Airtel ప్లాన్లలో మార్పులు, జియో రూ.399, రూ.149కి గట్టి పోటీ

దేశీయ టెలికాం దిగ్గజం ఎయిర్‌టెల్ జియోకి గట్టిపోటినిస్తూ తన ప్లాన్లలో మార్పులను చేసింది. జియో రూ.399కి పోటీగా తన పాత ప్లాన్ రూ.399లో మార్పులు చేసింది.

By Hazarath

Published: Monday, January 22, 2018, 13:46 [IST]

దేశీయ టెలికాం దిగ్గజం ఎయిర్‌టెల్ జియోకి గట్టిపోటినిస్తూ తన ప్లాన్లలో మార్పులను చేసింది. జియో రూ.399కి పోటీగా తన పాత ప్లాన్ రూ.399లో మార్పులు చేసింది. దీంతో పాటు రూ. 149లో కూడా మార్పులు చేసింది. ఈ మార్పులు ద్వారా వినియోగదారులు అదనపు డేటాను ఎక్కువరోజులు పొందుతారని కంపెనీ తెలిపింది. దీంతో పాటు అన్ లిమిటెడ్ కాల్స్ , ఎసెమ్మెస్ లాంటి బెనిఫిట్స్ కూడా లభిస్తాయి. Airtel revised చేసిన ప్లాన్లపై ఓ లుక్కేయండి.

రూ. 399 ప్లాన్

ఇంతకు ముందు దీని వ్యాలిడిటీ 70 రోజుల వ్యాలిడిటీతో ఉంది. కాగా దీన్ని ఇప్పుడు 84 రోజుల వరకు వ్యాలిడిటీని ఇచ్చింది. ఈ ప్లాన్ ద్వారా యూజర్లు 84 రోజుల పాటు రోజుకు 1జిబి 3జి/4జి డేటాను పొందుతారు. అలాగే అపరిమిత లోకల్ , నేషనల్ కాల్స్ లభిస్తాయి. డైలీ 100 ఎసెమ్మెస్ లు ఉచితంగా లభిస్తాయి.

జియోకి గట్టి పోటీ

ఈ ప్లాన్ ఇప్పుడు జియోకి గట్టి పోటీనివ్వనుంది.జియో రూ.399 ప్లాన్ కూడా ఇదే రకమైన బెనిఫిట్స్ ని అందిస్తోంది. దీని వ్యాలిడిటీ మొత్తం 84 రోజులుగా ఉంది. అలాగే అపరిమిత లోకల్ , నేషనల్ కాల్స్ లభిస్తాయి.

రూ. 149 ప్లాన్

కాగా Airtel తన రూ. 149 ప్లాన్ లో కూడా మార్పులను చేర్పులను చేసింది. ఈ ప్లాన్లో యూజర్లు 28 రోజులు పాటు రోజుకు 1జిబి డేటా చొప్పున పొందుతారు. అలాగే అపరిమిత లోకల్ , నేషనల్ కాల్స్ లభిస్తాయి. డైలీ 100 ఎసెమ్మెస్ లు ఉచితంగా లభిస్తాయి.

ఎంపిక చేసిన ఏరియాల్లోనే..

అయితే ఈ ప్లాన్లు కేవలం ఎంపిక చేసిన ఏరియాల్లోనే అందుబాటులో ఉన్నాయి. ఆంధ్రప్రదేశ్ , తెలంగాణా రాష్ట్రాల్లో ఈ ప్లాన్ యూజర్లకి అందుబాటులో ఉన్నట్లు తెలుస్తోంది. కాగా ఈ ప్లాన్ కూడా జియో రూ.149కి గట్టిపోటీనిచ్చేందుకు రెడీ అయింది.

చాపకింద నీరులా ..

ఇప్పటికే ఈ రెండు టెలికాం దిగ్గజాల మధ్య టారిఫ్ పోరు తారాస్థాయికి చేరిన విషయం అందరికీ తెలిసిందే. ఈ రెండింటి మధ్య వార్ ఇలా ఉంటే మిగతా టెల్కోలు అయిన వొడాఫోన్, ఐడియా, బిఎస్ఎన్ఎల్ లాంటి సంస్థలు చాపకింద నీరులా తమ ప్లాన్లను విస్తరిస్తూ ఈ రెండు దిగ్గజాలకు సవాల్ విసిరుతున్నాయి.