ఎయిర్‌టెల్ స్టోర్లలో కొత్త ఐఫోన్లు, అమెజాన్ పే గిఫ్ట్ కార్డు

దేశీయ టెలికాం దిగ్గజం ఎయిర్‌టెల్ ఆపిల్ కంపెనీతో జతకట్టింది. ఆపిల్ కంపెనీ నుంచి కొత్తగా లాంచ్ అయిన ఐఫోన్లను కొనుగోలుదారులకు అఫర్ చేయనుంది.

Published: Monday, September 17, 2018, 14:43 [IST]

దేశీయ టెలికాం దిగ్గజం ఎయిర్‌టెల్ ఆపిల్ కంపెనీతో జతకట్టింది. ఆపిల్ కంపెనీ నుంచి కొత్తగా లాంచ్ అయిన ఐఫోన్లను కొనుగోలుదారులకు అఫర్ చేయనుంది. తన ఆన్‌లైన్‌ స్టోర్‌లో ఈ స్మార్ట్‌ఫోన్లను అందుబాటులో ఉంచనున్నట్టు ఎయిర్‌టెల్‌ ప్రకటించింది. 2018 సెప్టెంబర్‌ 28 నుంచి వీటిని అందించడం ప్రారంభిస్తామని పేర్కొంది. ఆసక్తి ఉన్నవారు స్టోర్ కెళ్లి ఐఫోన్‌ 10ఎస్‌, ఐఫోన్‌ 10ఎస్‌ మ్యాక్స్‌, ఐఫోన్‌ ఎక్స్‌ఆర్‌. సెప్టెంబర్‌ 21 నుంచి ఐఫోన్‌ 10ఎస్‌, ఐఫోన్‌ 10ఎస్‌ మ్యాక్స్‌ ప్రీ-ఆర్డర్‌ చేసుకోవచ్చు. అక్టోబర్‌ 19 నుంచి ఐఫోన్‌ ఎక్స్‌ఆర్‌ ను ప్రీ-ఆర్డర్‌ చేసుకోవచ్చని ఎయిర్‌టెల్‌ ప్రకటించింది.

గెలాక్సీ నోట్‌ 9, ఒప్పో ఎఫ్‌9 ప్రొ స్మార్ట్‌ఫోన్లు ..

ప్రస్తుతం శాంసంగ్‌ గెలాక్సీ నోట్‌ 9, ఒప్పో ఎఫ్‌9 ప్రొ స్మార్ట్‌ఫోన్లు ఎయిర్‌టెల్‌ ఆన్‌లైన్‌ స్టోర్‌లో అందుబాటులో ఉన్నాయి.

డౌన్‌ పేమెంట్‌తో ..

7900 రూపాయలు, 3915 రూపాయల డౌన్‌ పేమెంట్‌తో ఎయిర్‌టెల్‌ ఆన్‌లైన్‌ స్టోర్‌లో ఈ రెండు ఫోన్లను విక్రయిస్తోంది.

తన మొబైల్‌ కస్టమర్లకు..

ఎయిర్‌టెల్‌ తన మొబైల్‌ కస్టమర్లకు రూ.51 విలువైన స్పెషల్‌ అమెజాన్‌ పే గిఫ్ట్‌ కార్డును కూడా ఆఫర్‌ చేస్తోంది. మైఎయిర్‌టెల్‌ యాప్‌ ద్వారా ఈ డిజిటల్‌ గిఫ్ట్‌ కార్డును పొందాల్సి ఉంటుంది.