ఖాతాదారులకు ఎయిర్‌టెల్ దిమ్మతిరిగే షాక్ ఇచ్చింది

టెలికం విశ్లేషకులు ఆశ్చర్యం

ఎయిర్‌టెల్ నిర్ణయంపై టెలికం విశ్లేషకులు ఆశ్చర్యం వ్యక్తం చేశారు. టెల్కో తాజా నిబంధనల వల్ల ఎయిర్‌టెల్ ఖాతాదారులు మరో నెట్‌వర్క్‌కు మారే (పోర్టబులిటీ) అయ్యే అవకాశం ఉందని అంటున్నారు. రిలయన్స్ జియో రాకతో కుదేలైన టెలికం కంపెనీలు తమ ఖాతాదారులు చేజారిపోకుండా ప్లాన్లు ప్రకటిస్తున్న సమయంలో ఎయిర్‌టెల్ ఇలాంటి నిర్ణయం తీసుకోవడం ఖాతాదారులకు మింగుడుపడడం లేదు.

వొడాఫోన్ సంస్థ కూడా ఇదే నిర్ణయం

త్వరలోనే వొడాఫోన్ సంస్థ కూడా ఇదే నిర్ణయం తీసుకోబోతుందన్న ప్రచారం జరుగుతోంది. కానీ దీనికి సంబంధించి ఎటువంటి అధికారిక సమాచారం లేదు. అయితే ఎయిర్‌టెల్ తీసుకున్న ఈ నిర్ణయం ఆ సంస్థకే చేటు చేస్తుందని నిపుణులు అభిప్రాయపడుతున్నారు.మరింతమంది ఎయిర్‌టెల్ కస్టమర్స్ జియో వైపు మళ్లే అవకాశం ఉందంటున్నారు.

వింక్ మ్యూజిక్ యాప్ ద్వారా ఉచిత కాలర్ ట్యూన్స్

అయితే షాక్ ఇస్తూనే మరో శుభవార్తను అందించింది. జియో ఉచిత కాలర్ ట్యూన్స్‌ నేపథ్యంలో ఎయిర్‌టెల్ కూడా వారి కస్టమర్లకు ఉచితంగానే కాలర్ ట్యూన్స్ అందిస్తోంది. దీంతో ఎయిర్‌టెల్ సబ్‌స్క్రైబర్లు నచ్చిన పాటను కాలర్ ట్యూన్‌గా పెట్టుకోవచ్చు. ఎయిర్‌టెల్‌కు చెందిన యూజర్లు వింక్ మ్యూజిక్ యాప్ ద్వారా ఉచిత కాలర్ ట్యూన్స్ పొందొచ్చు. హెలో ట్యూన్స్ మార్చుకోవచ్చు. వింక్ యాప్‌లో 15 భాషలకు చెందిన 10 లక్షల పాటలు ఉన్నాయి.

వింక్ మ్యూజిక్ యాప్‌ను డౌన్‌లోడ్

యూజర్ల ఉచిత కాలర్ ట్యూన్ కావాలని భావిస్తే వింక్ మ్యూజిక్ యాప్‌ను డౌన్‌లోడ్ చేసుకోవాలి. గూగుల్ ప్లేస్టోర్‌కు వెళ్లి ఇన్‌స్టాల్ చేసుకోండి. ఎయిర్‌టెల్ యూజర్లు వింక్ మ్యూజిక్ యాప్‌ను ఓపెన్ చేయగానే ఉచిత హెలో ట్యూన్స్‌కు సంబంధించిన పాపప్ మెసేజ్ వస్తుంది. దీని సాయంతో ఫ్రీ కాలర్‌ ట్యూన్ సెట్ చేసుకోవచ్చు. అలాగే కాలర్ ట్యూన్‌ మార్చుకోవచ్చు.