అవసరాలను సరిచూసుకోవడం ముఖ్యం. తక్కువ ధరలోనే అన్‌లిమిటెడ్ కనెక్టివిటీ పొందాలంటే మీ నంబర్‌కు వచ్చే ప్రత్యేక ఆఫర్లను చెక్ చేసుకోవడమే అత్యంత సురక్షితమైన మార్గం.