ఈ కామర్స్ దిగ్గజాలకు ఆలీబాబా ఝలక్, కొత్త మోడల్‌తో బరిలోకి

By Gizbot Bureau
|

చైనా ఈ-కామర్స్‌, ఇంటర్నెట్‌, టెక్నాలజీ, రిటైల్‌, ఇన్వె్‌స్టమెంట్‌ దిగ్గజం ఆలీబాబా గ్రూప్‌ తాజాగా భారత ఈ-కామర్స్‌ వ్యాపార విభాగంలో ప్రవేశించాలని యోచిస్తోంది. అనుబంధ సంస్థ యూసీవెబ్ ద్వారా ఈ ఆర్థిక సంవత్సరంలోనే వ్యాపార కార్యకలాపాలు ప్రారంభించాలని భావిస్తోంది. ఈ-కామర్స్‌లో వినూత్న వ్యాపార మోడల్‌తో భారత్‌లోకి ప్రవేశించాలని అనుకుంటున్నట్లు యూసీవెబ్‌ గ్లోబల్‌ బిజినెస్‌ వైస్‌ ప్రెసిడెంట్‌ హువైయువాన్‌ యాంగ్‌ తెలిపారు. అయితే, ఆలీబాబాకు భారత ఈ-కామర్స్‌ వ్యాపారంలో ఉన్న పేటీఎంలో 30.15 శాతం, స్నాప్‌డీల్‌లోనూ 3 శాతం వాటా ఉంది.

ఈ కామర్స్ దిగ్గజాలకు ఆలీబాబా ఝలక్, కొత్త మోడల్‌తో బరిలోకి

 

ఈ-కామర్స్‌ విభాగంలోకి తమ ఎంట్రీతో పేటీఎంపై ఎలాంటి ప్రతికూల ప్రభావం ఉండబోదని ఆయన చెప్పారు. ఈ-కామర్స్‌ చాలా విస్తృతమైనదని, తమకు అనుకూల వ్యాపార భాగస్వాములతో.. తగిన ఉత్పత్తుల విభాగాలను ఎంచుకుంటామని, పేటీఎంతో పోటీ పడబోమని యాంగ్ చెప్పారు. భారత్‌లో ఆన్‌లైన్‌ మూవీ టికెటింగ్‌ సేవల్లోకి ప్రవేశించే ఆలోచన ఉందని యాంగ్‌ వెల్లడించారు. దీంతో పాటుగా యూసీవెబ్‌ ఆన్‌లైన్లో సినిమాల విక్రయం కూడా ప్రారంభించే యోచనలో ఉన్నట్లు యాంగ్ చెప్పారు. యూసీవెబ్‌నకు చెందిన యూసీ బ్రౌజర్‌ 2009 నుంచి భారత్‌లో అందుబాటులో ఉంది. యూసీవెబ్ వర్గాల ప్రకారం ప్రపంచవ్యాప్తంగా (చైనా మినహా) 110 మంది యూజర్లు ఈ బ్రౌజర్‌ను డౌన్‌లోడ్ చేసుకోగా, ఇందులో సగభాగం యూజర్లు భారత్ నుంచే ఉన్నారు.

ఈ కామర్స్ దిగ్గజాలకు ఆలీబాబా ఝలక్, కొత్త మోడల్‌తో బరిలోకి

ఆలీబాబా రంగ ప్రవేశంతో భారత ఈ-కామర్స్‌లో పోటీ మరింత తీవ్రతరమయ్యే అవకాశం ఉంది. ఇప్పటికే ఫ్లిప్‌కార్ట్‌ను కొనుగోలు చేసిన వాల్‌మార్ట్‌, అమెరికన్‌ ఈ-కామర్స్‌ కంపెనీ అమెజాన్‌ మధ్య పోటీ నువ్వా, నేనా అన్నట్లు ఉంది. పేటీఎం మాల్‌, స్నాప్‌డీల్‌ కూడా ఆన్‌లైన్‌ మార్కెట్‌పై పట్టుకోసం ప్రయత్నాలు చేస్తున్నాయి. ఇదిలా ఉంటే.. దేశీయ పారిశ్రామిక దిగ్గజం ముకేశ్‌ అంబానీ సైతం ఈ-కామర్స్‌లోకి పూర్తి స్థాయి ప్రవేశ ప్రయత్నాల్లో ఉన్నారు. ఇక ఆలీబాబా కూడా రంగంలోకి దిగితే పోటీ పోటెత్తవచ్చని మార్కెట్‌ వర్గాలంటున్నాయి.భారత ఈ-కామర్స్‌లో పోటీ రానురాను తీవ్రతరం అవుతుండటంతో అమెజాన్‌ తన వ్యూహాన్ని మార్చుకుంటోంది. ముకేశ్‌ అంబానీకి చెందిన రిలయన్స్‌ రిటైల్‌, వాల్‌మార్ట్‌కు చెందిన ఫ్లిప్‌కార్ట్‌కు గట్టిపోటీనిచ్చేందుకు ఆన్‌లైన్‌తోపాటు ఆఫ్‌లైన్‌ విస్తరణపైనా కంపెనీ దృష్టిసారించిందిప్పుడు. ఈమధ్య కాలంలో ఫ్యూచర్‌ రిటైల్‌, మోర్‌, షాపర్స్‌ స్టాప్‌లో వాటా కొనుగోలు చేయడం కూడా ఈ వ్యూహంలో భాగంగా తెలుస్తోంది. తన అంతర్జాతీయ ప్రైవేట్‌ లేబుల్‌ బ్రాండ్‌ 'అమెజాన్‌ బేసిక్స్‌’ను ఆఫ్‌లైన్‌లోనూ అందుబాటులోకి తెచ్చే ప్రయత్నాల్లో ఉన్నట్లు తెలుస్తోంది.

Most Read Articles
Best Mobiles in India

English summary
Alibaba’s UCWeb plans foray into e-commerce in India this fiscal

ఉత్తమ ఫోన్లు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more