అలీబాబా అధినేత నుంచి షాకింగ్ న్యూస్, బిల్ గేట్స్ బాటలో..

దాతృత్వంపై మరింత దృష్టి..

ఇటీవల దాతృత్వంపై మరింత దృష్టి కేంద్రీకరించడంపై ఆలోచిస్తున్నానంటూ, మైక్రోసాఫ్ట్ అధిపతి, దాత బిల్ గేట్స్‌ను ఉదాహరణగా పేర్కొన్న జాక్‌ చివరికి అన్నంత పనీ చేశారు.

భవిష్యత్‌ సమయాన్ని ఇక విద్యకే..

విద్య అంటే తనకు అమితమైన ప్రేమ అని అందుకే తన భవిష్యత్‌ సమయాన్ని ఇక విద్యకే కేటాయిస్తానని పేర్కొన్నారు. ఇది ముగింపు కాదని మరో కొత్త శకానికి నాంది అని చైనీస్ బిలియనీర్ జాక్‌ మా వ్యాఖ్యానించారు.

అమెజాన్, గూగుల్ లాంటి సంస్థల గుండెల్లో..

అలీబాబా, టెన్సెంట్, బైడు, జెడి.కామ్‌ సంస్థలను తన ఆధ్వర్యంలో లాభాల దౌడు తీయించి, అమెరికన్‌ సంస్థలు అమెజాన్, గూగుల్ లాంటి సంస్థల గుండెల్లో జాక్ రైళ్లను పరిగెత్తించారు.

అమ్మకాలలో 60 శాతం పురోగతి ..

గత నెల వెల్లడించిన ఆలీబాబా త్రైమాసిక ఫలితాల్లో లాభాలు పడిపోయినప్పటికీ, అమ్మకాలలో 60 శాతం పురోగతి సాధించింది. కంపెనీ వార్షిక ఆదాయం సుమారు 40బిలియన్ డాలర్లుగా నమోదైంది.

54వ సంవత్సరంలోకి

మరోవైపు చైనాలో టీచర్స్‌డేగా వ్యవహరించే (సెప్టెంబరు10, సోమవారం) ఆయన 54వ సంవత్సరంలో అడుగుపెట్టబోతున్నారు.

50వ పడిలో..

చైనా వ్యాపార దిగ్గజాలు 50వ పడిలో పదవికి రాజీనామా చేయడం చాలా అరుదని ఎనలిస్టులు చెబుతున్నారు.

ఇంగ్లీష్‌ టీచర్‌గా కెరీర్ ప్రారంభం

మల్టీబిలియన్ డాలర్ల ఇంటర్నెట్ దిగ్గజం ఆవిష్కారానికి ముందు జాక్‌ ఇంగ్లీష్‌ టీచర్‌గా పనిచేశారు.

17మందితో కలిసి..

1999లోమరో 17మందితో కలిసి ప్రపంచంలో అత్యంత ప్రభావవంతమైన ఇ-కామర్స్, డిజిటల్ చెల్లింపుల సంస్థ ఆలీబాబాకు ప్రాణం పోశారు జాక్‌ మా. కాగా ఈ వార్తలపై జాక్‌మా అధికారిక ప్రకటన చేయాల్సి ఉంది.