అమెజాన్ సేల్‌లో SBI ఆఫర్లతో ఫోన్ ధరలు భారీగా తగ్గుతాయా? తక్కువ ధరకే కొనడానికి ఈ ట్రిక్స్ వాడండి!

అమెజాన్ ప్రతిష్టాత్మక 'గ్రేట్ ఇండియన్ ఫెస్టివల్' సేల్ 2026 అక్టోబర్ 8న ప్రారంభం కానుంది. స్టేట్ బ్యాంక్ ఆఫ్ ఇండియా (SBI) క్రెడిట్ కార్డ్‌లు, డెబిట్ కార్డ్‌లు, EMI లావాదేవీలపై 10 శాతం తక్షణ డిస్కౌంట్ అందిస్తున్నట్లు అమెజాన్ స్పష్టం చేసింది. అంతేకాకుండా, ప్రైమ్ సభ్యులు ఎంపిక చేసిన డీల్స్‌పై 10 శాతం వరకు అదనపు పొదుపు పొందవచ్చు. మీరు కొత్త స్మార్ట్‌ఫోన్ కొనాలని చూస్తున్నట్లయితే.. బ్యాంక్ ఆఫర్‌లు, నో-కాస్ట్ EMIలు, ఎక్స్చేంజ్ ఆఫర్‌లు, కూపన్‌లను ఒకదానిపై ఒకటి అప్లై చేస్తూ గరిష్ట తగ్గింపు పొందేలా ఇప్పుడే ప్లాన్ చేసుకోండి.

ఫెస్టివల్ సేల్ సమయంలో SBI ఆఫర్‌లు ఎలా ఉండబోతున్నాయో ప్రస్తుత ఆఫర్ విధానం స్పష్టం చేస్తోంది. ఈ ఆఫర్ కార్పొరేట్, పేటీఎం SBI, ఫ్లిప్‌కార్ట్ SBI, క్యాష్‌బ్యాక్ SBI కార్డ్‌లకు వర్తించదు. అలాగే UPI ద్వారా చేసే RuPay చెల్లింపులకు కూడా ఈ డిస్కౌంట్ లభించదు. EMI లావాదేవీలపై 10 శాతం తగ్గింపునకు సంబంధించి ప్రతి లావాదేవీపై పరిమితి, అలాగే కార్డ్‌పై గరిష్ట లిమిట్ ఉంటుంది. ఇవి నిర్ణీత వ్యవధిలో రీసెట్ అవుతుంటాయి. సేల్‌కు సంబంధించిన తుది నిబంధనలు సదరు ప్రాడక్ట్ పేజీలో అందుబాటులో ఉంటాయి.

అమెజాన్ గ్రేట్ ఇండియన్ ఫెస్టివల్: SBI 10% డిస్కౌంట్‌తో ఎక్కువ లాభం పొందడం ఎలా?

మీకు నచ్చిన ఫోన్‌ను కార్ట్‌లో యాడ్ చేశాక, ముందుగా స్క్రీన్‌పై కనిపిస్తున్న కూపన్‌లను అప్లై చేయండి. ఆ తర్వాత నో-కాస్ట్ EMI ఎంచుకుని, ఇన్‌స్టంట్ డిస్కౌంట్ కోసం అర్హత కలిగిన SBI క్రెడిట్ కార్డ్‌ను సెలెక్ట్ చేయండి. మరిన్ని పొదుపు కోసం చెల్లుబాటు అయ్యే పాత ఫోన్ ఎక్స్చేంజ్ ఆఫర్‌ను జత చేయండి. ఆ మోడల్‌పై బ్యాంక్ ఆఫర్ వర్తిస్తుందో లేదో పేమెంట్ పేజీలో మరొకసారి సరిచూసుకోండి. RuPay-UPI చెల్లింపులు చేయకపోవడం మంచిది, ఎందుకంటే వాటికి SBI డిస్కౌంట్ వర్తించదు. చెల్లింపు పూర్తి చేసే ముందు ఆఫర్ లిమిట్‌ను కన్ఫర్మ్ చేసుకోండి.

ఐఫోన్, ఆండ్రాయిడ్ ఫోన్లపై బెస్ట్ ప్రైస్ పొందేందుకు సింపుల్ టిప్స్

నో-కాస్ట్ EMI, అదనపు కూపన్ డిస్కౌంట్లు ఉన్న మోడల్స్‌ను ఎంచుకోవడం మంచిది. పెద్ద మొత్తంలో షాపింగ్ చేస్తుంటే, లావాదేవీ పరిమితి ఆఫర్‌లను మళ్లీ వాడుకునేందుకు (అనుమతించినట్లయితే) ఆర్డర్‌లను వేర్వేరుగా విభజించండి. బ్యాంక్ నిబంధనలలో పేర్కొన్న 'రీసెట్' సమయాలను బట్టి కొనుగోలు సమయాన్ని ప్లాన్ చేయండి. ఎక్స్చేంజ్ వ్యాల్యూ తగ్గకుండా ఉండటానికి పాత ఫోన్‌ను మంచి వర్కింగ్ కండిషన్‌లో ఉంచండి. ఏవైనా సమస్యలు వస్తే సులువుగా పరిష్కరించుకోవడానికి చెక్అవుట్ సమయాన్న అప్లై చేసిన ప్రతీ ఆఫర్‌ను స్క్రీన్‌షాట్ తీసి పెట్టుకోండి.

సేల్ ప్రారంభానికి ముందే చేసుకోవాల్సిన ముఖ్యమైన పనులు

మీ SBI కార్డ్‌లో ఈ-కామర్స్, EMI సేవలను ఎనేబుల్ చేయండి, కేవైసీ (KYC) పూర్తి చేసి, అందుబాటులో ఉన్న క్రెడిట్ పరిమితిని సరిచూసుకోండి. చిరునామాలను సేవ్ చేసి, అమెజాన్‌లో కార్డ్‌ వివరాలను ముందే యాడ్ చేయండి. బ్యాంక్ డిస్కౌంట్ల కోసం UPI వాడకండి. పండుగ రద్దీ వల్ల డెలివరీకి సమయం పట్టవచ్చు కాబట్టి గిఫ్ట్‌ల కోసం కొనుగోళ్లను త్వరగానే ప్లాన్ చేసుకోండి. అమెజాన్‌లో మొబైళ్లకు సాధారణంగా రీప్లేస్‌మెంట్ మాత్రమే వర్తిస్తుంది కాబట్టి ప్రాడక్ట్ పేజీని వివరంగా చదవండి. అక్టోబర్ 8న సేల్ ప్రారంభమవుతుంది, ప్రైమ్ మెంబర్లకు అదనపు పొదుపు లభిస్తుంది.