రూ.9కే అపరిమిత కాల్స్, Airtel, వొడాఫోన్ సంచలనం

దేశీయ టెలికాంరంగంలో జియో ఆధిపత్యాన్ని అడ్డుకునేందుకు ప్రత్యర్థి కంపెనీలు ఎయిర్‌టెల్‌, ఐడియా లాంటి కంపెనీలు ఆకర్షణీయమైన ప్లాన్లతో ముందుకు వస్తున్నాయి.

By Hazarath Aiah

Published: Friday, June 1, 2018, 18:07 [IST]

దేశీయ టెలికాంరంగంలో జియో ఆధిపత్యాన్ని అడ్డుకునేందుకు ప్రత్యర్థి కంపెనీలు ఎయిర్‌టెల్‌, ఐడియా లాంటి కంపెనీలు ఆకర్షణీయమైన ప్లాన్లతో ముందుకు వస్తున్నాయి. అత్యంత తక్కువ ధరలో ఒకరోజు, రెండు రోజుల వ్యాలిడిటీలో ఈ సేవలు అందుబాటులో ఉన్నాయి. ఎయిర్‌టెల్, వొడాఫోన్ రూ.9కే అపరిమిత కాల్స్ అందిచేందుకు రెడీ అయ్యాయి. కాగా జియోలో ఈ ప్లాన్ ధర రూ. 19గా ఉంది. ప్లాన్ పూర్తి వివరాల్లోకెళితే..

వొడాఫోన్

వొడాఫోన్ చందాదారులు రోజుకు అపరిమిత స్థానిక , ఎస్టీడీ వాయిస్ కాల్స్‌, 100 ఎస్ఎంఎస్‌లు, 100ఎంబీ డేటానుపొందవచ్చు. అయితే కొత్త ప్యాక్ ప్రత్యేకంగా యుపి ఈస్ట్ లో వోడాఫోన్ చందాదారుల కోసం ఈప్లాన్‌ను తీసుకొచ్చింది. త్వరలో దేశ వ్యాప్తంగా తీసుకువచ్చే అవకాశం ఉంది.

ఎయిర్టెల్

9 రూపాయల ప్యాక్‌లో ఎయిర్టెల్ దేశవ్యాప్తంగా రోజుకు అన్‌లిమిటెడ్‌ కాలింగ్‌ 100ఎస్‌ఎంఎస్‌లు, 100ఎంబీ డేటాను అందిస్తోంది. దీని వ్యాలిడిటీ 1 రోజు మాత్రమే..

జియో

జియో రూ. 19 రోజువారీ ప్యాక్‌లో అపరిమిత వాయిస్ కాల్స్, 20 సందేశాలతోపాటు 150 ఎంబీ డేటాను ఆఫర చేస్తోంది. దీని వ్యాలిడిటీ 1 రోజు మాత్రమే..

మళ్లీ అదిరే డిస్కౌంట్లతో దూసుకొచ్చిన జియో

తన ప్రీపెయిడ్ ఖాతాదారులకు రిలయన్స్ జియో గుడ్‌న్యూస్ చెప్పింది. తన పాపులర్‌ ప్రీ పెయిడ్‌ ప్లాన్‌పై డిస్కౌంట్‌ను ప్రకటించింది.మరింత సమాచారం కొరకు క్లిక్ చేయండి.