కనీస రీఛార్జ్ ప్లాన్‌ల ధరలను పెంచిన ఎయిర్‌టెల్ & వొడాఫోన్ ఐడియా

2019 చివరిలో భారతి ఎయిర్‌టెల్ తన కనీస రీఛార్జిని రూ.24గా ప్రకటించింది. ఇప్పుడు దీనికి రూ.45లకు పెంచింది. అంటే ఎయిర్‌టెల్ సంస్థ తన కనీస రీఛార్జ్ ప్యాక్‌పై సుమారు రూ.21లను పెంచింది. మరోకవైపు వోడాఫోన్ ఐడియా కనీస రీఛార్జ్ ప్లాన్ రూ.24 ప్లాన్ యొక్క వాలిడిటీ కాలాన్ని సగానికి తగ్గించింది. ప్రీపెయిడ్ యూజర్ ఒక నెలలో అన్ని రకాల ప్రయోజనాలను ఆస్వాదించడానికి రెండుసార్లు రీఛార్జ్ చేయాలి. కానీ ప్రస్తుతం అతిపెద్ద ప్రశ్న ఏమిటంటే? మీరు ఇప్పుడు కూడా వాటిని రీఛార్జ్ చేయాలా? వీటి గురించి మరిన్ని వివరాలు తెలుసుకోవడానికి ముందుకు చదవండి.

వోడాఫోన్ ఐడియా కనీస రీఛార్జ్ ప్లాన్‌లు

ప్రీపెయిడ్ టారిఫ్ ప్లాన్‌ల యొక్క తాజా సవరణ తరువాత టెల్కోలు కనీస రీఛార్జ్ ప్లాన్‌లను ఐదు నుండి రెండుకు తగ్గించాయి. ఎయిర్‌టెల్ స్మార్ట్ రీఛార్జ్ ప్లాన్‌ల ధరలు ప్రస్తుతం రూ.45, రూ.49 మరియు రూ.79 కాగా, వోడాఫోన్ ఐడియా యొక్క రూ.49, రూ.79 ఆల్ రౌండర్ ప్లాన్‌లు వరుసగా రూ.24. రూ.64 టాక్‌టైమ్, 200MB డేటా మరియు అన్ని వాయిస్ కాల్స్ నిమిషానికి 60 పైసలు వసూలు చేయబడతాయి. రూ .49 ప్లాన్‌లో రూ .38.52 టాక్‌టైమ్, 100 ఎంబి డేటా, వాయిస్ కాల్స్ ప్రామాణిక రేట్లకు వసూలు చేయబడతాయి. మరీ ముఖ్యంగా రెండు ప్లాన్‌లు 28 రోజుల వాలిడిటీతో వస్తాయి.

ఎయిర్‌టెల్ కనీస రీఛార్జ్ ప్లాన్‌లు

ఎయిర్‌టెల్ యొక్క రూ.45 స్మార్ట్ రీఛార్జ్ ప్లాన్ ఎటువంటి టాక్ టైమ్ మరియు డేటా బెనిఫిట్‌ను అందించదు. దానికి బదులుగా ఇది వినియోగదారులకు సెకనుకు 2.5 పైసలు చొప్పున 28 రోజుల వాలిడిటీతో వాయిస్ కాల్స్ చేయడానికి అనుమతిస్తుంది. మరొకవైపు వోడాఫోన్ ఐడియా రూ.24 ప్లాన్ వోచర్‌ను కలిగి ఉంది. ఇది 100 లోకల్ ఆన్-నెట్ నైట్ నిమిషాలను అందిస్తుంది. ఇది ప్రతి రోజు 11 PM మరియు 6 AM మధ్య ఉపయోగించబడుతుంది. ఈ ప్లాన్ కేవలం 14 రోజులు మాత్రమే చెల్లుతుంది. కాబట్టి వోడాఫోన్ ఐడియా వినియోగదారులు ఒకే నెలలో (28 రోజులు) రెండుసార్లు ఈ ప్లాన్‌తో రీఛార్జ్ చేయవలసి ఉంటుంది.

కనీస రీఛార్జ్ ప్రణాళికలు బేసిక్ వినియోగదారులకు ముఖ్యమైనవి

వోడాఫోన్ ఐడియా మరియు భారతి ఎయిర్‌టెల్ అన్‌లిమిటెడ్ ప్లాన్‌లు ఇప్పుడు రూ .149 వద్ద ప్రారంభమవుతాయి. ఇవి 2 జిబి డేటా, అపరిమిత వాయిస్ కాల్స్ మరియు పరిమిత ఎస్‌ఎంఎస్‌లతో 28 రోజుల వాలిడిటీతో వస్తాయి. కానీ నెలకు రూ.100 కంటే ఎక్కువ ఖర్చు చేయకూడదనుకునేవారికి ఉన్న ఏకైక ఎంపిక కనీస రీఛార్జ్ ప్లాన్‌లు. టెల్కోస్ రెండూ కూడా రూ.20, రూ.50, రూ.100 వంటి సరసమైన టాక్ టైమ్ ప్లాన్‌లను మళ్ళి తిరిగి తీసుకువచ్చాయి. కాని వాటిలో ఉన్న ప్రతికూలత ఏమిటంటే సర్వీస్ యొక్క చెల్లుబాటు సమయం లేకపోవడం.

రూ .49 కనీస రీఛార్జ్ ప్లాన్ చాలా మందికి అనువైన ఎంపిక. ఎందుకంటే ఇది అందిస్తున్న రూ.38.52 టాక్‌టైమ్ గడువు ముగిసిన తర్వాత యూజర్లు అందుబాటులో ఉన్న టాక్ టైమ్ ప్లాన్‌లైన రూ.20, రూ.50, రూ.100 లను ఉపయోగించుకోవచ్చు. వోడాఫోన్ ఐడియా 14 రోజుల చెల్లుబాటుతో రూ.129 వద్ద అపరిమిత ప్లాన్‌ను అందిస్తున్నది. అలాగే రిలయన్స్ జియో ఇంకా రూ.98 ధర వద్ద ఆఫ్-నెట్ నిమిషాలు లేకుండా అందిస్తోంది. బండిల్ ఆఫ్-నెట్ నిమిషాలతో రూ.98 ప్లాన్ ధర నెలకు రూ .129.

కాస్త ఎక్కువ డేటా ప్రయోజనం కోరుకునే వినియోగదారులకు రూ.79 ప్లాన్ ఖచ్చితంగా సరిపోతుంది. ప్రస్తుతానికి టెల్కోస్ కనీస రీఛార్జ్ ప్రణాళికలను రూ.145 మరియు రూ.245 తిరిగి తీసుకురావాలని లక్ష్యంగా పెట్టుకున్నాయి. ప్రస్తుతానికి ఎయిర్టెల్ మరియు వోడాఫోన్ ఐడియా యొక్క ప్రీపెయిడ్ వినియోగదారులందరికీ రూ.49 ప్లాన్ చాలా ముఖ్యమైనది.