రూ.399కే 20+ ఓటీటీలు, 300+ లైవ్ టీవీ ఛానెల్స్.. డోర్ ప్లే యాప్‌తో మామూలుగా ఉండదు..

Dor Play app: సినిమాలు, టీవీ షోలు, లైవ్ స్పోర్ట్స్ చూడటం ఇకపై మరింత సులభం, చవక కానుంది. డోర్ ప్లే అనే సరికొత్త స్ట్రీమింగ్ యాప్ ఇండియాలో లాంచ్ అయింది. ఈ యాప్ ద్వారా 20కి పైగా ఓటీటీ ప్లాట్‌ఫామ్స్‌తో పాటు 300లకు పైగా లైవ్ టీవీ ఛానెల్స్‌ను ఒకే చోట చూడొచ్చు. ఇంకా చెప్పాలంటే, ఇది కేవలం రూ.399కే మూడు నెలల పాటు వ్యాలిడిటీతో రావడం విశేషం.

ఇది చవకైన ఎంటర్‌టైన్‌మెంట్ ప్లాన్ అని చెప్పొచ్చు. స్ట్రీమ్‌బాక్స్ మీడియా సంస్థ డోర్ ప్లే యాప్‌ను అభివృద్ధి చేసింది. వేర్వేరు స్ట్రీమింగ్ ప్లాట్‌ఫామ్స్‌కు విడివిడిగా డబ్బులు కట్టాల్సిన అవసరం లేకుండా, ఒకే యాప్‌లో అన్నీ చూడొచ్చు. డోర్ ప్లే యాప్ ఆండ్రాయిడ్, iOS యూజర్లకు అందుబాటులో ఉంది. మొబైల్ యూజర్లెవరైనా ఈ యాప్‌లో కంటెంట్ చూడొచ్చు.

* డోర్ ప్లే ధర, లభ్యత

డోర్ ప్లే సబ్‌స్క్రిప్షన్ ధర మూడు నెలలకు కేవలం రూ.399 మాత్రమే. ప్రస్తుతం ఇది స్మార్ట్‌ఫోన్లలో మాత్రమే అందుబాటులో ఉంది. గూగుల్ ప్లే స్టోర్ (Android), యాప్ స్టోర్ (iOS) నుంచి డౌన్‌లోడ్ చేసుకోవచ్చు. సబ్‌స్క్రిప్షన్ తీసుకోవాలంటే, ముందుగా ఫ్లిప్‌కార్ట్‌లో ప్లాన్ కొనుగోలు చేయాలి. తర్వాత ఒక కూపన్ కోడ్ వస్తుంది.

డోర్ ప్లే యాప్ డౌన్‌లోడ్ చేసుకుని, కూపన్ కోడ్ ఎంటర్ చేసి, రిజిస్టర్డ్ మొబైల్ నంబర్ ఇవ్వడం ద్వారా సబ్‌స్క్రిప్షన్ యాక్టివేట్ చేసుకోవచ్చు. డోర్ ప్లే ఫీచర్ల విషయానికొస్తే.. డోర్ ప్లే యాప్ స్ట్రీమింగ్‌ను చాలా సింపుల్‌గా, కన్వీనియెంట్‌గా మార్చేలా రూపొందించారు. ఇందులో చాలా ఫీచర్లు ఉన్నాయి.

* ఫీచర్లు

3-నెలలు 20+ ఓటీటీ ప్లాట్‌ఫామ్స్ & 300+ లైవ్ టీవీ ఛానెల్స్‌కు ఇది ఫ్రీ యాక్సెస్ అందిస్తుంది. సినిమాలు, వెబ్ సిరీస్‌లు, లైవ్ స్పోర్ట్స్, రియాలిటీ షోలు.. ఇలా చాలా రకాల కంటెంట్‌ను ఒకే యాప్‌లో చూడొచ్చు. వివిధ స్ట్రీమింగ్ ప్లాట్‌ఫామ్స్ కోసం వేర్వేరు యాప్స్‌లోకి వెళ్లాల్సిన అవసరం ఉండదు.

యూనివర్సల్ సెర్చ్ దీనిలోని మరో ప్రత్యేకత. ఈ సెర్చ్ ఆప్షన్‌తో అన్ని ప్లాట్‌ఫామ్స్‌లో మీకు కావాల్సిన కంటెంట్ కోసం ఒకే చోట వెతకవచ్చు. ప్రతి సర్వీస్‌లో విడివిడిగా సెర్చ్ చేయాల్సిన అవసరం లేదు. అంతేకాదు, లేటెస్ట్, పాపులర్ షోలు, సినిమాలు, ఈవెంట్స్ గురించి ఎప్పటికప్పుడు తెలుసుకోవచ్చు.

స్మార్ట్ ఫిల్టర్స్ ఫీచర్ కూడా ఉంటుంది. మీ మూడ్, జానర్ లేదా మీకు ఇష్టమైన నటీనటుల ఆధారంగా కంటెంట్ వెతుక్కోవచ్చు. మీరు పాత రోజులు గుర్తు తెచ్చుకోవాలనుకున్నా, సాహసాలు చూడాలనుకున్నా, లేదా కామెడీ చూడాలనుకున్నా, డోర్ ప్లే మీకు పర్ఫెక్ట్ షో లేదా మూవీని చూపిస్తుంది.

* డోర్ టీవీ, స్మార్ట్ టీవీలు

స్ట్రీమ్‌బాక్స్ మీడియా సంస్థ గతంలోనే డోర్ టీవీ ఓఎస్ అనే సబ్‌స్క్రిప్షన్ ఆధారిత టీవీ సర్వీస్‌ను కూడా తీసుకొచ్చింది. అంతేకాదు, 2024, నవంబర్‌లో డోర్ QLED స్మార్ట్ టీవీలను కూడా విడుదల చేసింది, వాటిల్లో స్ట్రీమింగ్ ఫీచర్లు కూడా ఉన్నాయి. డోర్ ప్లే తక్కువ ధరలో, ఎలాంటి ఇబ్బంది లేకుండా వినోదం పొందడానికి బెస్ట్ ఆప్షన్.

ఒకే సబ్‌స్క్రిప్షన్‌తో చాలా ఓటీటీలు, లైవ్ టీవీ ఛానెల్స్ చూడొచ్చు. వేర్వేరు యాప్స్‌కు ఎక్కువ డబ్బులు పెట్టాల్సిన అవసరం లేదు. కేవలం రూ.399కే మూడు నెలలు అంటే, ఇది నిజంగా ఇండియాలో బెస్ట్ స్ట్రీమింగ్ డీల్స్‌లో ఒకటి. మరి మీరు డోర్ ప్లే ట్రై చేస్తారా?