Vi యొక్క ఈ ప్లాన్ ఎయిర్‌టెల్, జియో కంటే ఎంతో మెరుగ్గా ఉంది!!

భారతీ ఎయిర్‌టెల్ రూ .599 ప్లాన్

భారతీ ఎయిర్‌టెల్ అందించే రూ.599 ప్లాన్ యొక్క ఆఫర్‌ల విషయానికి వస్తే ఇది వినియోగదారులకు అపరిమిత వాయిస్ కాలింగ్, రోజుకు 100 SMS లు మరియు 2GB రోజువారీ డేటా ప్రయోజనాలను 56 రోజుల చెల్లుబాటు కాలానికి అందిస్తుంది. దీనికి అదనంగా అమెజాన్ ప్రైమ్ వీడియో మొబైల్ ఎడిషన్ ఒక నెల ట్రయల్, ఎయిర్‌టెల్ ఎక్స్‌స్ట్రీమ్ ప్రీమియం, వింక్ మ్యూజిక్, ఫ్రీ హెలోట్యూన్స్, ఒక సంవత్సరం షా అకాడమీ కోర్సు మరియు డిస్నీ+ హాట్ స్టార్ VIP యొక్క ఓవర్-ది-టాప్ (OTT) ప్రయోజనాలు ఉన్నాయి. వీటితో పాటుగా అదనంగా FASTag లావాదేవీలపై రూ.100 క్యాష్‌బ్యాక్ కూడా లభిస్తుంది.

రిలయన్స్ జియో రూ .599 ప్లాన్

రిలయన్స్ జియో యొక్క రూ.599 ప్లాన్ యొక్క ప్రయోజనాల విషయానికి వస్తే వినియోగదారులు ఎయిర్‌టెల్ ప్లాన్ లాగానే దాదాపు అదే ప్రయోజనాలను పొందుతారు. 2GB రోజువారీ డేటా, అపరిమిత వాయిస్ కాలింగ్ మరియు రోజుకు100 SMS లు వంటి ప్రయోజనాలు పొందుతారు. అయితే ఈ ప్లాన్ యొక్క వ్యాలిడిటీ ఎయిర్‌టెల్ ప్లాన్‌తో వినియోగదారులు పొందే 56 రోజులకు బదులుగా 84 రోజుల వాలిడిటీతో వస్తుంది. ఈ ప్లాన్ అదనంగా JioSecurity, JioTV, JioCloud, JioCinema మరియు JioNews సహా Jio అప్లికేషన్‌లతో కూడిన అదనపు ప్రయోజనాలు Jio యొక్క ప్లాన్‌తో అందించబడతాయి.

వొడాఫోన్ ఐడియా రూ .599 ప్లాన్

వోడాఫోన్ ఐడియా టెల్కో రూ.599 ధర వద్ద అందించే ప్లాన్‌ను 84 రోజుల చెల్లుబాటుతో వినియోగదారులకు అందిస్తుంది. కానీ ఇది 1.5GB రోజువారీ డేటాను అందిస్తుంది. ఇది Jio మరియు Airtel రెండూ తమ వినియోగదారులకు అందించే దానికంటే తక్కువ. ఇతర ప్రయోజనాలు ఒకే విధంగా ఉంటాయి. ఇది అపరిమిత వాయిస్ కాలింగ్ మరియు 100 SMS/రోజు పాటు Vi మూవీస్ & టీవీ యొక్క అదనపు ప్రయోజనంతో పాటుగా ఉంటుంది.

జియో మరియు ఎయిర్‌టెల్ ప్లాన్ కంటే వోడాఫోన్ ఐడియా యొక్క ఈ ప్లాన్ ఎలా బాగుంటుందని మీరు ఆలోచిస్తున్నారా?? Vi తన వినియోగదారులకు అందించే రెండు ప్రత్యేకమైన ఆఫర్ల కారణంగా ఇది మెరుగ్గా ఉంది. ఈ రెండు ఆఫర్లలో ఒకటి ‘డేటా రోలోవర్' కాగా మరొకటి ‘బింగే ఆల్ నైట్' ఆఫర్. డేటా రోల్‌ఓవర్ ఆఫర్ అనేది వినియోగదారులకు వారి అదనపు డేటాను వారం నుండి సేవ్ చేయడానికి వీలు కల్పిస్తుంది. తద్వారా వారు వీక్ ఎండ్ లో దీనిని ఉపయోగించవచ్చు. అలాగే బింగే ఆల్ నైట్ ఆఫర్‌తో వినియోగదారులు తమ రోజువారీ డేటా పరిమితిని ప్రభావితం చేయకుండా ప్రతిరోజూ 12 AM మరియు 6 AM మధ్య అపరిమిత డేటాను వినియోగించవచ్చు.