అమెజాన్‌ గ్రేట్‌ ఫ్రీడమ్‌ ఫెస్టివల్‌ సేల్‌ 2024 ప్రారంభం.. ఈ స్మార్ట్‌ఫోన్‌లపై భారీ తగ్గింపు ధరలు..!

అమెజాన్‌ గ్రేట్‌ ఫ్రీడమ్‌ ఫెస్టివల్‌ సేల్‌ 2024 (Amazon Great Freedom Festival Sale 2024) ప్రారంభం అయింది. అయితే ప్రస్తుతం ప్రైమ్‌ మెంబర్లకు మాత్రమే ఈ సేల్‌లో పాల్గొనే అవకాశం ఉండగా.. ఇవాళ మధ్యాహ్నం 12 గంటల నుంచి అందరూ ఈ సేల్‌లో పాల్గొనవచ్చు. ఈ సేల్‌ ఆగస్టు 11 వరకు జరగనుంది. ఈ సేల్‌లో భాగంగా SBI క్రెడిట్‌ కార్డు ద్వారా కొనుగోలు చేస్తే 10 శాతం తగ్గింపును పొందవచ్చు. ఈ సేల్‌లో భాగంగా స్మార్ట్‌ఫోన్‌లు, ల్యాప్‌టాప్‌, అమెజాన్‌ డివైస్‌ సహా ఇతర ఎలక్ట్రానిక్‌ పరికరాలను డిస్కౌంట్‌ ధరలకు కొనుగోలు చేయవచ్చు.

ప్రస్తుతం ఈ సేల్‌లో భాగంగా అనేక స్మార్ట్‌ఫోన్‌లను భారీ తగ్గింపు ధరకు కొనుగోలు చేయవచ్చు. ఈ జాబితాలో వన్‌ప్లస్‌ నార్డ్‌ CE 4 లైట్‌, వన్‌ప్లస్‌ నార్డ్‌ 4 5G, శాంసంగ్‌ గెలాక్సీ S21 FE 5G, ఐఫోన్‌ 13 హ్యాండ్‌సెట్‌లతోపాటు ఇతర ల్యాప్‌టాప్‌లను కూడా తక్కువ ధరకు కొనుగోలు చేయవచ్చు. వీటితోపాటు అనేక ఉత్పత్తులను కూడా డిస్కౌంట్‌ ధరలకు సొంతం చేసుకోవచ్చు.

ఐఫోన్‌ 13 : ఈ అమెజాన్ సేల్‌లో భాగంగా ఐఫోన్‌ 13 హ్యాండ్‌సెట్‌ను బ్యాంకు ఆఫర్లతో కలిపి రూ.47,799 కే కొనుగోలు చేయవచ్చు. ఈ ఫోన్‌ను నో కాస్ట్‌ EMI ప్రయోజనాలను కూడా పొందవచ్చు. దీంతోపాటు ఎక్స్చేంజీ ద్వారా మరింత తగ్గింపును పొందవచ్చు.

వన్‌ప్లస్‌ నార్డ్ CE 4 లైట్‌ : ఈ స్మార్ట్‌ఫోన్‌ సాధారణ ధర రూ.19,999 ఉండగా ఈ సేల్‌లో భాగంగా బ్యాంకు ఆఫర్లు, కూపన్‌ కోడ్‌ ద్వారా రూ.16,999 కే సొంతం చేసుకోవచ్చు. ఈ స్మార్ట్‌ఫో్‌ 50MP సోనీ LTE-600 ప్రైమరీ కెమెరా, 80W సూపర్‌వూక్‌ ఫాస్ట్‌ ఛార్జింగ్‌ సపోర్టుతో 5500mAh బ్యాటరీపైన పనిచేస్తుంది.

వన్‌ప్లస్‌ నార్డ్‌ 4 5G : అమెజాన్ సేల్‌లో భాగంగా బ్యాంకు ఆఫర్‌లతో కలిపి ఈ హ్యాండ్‌సెట్‌ను రూ.27,999 కే కొనుగోలు చేయవచ్చు. ఈ స్మార్ట్‌ఫోన్‌ 100W సూపర్‌ వూక్‌ ఛార్జింగ్‌ సపోర్టుతో 5500mAh బ్యాటరీపైన పనిచేస్తుంది. దీంతోపాటు స్నాప్‌ డ్రాగన్‌ 7+ జెన్‌ 3 చిప్‌సెట్‌ పైన పనిచేస్తుంది. దీంతోపాటు ఈ హ్యాండ్‌సెట్‌ AI ఆధారిత ఫీచర్లను కలిగి ఉంది.

ఐకూ Z9 లైట్‌ 5G : ఈ అమెజాన్‌ సేల్‌లో భాగంగా ఈ ఐకూ స్మార్ట్‌ఫోన్‌ ను రూ.10,000 కంటే తక్కువ ధరకే కొనుగోలు చేయవచ్చు. బ్యాంకు ఆఫర్లతో కలిపి రూ.9999 కే సొంతం చేసుకోవచ్చు. ఈ హ్యాండ్‌సెట్ 50MP ప్రైమరీ కెమెరాలను కలిగి ఉంది. మరియు మీడియాటెక్‌ డైమెన్సిటీ 6300 5G SoC చిప్‌సెట్‌ పైన పనిచేస్తోంది.

శాంసంగ్‌ గెలాక్సీ S21 FE 5G : అమెజాన్‌ గ్రేట్‌ ఫ్రీడమ్‌ ఫెస్టివల్‌ సేల్‌ 2024 లో భాగంగా బ్యాంకు ఆఫర్లతో కలిపి ఈ హ్యాండ్‌సెట్‌ ను రూ.24,999 కే కొనుగోలు చేయవచ్చు. ఈ హ్యాండ్‌ సెట్ సాధారణ ధర రూ.28,999 గా ఉంది. స్నా్ప్‌ డ్రాగన్‌ 888 SoC చిప్‌సెట్‌ పైన పనిచేస్తుంది.