Amazon Primeకు ఉచిత యాక్సిస్ అందిస్తున్న ఎయిర్‌టెల్ ఎక్స్‌స్ట్రీమ్ బ్రాడ్‌బ్యాండ్ ప్లాన్‌లు

Published: Friday, October 9, 2020, 12:19 [IST]

ఎయిర్‌టెల్ సంస్థ బ్రాడ్‌బ్యాండ్ రంగంలోకి ప్రవేశించినప్పటి నుండి వినియోగదారులను ఆకట్టుకోవడానికి కొన్ని అద్భుతమైన బ్రాడ్‌బ్యాండ్ ప్లాన్లను అందిస్తున్నది. గత నెలలో సంస్థ తన అన్ని బ్రాడ్‌బ్యాండ్ ప్లాన్లపై అపరిమిత డేటాను అందించే అద్భుతమైన చర్యను ప్రకటించింది. సంస్థ యొక్క బేస్ ప్యాక్ లేదా హై-స్పీడ్ ప్యాక్‌లను కొనుగోలు చేసినా కూడా వినియోగదారులకు అపరిమిత డేటా ప్రయోజనం లభిస్తుంది. పండుగ సీజన్‌కు ముందు ఎయిర్‌టెల్ జనాదరణ పొందిన 100Mbps ప్లాన్‌తో సహా అన్ని ప్లాన్‌లతో మరిన్ని OTT ప్రయోజనాలను ఉచితంగా అందించడానికి బ్రాడ్‌బ్యాండ్ ఆపరేటర్ ఇప్పుడు మరోసారి తన ప్లాన్‌లను సవరించింది. దీని గురించి మరిన్ని వివరాలు తెలుసుకోవడానికి ముందుకు చదవండి.

ఎయిర్‌టెల్ బ్రాడ్‌బ్యాండ్ కొత్త అప్ డేట్

ఆన్ లైన్ లో లీక్ అయిన కొన్ని నివేదికల ప్రకారం ఎయిర్టెల్ సంస్థ తన ఎక్స్‌స్ట్రీమ్ బ్రాడ్‌బ్యాండ్ ప్లాన్‌లను మరోసారి సవరించింది. సంస్థ అందిస్తున్న రెండు బేస్ ప్లాన్‌లు కూడా హై-స్పీడ్ ప్లాన్‌లకు సమానమైన అధిక ప్రయోజనాలను అందిస్తున్నాయి. అమెజాన్ ప్రైమ్, ఎయిర్‌టెల్ ఎక్స్‌స్ట్రీమ్ యాప్ వంటి మరిన్ని సర్వీసులకు ఉచిత యాక్సిస్ ను అందిస్తున్నట్లు నివేదికలు పేర్కొన్నాయి. అయితే 200Mbps మరియు దానికి మించిన హై-స్పీడ్ ప్లాన్‌ల యొక్క ప్రయోజనాలలో ఎటువంటి మార్పులను చేయలేదు.

ఎయిర్‌టెల్ ఎక్స్‌స్ట్రీమ్ రూ.589 ప్లాన్ OTT ప్రయోజనాలు

స్థానిక కేబుల్ ఆపరేటర్ల భాగస్వామ్యంతో ఎక్స్‌స్ట్రీమ్ సేవలను అందించే నగరాలలో ప్లాన్‌ల మార్పులను ఎయిర్‌టెల్ స్పష్టం చేసింది. అన్ని నగరాలలో రూ.589, రూ.1,099 ప్లాన్లు అందుబాటులో లేవు. రూ.799 స్టాండర్డ్ ప్లాన్ మునుపటి మాదిరిగానే అన్ని ప్రయోజనాలను అందిస్తుంది. ఎల్‌సిఓ ద్వారా ఎయిర్‌టెల్ ఎక్స్‌స్ట్రీమ్ అందుబాటులో ఉన్న నగరాలలో 589 రూపాయల బేస్ ప్లాన్ ప్రస్తుతం 40Mbps వేగంతో అపరిమిత డేటాను అందిస్తుంది. ఈ ప్లాన్‌ షా అకాడమీ, VIP సర్వీస్ మరియు ఫాస్ట్ ట్యాగ్‌కు ఉచిత చందాను అందిస్తుంది. వీటితో పాటుగా ఈ ప్లాన్ ఎయిర్‌టెల్ ఎక్స్‌ట్రీమ్ యాప్ యొక్క అన్ని సేవలకు ఉచిత యాక్సిస్ ను కలిగి ఉంటుంది.

ఎయిర్‌టెల్ ఎక్స్‌స్ట్రీమ్ ప్లాన్ - అమెజాన్ ప్రైమ్ ఫ్రీ యాక్సిస్

1,099 రూపాయల ధర వద్ద లభించే వేగవంతమైన బ్రాడ్‌బ్యాండ్ ప్లాన్ కూడా బేస్ ప్లాన్ అందించే అన్ని రకాల ప్రయోజనాలను అందిస్తుంది. అయితే ఈ ప్రయోజనాలతో పాటుగా అమెజాన్ ప్రైమ్ చందాను కూడా అందిస్తుంది. ఈ ప్లాన్ 100Mbps వేగంతో అపరిమిత డేటాను అందిస్తుంది. ఈ OTT చందాలతో పాటుగా చందాదారులు అపరిమిత లోకల్ మరియు ఎస్టీడీ కాల్స్ ప్రయోజనం కూడా అదనంగా పొందుతారు.

అమెజాన్‌ ప్రైమ్ యాక్సిస్ ఉపయోగం

అమెజాన్‌ ప్రైమ్ సభ్యులకు అమెజాన్‌లో దేనినైనా కొనుగోలు చేయడానికి ఉచిత డెలివరీతో పాటుగా అమ్మకాల సమయంలో ముందస్తు యాక్సిస్ కూడా లభిస్తుంది. అలాగే ఈ ప్రైమ్ చందాలో ప్రైమ్ వీడియోకు కూడా యాక్సిస్ లభిస్తుంది. అంటే ఇది అనేక రకాలైన ఒరిజినల్ షోలకు యాక్సిస్ లభిస్తుంది. ప్రైమ్ చందాదారులు అధిక-నాణ్యత స్ట్రీమింగ్ వద్ద ప్రకటనలు లేకుండా ప్రైమ్ మ్యూజిక్‌కు కూడా ఉచిత యాక్సిస్ ను పొందుతారు. జనాదరణ పొందిన మొబైల్ గేమ్ లతో సభ్యులు ఉచితంగా గేమ్ కంటెంట్‌ను పొందుతారు.