అమెజాన్, ఫ్లిప్‌కార్ట్ సేల్స్: ఫోన్ల ధరలు భారీగా తగ్గుతున్నాయి.. ఈ ట్రిక్స్ పాటిస్తే భారీ ఆదా!

అక్టోబర్ 5తో పండుగల సేల్స్ హడావుడి మొదలైపోయింది. అమెజాన్ ‘గ్రేట్ ఇండియన్ ఫెస్టివల్’ ముందస్తు ఆఫర్లు ఇప్పటికే లైవ్‌లోకి వచ్చేశాయి. స్టేట్ బ్యాంక్ ఆఫ్ ఇండియా (SBI) కార్డులపై 10 శాతం తక్షణ డిస్కౌంట్ లభిస్తోంది. ఇక ఫ్లిప్‌కార్ట్ ‘బిగ్ బిలియన్ డేస్’ ప్లస్, విఐపి మెంబర్ల కోసం అక్టోబర్ 8 అర్ధరాత్రి నుంచే షురూ కానుంది. కూపన్లు, బ్యాంక్ ఆఫర్లు, ఎక్స్ఛేంజ్ బోనస్, నో-కాస్ట్ ఈఎంఐలను ఒకేసారి వాడుకుంటే ఫోన్ల ధరలను ఊహించని రీతిలో తగ్గించుకోవచ్చు.

అయితే అమెజాన్‌లో ఆఫర్లు పొందేందుకు కనీస చెల్లింపు పరిమితి, గరిష్ట డిస్కౌంట్‌లపై స్పష్టత ఉండాలి. స్మార్ట్‌ఫోన్లపై బ్యాంక్ ఆఫర్ పొందాలంటే ఎక్స్ఛేంజ్ తర్వాత కనీసం ₹4,990 చెల్లించాల్సి ఉంటుంది. ఒక కార్డుపై ఫుల్ పేమెంట్‌ ద్వారా గరిష్టంగా ₹1,000, ఈఎంఐ ఎంపికపై ₹1,250 వరకు తగ్గుతుంది. సెప్టెంబర్ 25 నుంచి అక్టోబర్ 7 వరకు నడిచే ఈ ముందస్తు ఆఫర్లలో అదనపు బోనస్‌లతో కలిపి గరిష్టంగా ₹13,750 వరకు ఆదా చేసుకోవచ్చు. కానీ, ఎస్‌బీఐ క్యాష్‌బ్యాక్, పేటీఎం, ఫ్లిప్‌కార్ట్ ఎస్‌బీఐ కార్డులకు ఈ డిస్కౌంట్ వర్తించదు.

అమెజాన్ ఎస్‌బీఐ 10% డిస్కౌంట్: ఆఫర్ల వివరాలు, ఆదా అయ్యే డబ్బుల లెక్కలివే!

తక్కువ ధరకే ఫోన్ సొంతం చేసుకోవడానికి ఆఫర్లను ఎలా క్లెయిమ్ చేయాలో ఈ చిన్న ప్రాసెస్ ద్వారా తెలుసుకోండి. స్టెప్ 1: ముందుగా పేజీలో ఉన్న కూపన్ (coupon) అప్లై చేయండి. స్టెప్ 2: ఎస్‌బీఐ ఆఫర్ బ్యానర్ ఉందో లేదో సరిచూసుకుని, కార్డ్ బిఐఎన్ (BIN) చెక్ చేయండి. స్టెప్ 3: అవసరమైతే నో-కాస్ట్ ఈఎంఐ (No Cost EMI) ఆప్షన్ ఎంచుకోండి. స్టెప్ 4: పాత ఫోన్ ఎక్స్ఛేంజ్ జోడించండి. ఉదాహరణకు: ₹44,999 ధర ఉన్న ఫోన్‌పై ₹2,000 కూపన్, ₹1,250 ఎస్‌బీఐ ఈఎంఐ డిస్కౌంట్, ₹500 ఈఎంఐ బోనస్ పోతే ధర ₹41,249 అవుతుంది. దానికి ₹5,000 ఎక్స్ఛేంజ్ ఆఫర్ తోడైతే తుది ధర ₹36,249కి తగ్గుతుంది. ఎక్స్ఛేంజ్ తర్వాత చెల్లించాల్సిన మొత్తం కనీసం ₹4,990 కంటే తక్కువ కాకుండా చూసుకోండి.

ఫ్లిప్‌కార్ట్ బిగ్ బిలియన్ డేస్ ఆక్సిస్/ఐసీఐసీఐ ఆఫర్లు: ఎర్లీ యాక్సెస్.. ఎవరు వేచి చూడాలంటే?

ఫ్లిప్‌కార్ట్ ఎర్లీ యాక్సెస్ సేల్ అక్టోబర్ 8న అర్ధరాత్రి 12 గంటల నుంచి మొదలవుతుండగా, అందరికీ అక్టోబర్ 9 నుంచి అందుబాటులోకి రానుంది. ఆక్సిస్ బ్యాంక్, ఐసీఐసీఐ బ్యాంక్ కార్డ్‌లపై 10% తక్షణ డిస్కౌంట్ లభిస్తుంది. వీటికి సంబంధించిన లిమిట్స్ ప్రాడక్ట్ పేజీల్లో కనిపిస్తాయి. ఇక ఐఫోన్ 17 (iPhone 17) ఆఫర్ ధర ₹79,999 నుంచి ప్రారంభమవుతుందని టీజర్లు చెబుతున్నాయి. కాబట్టి ఫ్లాగ్‌షిప్ ఫోన్లకు అప్‌గ్రేడ్ అవ్వాలనుకునేవారు ఈ అర్ధరాత్రి డీల్స్ కోసం వేచి చూడడం మంచిది. అయితే బడ్జెట్ ఆండ్రాయిడ్ ఫోన్ల కోసం చూస్తున్నవారు మాత్రం అమెజాన్‌లో ప్రస్తుతం లైవ్‌లో ఉన్న డీల్స్‌ను ఇప్పుడే ఉపయోగించుకోవచ్చు.

అయితే చెల్లింపులు చేసే ముందు కొన్ని జాగ్రత్తలు తప్పనిసరి. కార్డ్ అర్హతను సరిచూసుకోవడంతో పాటు ఆఫర్ పరిధిలోకి రాని మోడల్స్, కేటగిరీల పట్ల అప్రమత్తంగా ఉండండి. ముఖ్యంగా అమెజాన్‌లో కో-బ్రాండెడ్ ఎస్‌బీఐ కార్డులకు ఈ ఆఫర్ వర్తించదు. మీ ఏరియా డెలివరీ పిన్‌కోడ్ అందుబాటులో ఉందో లేదో చెక్ చేసుకోండి. అలాగే అర్ధరాత్రి సేల్ మొదలైనప్పుడు యాప్, వెబ్‌సైట్ రెండింట్లోనూ ధరలను పోల్చి చూడండి. ఎక్స్ఛేంజ్ వాల్యూ వల్ల తుది బిల్లు కనీస పరిమితి కంటే తగ్గితే బ్యాంక్ ఆఫర్ పొందే అవకాశం కోల్పోతారు. అందుకే రెండూ ప్లాట్‌ఫారమ్‌లలో కార్డులను సేవ్ చేసుకుని, కార్ట్‌లను సిద్ధంగా ఉంచుకుని, ఆఫర్ అలర్ట్‌లను ఆన్‌లో పెట్టుకోండి.