జియో రూ. 52 ప్లాన్‌కి రూ 49తో షాకిచ్చిన ఎయిర్‌టెల్

దేశంలో దూసుకుపోతున్న రిలయన్స్ జియోకు పోటీగా టెలికాం సంస్థ ఎయిర్‌టెల్ తన ప్రీపెయిడ్ కస్టమర్ల కోసం మరో కొత్త ప్లాన్‌ను లాంచ్ చేసింది.

By Hazarath

Published: Monday, December 18, 2017, 17:04 [IST]

దేశంలో దూసుకుపోతున్న రిలయన్స్ జియోకు పోటీగా టెలికాం సంస్థ ఎయిర్‌టెల్ తన ప్రీపెయిడ్ కస్టమర్ల కోసం మరో కొత్త ప్లాన్‌ను లాంచ్ చేసింది. కేవలం రూ.49కే 1జీబీ 4జీ మొబైల్ డేటాను వినియోగదారులకు అందిస్తోంది. అయితే ఈ ప్యాక్ వ్యాలిడిటీ ఒక రోజు మాత్రమే.

దీంతో పాటు రూ.99 పేరిట మరో ప్లాన్ యూజర్లకు లభిస్తోంది. దీని వ్యాలిడిటీ 5 రోజులు. అయితే ఈ రెండు ప్లాన్‌లను వినియోగదారులు మై ఎయిర్‌టెల్ యాప్‌లో ఆఫర్స్ అనే విభాగంలో ఎంచుకుని వాటిని రీచార్జి చేసుకోవాల్సి ఉంటుంది.

ఇక జియోలో రూ.52కే 1.05 జీబీ డేటా లభిస్తుండగా, ఈ ప్లాన్ వాలిడిటీ 7 రోజులుగా ఉంది. ఈ క్రమంలోనే ఈ ప్లాన్‌కు పోటీగా ఎయిర్‌టెల్ కొత్తగా రూ.49 ప్లాన్‌ను లాంచ్ చేసింది. ఎయిర్‌టెల్ పూర్తి ప్లాన్లపై ఓ లుక్కేయండి.